કેદારનાથ ધામમાં ભક્તોની ભીડનો નવો રેકોર્ડ, માત્ર 39 દિવસમાં 10 લાખથી વધુ શ્રદ્ધાળુઓએ કર્યા દર્શન
Kedarnath Dham: ઉત્તરાખંડના પવિત્ર કેદારનાથ ધામમાં આ વર્ષે શ્રદ્ધાળુઓની અભૂતપૂર્વ ભીડ જોવા મળી રહી છે. બાબા કેદારના દર્શન માટે દેશ-વિદેશમાંથી મોટી સંખ્યામાં ભક્તો પહોંચી રહ્યા છે, જેના કારણે યાત્રાએ નવા રેકોર્ડ સ્થાપિત કર્યા છે. માત્ર 39 દિવસમાં 10 લાખથી વધુ શ્રદ્ધાળુઓએ કેદારનાથ ધામના દર્શન કરીને અગાઉના તમામ રેકોર્ડ તોડી નાખ્યા છે.
યાત્રા નિયંત્રણ કક્ષ, રુદ્રપ્રયાગ દ્વારા જાહેર કરાયેલા આંકડા અનુસાર, 30 મે સુધી કેદારનાથ ધામમાં દર્શન કરનાર ભક્તોની કુલ સંખ્યા 10,00,497 સુધી પહોંચી ગઈ છે. માત્ર 29 મેની સાંજથી 30 મેની સાંજ સુધીના 24 કલાકમાં 24,066 શ્રદ્ધાળુઓએ બાબા કેદારના દર્શન કર્યા હતા. તેમાં 12,856 પુરુષો, 11,088 મહિલાઓ અને 122 બાળકોનો સમાવેશ થાય છે.
#WATCH | बद्रीनाथ, उत्तराखंड: श्री बद्रीनाथ-केदारनाथ मंदिर समिति(BKTC) के मुख्य कार्याधिकारी सोहन सिंह रांगड़ ने बताया, “बद्रीनाथ धाम के कपाट 23 अप्रैल को खुले थे और अब तक लगभग 17 लाख यात्रियों ने दर्शन किए हैं। 30 हजार के आस-पास यात्री प्रतिदिन दोनों धामों में पहुंच रहे हैं।… https://t.co/HgZa16VH8R pic.twitter.com/Y4Ofpl00be
— ANI_HindiNews (@AHindinews) May 30, 2026
ચારધામ યાત્રા દરમિયાન સતત વધી રહેલી ભીડને ધ્યાનમાં રાખીને સ્થાનિક પ્રશાસન અને મંદિર સમિતિ દ્વારા વિશેષ વ્યવસ્થાઓ કરવામાં આવી રહી છે. યાત્રા માર્ગ, આરોગ્ય સુવિધાઓ, સુરક્ષા અને ટ્રાફિક વ્યવસ્થાપન પર સતત નજર રાખવામાં આવી રહી છે જેથી ભક્તોને કોઈ મુશ્કેલી ન પડે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
અધિકારીઓના જણાવ્યા અનુસાર, કઠિન પહાડી માર્ગો અને બદલાતા હવામાન છતાં ભક્તોની આસ્થા અડગ રહી છે. કેદારનાથ ધામ ફરી એકવાર દેશ અને દુનિયાના લાખો શ્રદ્ધાળુઓ માટે આસ્થાનું સૌથી મોટું કેન્દ્ર બની રહ્યું છે.
બીજી તરફ, બદ્રીનાથ ધામમાં પણ ભક્તોની ભારે ભીડ જોવા મળી રહી છે. બદ્રીનાથ-કેદારનાથ મંદિર સમિતિના મુખ્ય કાર્યકારી અધિકારી સોહન સિંહ રાંગડે જણાવ્યું કે બદ્રીનાથ ધામના કપાટ ખુલ્યા બાદ અત્યાર સુધીમાં આશરે 17 લાખ યાત્રાળુઓ દર્શન કરી ચૂક્યા છે.
તેમણે વધુમાં જણાવ્યું કે હાલમાં બંને ધામોમાં મળીને દરરોજ અંદાજે 30 હજાર જેટલા યાત્રાળુઓ પહોંચી રહ્યા છે. યાત્રા ચરમસીમાએ હોવાથી મંદિર પરિસર અને આસપાસના વિસ્તારો ભક્તોથી ખચાખચ ભરાયેલા છે. મંદિર સમિતિ અને પોલીસ તંત્ર મળીને કાયદો-વ્યવસ્થા અને યાત્રા વ્યવસ્થાપન સુનિશ્ચિત કરી રહ્યા છે.
આ વર્ષે ચારધામ યાત્રામાં નોંધાયેલા આંકડાઓ દર્શાવે છે કે ઉત્તરાખંડના ધાર્મિક સ્થળો પ્રત્યે ભક્તોની આસ્થા સતત વધી રહી છે.
આ પણ વાંચો : સૂર્યા હત્યા કેસમાં મુખ્ય આરોપી અસદ એન્કાઉન્ટરમાં ઠાર, માતાએ આ માગ કરી
