LIC Launches 3 New Insurance Plans: લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC) એ 12 ઓક્ટોબર 2026 ના રોજ આપેલી ફાઈલિંગમાં જણાવ્યું કે ત્રણ નવા પ્લાનમાં ન્યૂ જીવન ધારા-II (પ્લાન 892), હેલ્થ શીલ્ડ (પ્લાન 907) અને ન્યૂ કેન્સર કવર (પ્લાન 908) સામેલ છે. ત્રણેય પ્લાન 19 ઓક્ટોબરથી ઉપલબ્ધ કરાવવામાં આવશે, પરંતુ આ વીમા પ્લાનનો ઉદ્દેશ્ય અલગ-અલગ જરૂરિયાતોને પૂરી કરવાનો છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

જીવનભર પેન્શન

LIC ની ન્યૂ જીવન ધારા-II પોલિસી, હોલ્ડર્સને એક નિયમિત આવકની ગેરંટી આપે છે. આ એક ડિફર્ડ એન્યુટી પ્લાન છે. તેમાં તમારી ટર્મ પૂરી થયા પછી જીવનભર પેન્શનનો વિકલ્પ મળે છે. પોલિસી લેવા દરમિયાન જ તેનો દર નક્કી થાય છે. તેમાં ગ્રાહક સિંગલ પ્રીમિયમ અથવા નિયમિત પ્રીમિયમનો વિકલ્પ પસંદ કરી શકે છે. તેમાં સિંગલ લાઈફ અને જોઈન્ટ લાઈફ એન્યુટીની સુવિધા પણ છે.

નિયમિત પ્રીમિયમ વાળા પ્લાનમાં આવક શરૂ થવા પહેલાનો સમયગાળો 2 થી 15 વર્ષ અને સિંગલ પ્રીમિયમ વાળા પ્લાનમાં 1 થી 15 વર્ષ રાખી શકાય છે. આ પ્લાન ઓછામાં ઓછી 18 વર્ષની વ્યક્તિ ખરીદી શકે છે.

આ પણ વાંચોઃ EPFO ની મોટી રાહત, 16 દિવસ માટે વધારી આ ડેડલાઇન

હોસ્પિટલમાં દાખલ થવા પર મળશે રકમ

LIC ની બીજી પોલિસી હેલ્થ શીલ્ડ છે, જે એક હેલ્થ ઈન્સ્યોરન્સ પ્લાન છે. આ હેઠળ પાત્ર હોસ્પિટલમાં દાખલ થવા પર દરરોજના હિસાબે નક્કી કરેલી રકમ મળે છે. આ સિવાય, કેટલીક મોટી સર્જરી અને ગંભીર બીમારીઓ માટે પણ ચૂકવણી કરવાની જોગવાઈ છે.

આ પોલિસી હેઠળ ટર્મ અને પ્રીમિયમ ભરવાનો સમય, બંને 15 વર્ષ છે. આ પ્લાન માટે વ્યક્તિની ઉંમર 18 થી 65 વર્ષ હોવી જોઈએ. તેમાં 90 દિવસથી 20 વર્ષ સુધીના બાળકોને પણ વધારાના વીમાકૃત સભ્ય બનાવી શકાય છે.

ન્યૂ કેન્સર કવર

આ પોલિસીમાં શરૂઆતના તબક્કામાં કેન્સરની પુષ્ટિ થવા પર વીમા રકમના 25 ટકા અને નક્કી કરેલા ગંભીર તબક્કાના કેન્સરની પુષ્ટિ થવા પર 100 ટકા ચૂકવણીની જોગવાઈ છે. ગંભીર સ્થિતિમાં 10 વર્ષ સુધી દર મહિને વીમા રકમના 1 ટકો પણ આપવામાં આવશે. આ સ્થિતિમાં ભવિષ્યમાં પ્રીમિયમ માફ થવાની પણ સુવિધા છે. આ પ્લાનને 18 થી 65 વર્ષની ઉંમરના લોકો ખરીદી શકે છે. લઘુત્તમ વીમા રકમ ઉંમરના આધારે ₹15 લાખથી ₹35 લાખ સુધી છે, જ્યારે મહત્તમ સીમા ₹50 લાખ છે.

આ પણ વાંચોઃ અમદાવાદના જગતપુર-ગોતા રોડ પર ‘ફળિયું’ ગરબાનું સ્થળ સીલ: ₹40 લાખ ચૂકવ્યા વિના 4 દિવસ યોજાયા ગરબા