Gujarat : કેન્દ્રીય ગૃહ અને સહકાર મંત્રી અમિત શાહ 7 થી 11 નવેમ્બર દરમિયાન પોતાના વતન ગુજરાતના ચાર દિવસીય પ્રવાસે આવી રહ્યા છે. દિવાળી અને નૂતન વર્ષની ઉજવણી પરિવારજનો તથા કાર્યકરો સાથે કરવા ઉપરાંત તેઓ રાજ્યને ₹1,500 કરોડથી વધુના જંગી વિકાસ પ્રકલ્પોની ભેટ આપશે. આ ચાર દિવસીય મુલાકાત દરમિયાન અમદાવાદ અને ગાંધીનગર સંસદીય મતવિસ્તારમાં અનેકવિધ પ્રજાલક્ષી યોજનાઓનાં લોકાર્પણ, ખાતમુહૂર્ત તેમજ ઉચ્ચસ્તરીય સમીક્ષા બેઠકોનું આયોજન કરવામાં આવ્યું છે. (Amit Shah) 

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

અમદાવાદ શહેરના ટ્રાફિક વ્યવસ્થાપનને નવી દિશા આપવા માટે તૈયાર કરાયેલા મહત્વાકાંક્ષી ઇસ્કોન-સરખેજ એલિવેટેડ કોરિડોરનું 9 નવેમ્બરના રોજ કેન્દ્રીય ગૃહમંત્રીના હસ્તે લોકાર્પણ કરવામાં આવશે. એસ.જી. હાઇવે પરના આ ઓવરબ્રિજ કાર્યરત થવાથી વાહનચાલકોને કલાકોના ટ્રાફિક જામમાંથી કાયમી મુક્તિ મળશે અને એરપોર્ટ તથા ગાંધીનગર તરફનું આવાગમન વધુ ઝડપી અને સુગમ બનશે.

અમદાવાદને ગ્લોબલ સ્પોર્ટ્સ સિટી તરીકે વિકસાવવાના સંકલ્પ સાથે કેન્દ્રીય ગૃહમંત્રી અમદાવાદ મ્યુનિસિપલ કોર્પોરેશન (AMC)ના ઉચ્ચ અધિકારીઓ અને પદાધિકારીઓ સાથે એક વિશેષ સમીક્ષા બેઠક યોજશે. વર્ષ 2030માં અમદાવાદ ખાતે પ્રસ્તાવિત કોમનવેલ્થ ગેમ્સના આયોજનને ધ્યાને રાખીને શહેરમાં સ્પોર્ટ્સ ઈન્ફ્રાસ્ટ્રક્ચર, અત્યાધુનિક સ્ટેડિયમ સંકુલ, સ્પોર્ટ્સ વિલેજ અને કનેક્ટિવિટી પ્રોજેક્ટ્સની વર્તમાન સ્થિતિ અંગે વિગતવાર સમીક્ષા હાથ ધરાશે.

આ પણ વાંચો: સોનમ વાંગચુકની સ્કૂલને નોટિસ, ક્લાસ એક્ટિવિટી રોકવાનો આદેશ!

નવા વર્ષના પાવન અવસરે પોતાની વર્ષો જૂની પરંપરા જાળવી રાખીને અમિત શાહ પોતાના અમદાવાદ સ્થિત નિવાસસ્થાને ભાજપના પાયાના કાર્યકરો, અગ્રણીઓ અને શુભેચ્છકો સાથે નૂતન વર્ષાભિનંદન સ્નેહમિલન યોજશે. સવારે 8:00 વાગ્યાથી શરૂ થનારા આ કાર્યક્રમમાં તેઓ પક્ષના કાર્યકરોને રૂબરૂ મળીને નવા વર્ષની શુભેચ્છાઓ પાઠવશે. આ ઉપરાંત, તેઓ પોતાના સંસદીય ક્ષેત્ર ગાંધીનગરમાં નાગરિક સુવિધાઓ, આરોગ્ય અને શહેરી વિકાસ સંબંધિત કરોડો રૂપિયાના પ્રોજેક્ટ્સનું ખાતમુહૂર્ત પણ કરશે.