Egg Freezing: આજના આધુનિક યુગમાં બદલાતી જીવનશૈલી, કરિયર પ્રત્યેની સજાગતા અને મોડા લગ્ન જેવા વિવિધ કારણોસર મહિલાઓમાં ‘એગ ફ્રીઝિંગ’ (Egg Freezing) એટલે કે ઓસાઇટ ક્રાયોપ્રિઝર્વેશનનો ટ્રેન્ડ નોંધપાત્ર રીતે વધ્યો છે. આ એક એવી તબીબી પ્રક્રિયા છે જેમાં સ્ત્રીના શરીરમાંથી હેલ્ધી ઇંડા (Eggs) બહાર કાઢીને લેબોરેટરીમાં માઇનસ ડિગ્રી જેટલા અત્યંત નીચા તાપમાને સુરક્ષિત રાખવામાં આવે છે. આ ટેકનોલોજીની મદદથી મહિલાઓ વધતી ઉંમરે પણ ગર્ભધારણ કરી શકે છે. પરંતુ, જો કોઈ મહિલા ભવિષ્યમાં આ ફ્રોઝન ઈંડાનો ઉપયોગ ન કરે, તો તે ઈંડાનું શું થાય છે? આ અંગે તબીબી નિષ્ણાતો અને કાયદાકીય માર્ગદર્શિકા શું કહે છે તે સમજવું જરૂરી છે.

જો ફ્રોઝન ઈંડાનો ઉપયોગ ન કરવામાં આવે તો શું થાય?

તબીબી નિષ્ણાતોના જણાવ્યા અનુસાર, મોટાભાગના કિસ્સાઓમાં જે મહિલાઓ પોતાના એગ્સ ફ્રીઝ કરાવે છે, તેઓ ચોક્કસ સમય બાદ ફેમિલી પ્લાનિંગ માટે તેનો ઉપયોગ કરી લેતી હોય છે. પરંતુ જો કોઈ કારણસર મહિલા ભવિષ્યમાં ગર્ભધારણ ન કરવાનો નિર્ણય લે, તો તેની પાસે મુખ્ય ત્રણ વિકલ્પો હોય છે:
નાશ કરવો (Discard): જો મહિલા લેખિતમાં લેબોરેટરી કે હોસ્પિટલને સત્તાવાર જાણ કરે કે તે હવે આ ઈંડાનો ઉપયોગ કરવા નથી માંગતી, તો મેડિકલ પ્રોટોકોલ હેઠળ તેનો સુરક્ષિત નાશ કરવામાં આવે છે.
મેડિકલ રિસર્ચ (Medical Research): સ્ત્રીની લેખિત સંમતિ અને પરવાનગી બાદ, આ ઈંડાનો ઉપયોગ તબીબી વિજ્ઞાનના સંશોધનો અથવા વંધ્યત્વ (Infertility) ના અભ્યાસ માટે થઈ શકે છે.
એગ ડોનેશન (Egg Donation): કેટલાક દેશોમાં આ ઈંડા અન્ય નિઃસંતાન દંપતીઓને દાન કરવાનો વિકલ્પ પણ મળે છે. જો કે, ભારતમાં આ અંગે ખૂબ જ કડક કાયદાકીય નિયમો છે. આ તમામ પ્રક્રિયાઓ ઇન્ડિયન કાઉન્સિલ ઓફ મેડિકલ રિસર્ચ (ICMR) ની કડક માર્ગદર્શિકા અને સરકારી કાયદાઓ અનુસાર જ થાય છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

એગ ફ્રીઝિંગના ફાયદા અને યોગ્ય ઉંમર

વધતી ઉંમર સાથે સ્ત્રીઓમાં ઈંડાની ગુણવત્તા અને સંખ્યા બંને ઘટવા લાગે છે, જેથી 35 વર્ષ પછી ગર્ભધારણમાં મુશ્કેલી પડે છે. એગ ફ્રીઝિંગનો સૌથી મોટો ફાયદો એ છે કે મહિલાઓ પોતાની પ્રાઈમ એજ (20 થી 30 વર્ષની ઉંમર) માં હેલ્ધી એગ્સ ફ્રીઝ કરાવીને કરિયર પર ધ્યાન આપી શકે છે. ત્યારબાદ, તેઓ ભવિષ્યમાં (પ્રાધાન્ય 40 વર્ષની ઉંમર પહેલા) ગમે ત્યારે આઈવીએફ (IVF) ટેકનોલોજીની મદદથી સફળતાપૂર્વક માતૃત્વનું સુખ મેળવી શકે છે. આ ટેકનોલોજી આજના સમયમાં મહિલાઓને જૈવિક ઘડિયાળ (Biological Clock) ના દબાણમાંથી મુક્તિ આપી રહી છે.

આ પણ વાંચો: AC ચલાવતા સમયે રૂમમાં કેમ મૂકવામાં આવે છે પાણીની ડોલ? કારણ જાણીને તમે પણ અપનાવશો આ ટ્રિક