Hasin Jahan Slams Mohammad Shami Over Test Retirement: ભારતીય ક્રિકેટ ટીમના અનુભવી ફાસ્ટ બોલર મોહમ્મદ શમી દ્વારા ટેસ્ટ ક્રિકેટમાંથી અચાનક નિવૃત્તિની જાહેરાત કરવામાં આવ્યા બાદ હવે રાજકારણ અને અંગત વિવાદો પણ ગરમાયા છે. શમીના આ ભાવનાત્મક નિર્ણય પર તેની પત્ની હસીન જહાંએ અત્યંત તીખી પ્રતિક્રિયા આપી છે. એક મીડિયા વાતચીત દરમિયાન હસીન જહાંએ કટાક્ષ કરતા જણાવ્યું હતું કે શમીએ ટેસ્ટ ક્રિકેટ છોડ્યું નથી, પરંતુ જાણે ભગવાને તેના પર કોઈ કહેર વરસાવ્યો છે. પોતાના શાનદાર પ્રદર્શન અને ચાહકોની પ્રશંસાથી અભિભૂત થઈને શમી પોતાને ભગવાન માનવા લાગ્યો હતો, પરંતુ અસલી ઓળખ ખ્યાતિ કે ક્રિકેટથી નહીં પરંતુ માનવતાથી નક્કી થાય છે.

જન્મ તારીખ અને ઉંમર વિવાદ પર ગંભીર આક્ષેપો

વાતચીતમાં હસીન જહાંએ મોહમ્મદ શમીની ઉંમરને લઈને પણ મોટા સવાલો ઉઠાવ્યા હતા. તેણે આક્ષેપ કર્યો હતો કે શમીના શૈક્ષણિક પ્રમાણપત્રોમાં કથિત વિસંગતતાઓ અને છેડછાડના કારણે તેને લાંબા સમય સુધી નાની ઉંમરનો દર્શાવવામાં આવ્યો હતો. તેણે દાવો કર્યો હતો કે શમીનું વાસ્તવિક જન્મ વર્ષ 1982 હતું, જ્યારે તેના શૈક્ષણિક દસ્તાવેજોમાં વર્ષ 1990 બતાવવામાં આવ્યું હતું. હસીન જહાંએ ઉમેર્યું હતું કે ઉંમર કાગળો પર નહીં પરંતુ કુદરતી રીતે વધતી હોય છે. તેમણે સવાલ કર્યો હતો કે જો શમી ખરેખર યુવાન હતો તો તે અંડર-19 ક્રિકેટ કેમ ન રમ્યો અને તેણે 22 વર્ષની ઉંમર પછી જ ક્રિકેટ રમવાનું કેમ શરૂ કર્યું?

“કર્મ કોઈને બક્ષતું નથી, શમીનું કર્મ શરૂ થઈ ગયું છે”

હસીન જહાંએ વધુમાં દાવો કર્યો હતો કે શમીની વધતી ઉંમર હવે તેની કારકિર્દી પર અસર કરી રહી છે. તેમણે કહ્યું કે કર્મ ક્યારેય કોઈને છોડતું નથી અને હવે શમીનું કર્મ શરૂ થઈ ચૂક્યું છે. જો કે, તેમણે એ પણ સ્વીકાર્યું કે જો શમીનું પ્રદર્શન ખરાબ હોત તો બીસીસીઆઈ દ્વારા તકો ન આપવી સમજી શકાય તેવી વાત હતી, પરંતુ સારા પ્રદર્શન છતાં તેને અવગણવામાં આવ્યો હતો. આ નિવેદનોથી ક્રિકેટ જગતમાં ભારે ચર્ચા જાગી છે, જો કે હસીન જહાં દ્વારા લગાવવામાં આવેલા આ આરોપોની કોઈ સ્વતંત્ર પુષ્ટિ થઈ શકી નથી.

શમીના પરિવાર સામે ચૂંટણી લડવાનો ખુલ્લો પડકાર

અંગત વિવાદોની સાથેસાથે હસીન જહાંએ શમીના પરિવારને લઈને વધુ એક મોટું નિવેદન આપ્યું છે. તેણે શમીના પરિવારને ચૂંટણી લડવા માટે ખુલ્લો પડકાર ફેંક્યો છે. હસીન જહાંએ સ્પષ્ટ શબ્દોમાં કહ્યું છે કે તે શમી, તેના ભાઈ, ભાભી કે પરિવારના અન્ય કોઈપણ સભ્ય સામે ચૂંટણી લડવા માટે તૈયાર છે. જો તેમના પરિવારમાંથી કોઈ પણ વ્યક્તિ ચૂંટણીના મેદાનમાં ઉતરશે તો તે પાછળ હટશે નહીં અને મજબૂતીથી મુકાબલો કરશે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

મોહમ્મદ શમીની ભાવનાત્મક નિવૃત્તિ

ઉલ્લેખનીય છે કે, ભારતીય ફાસ્ટ બોલિંગ આક્રમણના કરોડરજ્જુ સમાન અને અમરોહાના પુત્ર મોહમ્મદ શમીએ ગત 6 નવેમ્બર, 2026 ના રોજ સોશિયલ મીડિયા પર એક ભાવનાત્મક વીડિયો શેર કરીને ટેસ્ટ ક્રિકેટમાંથી નિવૃત્તિ લેવાની જાહેરાત કરી હતી. તેના આ અણધાર્યા નિર્ણયથી ચાહકો ચોંકી ગયા હતા. પોતાના ફાર્મહાઉસ પરથી શેર કરેલા 2.48 મિનિટના આ વીડિયોને સોશિયલ મીડિયા પર ભારે પ્રતિસાદ મળ્યો હતો. શમીએ જણાવ્યું હતું કે તે સફેદ જર્સીમાંથી નિવૃત્તિ લઈ રહ્યો છે, પરંતુ આ ફોર્મેટ સાથે જોડાયેલી યાદો હંમેશા તેના હૃદયમાં જીવંત રહેશે. જો કે, તેણે સ્પષ્ટ કર્યું હતું કે તે ODI અને T20 ક્રિકેટ રમવાનું યથાવત રાખશે. વર્ષ 2013 માં વેસ્ટ ઈન્ડિઝ સામે ટેસ્ટ ડેબ્યૂ કરનાર શમીએ ભારત માટે 64 ટેસ્ટ મેચોમાં 229 વિકેટ ઝડપી છે અને 6 વખત ઇનિંગમાં 5 કે તેથી વધુ વિકેટ લેવાનું ગૌરવ હાંસલ કર્યું છે.

આ પણ વાંચો: BCCIનો મોટો નિર્ણય! ટેસ્ટ, વનડે અને T20 માટે ટીમ ઈન્ડિયાની પસંદગી