PF coverage : કેન્દ્ર સરકારે નોકરિયાત વર્ગને મોટી રાહત આપતાં પ્રોવિડન્ટ ફંડ (PF) કવરેજ માટેની માસિક પગાર મર્યાદા ₹15,000 થી વધારીને ₹25,000 કરવાને મંજૂરી આપી દીધી છે. આ ઐતિહાસિક નિર્ણયથી દેશભરમાં વધુ સંખ્યામાં કર્મચારીઓ PF અને સામાજિક સુરક્ષાના દાયરામાં આવી શકશે.

આ મર્યાદા વધારવાનો સીધો અર્થ એ છે કે હવે ₹25,000 સુધીનો મૂળ પગાર (બેઝિક સેલરી) મેળવતા કર્મચારીઓ માટે PF અને પેન્શન (EPS) કપાત કરાવવી ફરજિયાત બનશે.

વાર્ષિક ₹11,339 કરોડનો વધારાનો ખર્ચ

કેન્દ્રીય મંત્રી અશ્વિની વૈષ્ણવના જણાવ્યા અનુસાર, આ પગલાથી કર્મચારીઓને બહેતર સામાજિક સુરક્ષા અને આર્થિક સ્થિરતા પ્રાપ્ત થશે. સરકારના અંદાજ મુજબ આ ફેરફાર લાગુ કરવાથી વાર્ષિક આશરે ₹11,339 કરોડનો વધારાનો આર્થિક બોજ આવશે. સરકારનું માનવું છે કે સામાજિક સુરક્ષાનો વ્યાપ વધવાથી કર્મચારીઓને લાંબા ગાળે મોટો ફાયદો થશે અને કંપનીઓને પણ કુશળ કર્મચારીઓને લાંબો સમય પોતાની સાથે જોડી રાખવામાં મદદ મળશે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

મર્યાદા વધવાથી શું બદલાશે?

₹25,000 કે તેથી ઓછો પગાર: જો કોઈ કર્મચારીનો બેઝિક પગાર અને મોંઘવારી ભથ્થું (DA) મળીને ₹25,000 કે તેથી ઓછો હોય, તો કંપની માટે તેને EPF સ્કીમ હેઠળ આવરી લેવો કાયદાકીય રીતે ફરજિયાત રહેશે.

₹25,000 થી વધુ પગાર: જો કોઈ કર્મચારીનો બેઝિક પગાર + DA ₹25,000 થી વધુ હોય અને તે પ્રથમ વખત નોકરીમાં જોડાયો હોય (એટલે કે અગાઉ EPF સભ્ય ન હોય), તો તેના માટે EPFમાં જોડાવું ફરજિયાત રહેશે નહીં. આવા કર્મચારી પાસે સ્કીમ લેવી કે ન લેવી તેનો સ્વતંત્ર વિકલ્પ રહેશે.

આ પણ વાંચો:ગાંધીનગર મનપાની ચૂંટણીની તારીખ જાહેર : 11 ઓક્ટોબરના યોજાશે મતદાન

ફરજિયાત યોગદાનની ગણતરી માટે મર્યાદા ₹15,000 જ રહેશે.

અહીં એક મહત્વનો તફાવત સમજવો અનિવાર્ય છે.

કવરેજ vs યોગદાન: નવી ₹25,000 ની મર્યાદા માત્ર કર્મચારીને EPF યોજનાના કવરેજ હેઠળ લાવવા માટે છે.

યોગદાનની સીમા: કંપની અને કર્મચારીનું લઘુત્તમ ફરજિયાત EPF યોગદાન હજુ પણ ₹15,000 ના પગારના હિસાબે જ નક્કી થશે.

ઉદાહરણ:

જો કોઈ કર્મચારીનો બેઝિક પગાર અને DA મળીને ₹20,000 છે, તો તેને EPF માં સામેલ કરવો ફરજિયાત બનશે, પરંતુ નિયમ મુજબ ફરજિયાત યોગદાન ₹15,000 ની સીમા સુધી જ ગણાશે.

જો કોઈ નવો કર્મચારી ₹30,000 ના બેઝિક પગાર સાથે જોડાય છે અને તે પહેલાં સભ્ય નથી, તો તે પોતાની મરજી મુજબ EPF નો વિકલ્પ પસંદ કરી શકે છે અથવા નકારી શકે છે.

આ પણ વાંચો:OTT કન્ટેન્ટ પર કસાશે લગામ? RSS દ્વારા એક્સપર્ટ પેનલની રચના