ACC U19 Asia Cup 2026:  ACC મેન્સ અંડર-19 એશિયા કપ 2026માં રવિવારે (8 નવેમ્બર) ભારત અને પાકિસ્તાન વચ્ચે મહાસામેની ટક્કર જોવા મળી હતી. અલ અમેરાતના અલ અમેરાત ક્રિકેટ ગ્રાઉન્ડ (મિનિસ્ટ્રી ટર્ફ 2) ખાતે રમાયેલા આ રોમાંચક મુકાબલામાં ભારતીય ટીમને 3 વિકેટે હારનો સામનો કરવો પડ્યો છે. મેચમાં ભારતે પાકિસ્તાનને જીતવા માટે 209 રનનો ટાર્ગેટ આપ્યો હતો, જેણે પાકિસ્તાને 48.1 ઓવરોમાં હાંસલ કરી લીધો હતો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

પાકિસ્તાનની જીતમાં વિકેટકીપર બેટ્સમેન હમજા જહૂરે મહત્વની ભૂમિકા ભજવી હતી. હમજાએ 108 બોલમાં અણનમ 100 રનની ઇનિંગ રમી હતી, જેમાં 10 ચોગ્ગા અને ત્રણ છગ્ગા સામેલ હતા. આ ઉપરાંત હસનૈન અબ્બાસ ડારે 38 રનનું યોગદાન આપ્યું હતું. હમજા અને હસનૈન વચ્ચે છઠ્ઠી વિકેટ માટે 107 રનની ભાગીદારી થઈ હતી, જેણે મેચનું પાસું પલટી નાખ્યું હતું. ભારત તરફથી મનલ ચૌહાણે સૌથી વધુ 3 વિકેટ ઝડપી હતી. અગાઉ ભારતે પોતાના પ્રથમ મુકાબલામાં નેપાળને 10 વિકેટથી હરાવ્યું હતું, જેમાં વિરેન્દ્ર સેહવાગના પુત્ર આર્યવીરે શાનદાર બેટિંગ કરી હતી.

અર્જુન રાજપૂતની તૂફાની સદી

મેચમાં ટોસ જીતીને પ્રથમ બેટિંગ કરતા ભારતે 46.3 ઓવરોમાં 208 રન બનાવ્યા હતા. ભારતીય ટીમની શરૂઆત ખૂબ જ ખરાબ રહી હતી અને શરૂઆતની ઓવરોમાં જ કેપ્ટન લક્ષ્ય રાયચંદાની સહિત ટોચના બેટ્સમેન સસ્તામાં આઉટ થઈ ગયા હતા. 22 રનમાં 3 વિકેટ ગુમાવ્યા બાદ અર્જુન રાજપૂત અને મનલ ચૌહાણ વચ્ચે 64 રનની ભાગીદારી થઈ હતી, જેણે ટીમને સંકટમાંથી બહાર કાઢી હતી.

આ પણ વાંચોઃ સવારના સમયે હાર્ટ એટેકનું જોખમ કેમ વધી જાય છે? જાણો કારણ

અર્જુન રાજપૂતે શાનદાર બેટિંગ કરતા માત્ર 80 બોલમાં પોતાની સદી પૂરી કરી હતી. તેણે 85 બોલમાં 11 ચોગ્ગા અને 5 છગ્ગાની મદદથી 107 રનની તૂફાની ઇનિંગ રમી હતી. નીચલા ક્રમમાં કાવ્ય પટેલે પણ 23 રનનું યોગદાન આપ્યું હતું. પાકિસ્તાન તરફથી અલી રઝા, રિઝવાનુલ્લાહ અને નિકાબ શફીકે 3-3 વિકેટ ઝડપી હતી.

પ્લેઈંગ-11 અને આગામી શેડ્યુલ

• ભારતની સંભવિત પ્લેઈંગ-11: લક્ષ્ય રાયચંદાની (કેપ્ટન), આર્યવીર સેહવાગ, અન્વય દ્રવિડ (વિકેટકીપર), અર્જુન રાજપૂત, ઈશાન સૂદ, કાવ્યા પટેલ, મનલ ચૌહાણ, મોहित ઉલ્વા, યશવીર ગૌડ, વીકે વિનીત અને યશબર્ધન ચૌહાણ.

• પાકિસ્તાનની પ્લેઈંગ-11: ઉસ્માન ખાન, જહાંગીર બિલાલ, અબ્દુલ કાદિર, અહમદ હુસૈન, અલી રઝા, હમજા જહૂર (વિકેટકીપર), હસનૈન અબ્બાસ ડાર, મોહમ્મદ સૈયામ, ફરહાન યૂસફ (કેપ્ટન), નિકાબ શફીક અને રિઝવાનુલ્લાહ.

• ભારતીય ટીમનું શેડ્યુલ:

  • શુક્રવાર (6 નવેમ્બર): વિ. નેપાળ (ભારતની 10 વિકેટથી જીત)

  • રવિવાર (8 નવેમ્બર): વિ. પાકિસ્તાન (ભારતની 3 વિકેટે હાર)

  • મંગળવાર (10 નવેમ્બર): વિ. સંયુક્ત આરબ અમીરાત (અલ અમેરાત)