EPFO Auto Settlement Inactive PF Accounts :  જો તમારું જૂનું PF ખાતું લાંબા સમયથી ઉપયોગમાં નથી અને તેમાં 1,000 રૂપિયા કે તેથી ઓછી રકમ જમા છે, તો તમારા માટે રાહતના સમાચાર છે. કર્મચારી ભવિષ્ય નિધિ સંગઠન (EPFO) આવા નિષ્ક્રિય ખાતાઓના પૈસા હવે આપોઆપ સેટલ કરશે. આ માટે યોગ્ય ખાતાધારકોએ અલગથી ક્લેમ કરવાની જરૂર રહેશે નહીં. આધારથી વેરિફાઈડ ખાતાઓમાં ઓળખ અને બેંક ખાતાની ચકાસણી પૂરી થયા પછી EPFO ખુદ ચૂકવણીની પ્રક્રિયા શરૂ કરશે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

નિષ્ક્રિય PF ખાતાઓમાં કેવી રીતે મળશે પૈસા?

EPFO એ પોતાના 74મા સ્થાપના દિવસ પર નિષ્ક્રિય ભવિષ્ય નિધિ (EPF) ખાતાઓમાં જમા નાની રકમ આપોઆપ સેટલ કરવાની સુવિધા શરૂ કરી છે. આ અંતર્ગત જે નિષ્ક્રિય ખાતાઓમાં 1000 રૂપિયા કે તેથી ઓછું બેલેન્સ છે, તેમના પૈસા ખાતાધારકોને વગર અલગ ક્લેમે આપવામાં આવશે. આ સુવિધાનો ફાયદો માત્ર તે જ ખાતાઓને મળશે, જે આધારથી વેરિફાઈડ છે.

EPFO પહેલા ખાતાધારકની ઓળખ અને બેંક ખાતાની જરૂરી તપાસ પૂરી કરશે. ત્યારબાદ પાત્ર ખાતામાં જમા રકમની ચૂકવણીની પ્રક્રિયા ખુદ શરૂ કરવામાં આવશે. એટલે કે ખાતાધારકે પૈસા ઉપાડવા માટે અલગથી અરજી કે ક્લેમ દાખલ કરવો પડશે નહીં.

લગભગ 1 લાખ ખાતાધારકોને મળશે ફાયદો

EPFO ની આ પહેલથી લગભગ 1 લાખ નિષ્ક્રિય ખાતાઓને ફાયદો મળવાની આશા છે. આ ખાતાઓમાં જમા લગભગ 5 કરોડ રૂપિયાની રકમનો નિકાલ કરવામાં આવી શકે છે. તેનો હેતુ એવા લોકોને રાહત આપવાનો છે, જેના જૂના પીએફ ખાતાઓમાં થોડી રકમ પડી છે અને તેઓ કોઈક કારણસર તેને ઉપાડી શક્યા નથી.

આ પણ વાંચોઃ ₹30 હજારની લેતીદેતીમાં મિત્રએ જ કરી મિત્રની ઘાતકી હત્યા: ઘરમાં હાથ-પગ બાંધીને મટન કાપવાના કોયતાથી ગળું કાપી નાખ્યું!

કયા ખાતાઓને માનવામાં આવશે યોગ્ય?

આ સુવિધાનો લાભ લેવા માટે કેટલીક શરતો રાખવામાં આવી છે:

• પીએફ ખાતું નિષ્ક્રિય હોવું જોઈએ.

• ખાતામાં જમા રકમ 1000 રૂપિયા કે તેથી ઓછી હોવી જોઈએ.

• ખાતાધારકનું આધાર વેરિફાઈડ હોવું જરૂરી છે.

• ઓળખ અને બેંક ખાતા સાથે જોડાયેલી જરૂરી તપાસ પૂરી હોવી જોઈએ.

હવે WhatsApp પર પણ મળશે PF ખાતાની જાણકારી

EPFO એ સ્થાપના દિવસ પર વોટ્સએપના માધ્યમથી સેવાઓ આપવાની પણ જાહેરાત કરી છે. આ અંતર્ગત સભ્યો પોતાના પીએફ બેલેન્સ, તાજેતરના પાંચ ટ્રાન્ઝેક્શન અને પાસબુકની માહિતી મેળવી શકશે. કેન્દ્રીય શ્રમ અને રોજગાર મંત્રી મનસુખ માંડવિયાએ 1 નવેમ્બરના રોજ નવી દિલ્હીમાં EPFO ના 74મા સ્થાપના દિવસ સમારોહમાં આ પહેલોની જાણકારી આપી હતી. તેમણે જણાવ્યું કે 8 કરોડથી વધુ સભ્યોના યોગદાનથી EPFO પાસે લગભગ 32 લાખ કરોડ રૂપિયાનું ફંડ છે.

આ પણ વાંચોઃ આ જ ઈચ્છતુ હતું બજાર? અહીં ટ્રમ્પની હાર, ત્યાં અમેરિકન માર્કેટમાં તેજીનું સિગ્નલ