ઓસ્ટ્રેલિયામાં PM મોદીનો મેસેજ, વૈશ્વિક પડકારો સામે સાથે લડવાનો કર્યો સંકલ્પ
PM Modi’s message in Australia: ઓસ્ટ્રેલિયાની મુલાકાતે ગયેલા વડાપ્રધાન નરેન્દ્ર મોદીએ ગુરુવારે મેલબર્નમાં ઓસ્ટ્રેલિયાના વડાપ્રધાન એન્થની અલ્બાનીઝ સાથે મહત્વપૂર્ણ દ્વિપક્ષીય બેઠક યોજી હતી. બંને નેતાઓ વચ્ચે સંરક્ષણ, સુરક્ષા, વેપાર, રોકાણ, શિક્ષણ, અદ્યતન ટેક્નોલોજી અને લોકો વચ્ચેના સંબંધોને વધુ મજબૂત બનાવવા અંગે વિસ્તૃત ચર્ચા થઈ હતી.
બેઠક બાદ બંને નેતાઓએ ભારત-ઓસ્ટ્રેલિયા CEO ફોરમ અને ઈકોનોમિક રોડમેપ બિઝનેસ રિસેપ્શનમાં ભાગ લીધો. આ પ્રસંગે બંને દેશો વચ્ચેના આર્થિક સહકારને નવી દિશા આપવાનો સંકલ્પ વ્યક્ત કરવામાં આવ્યો.
#WATCH मेलबर्न, ऑस्ट्रेलिया: प्रधानमंत्री नरेंद्र मोदी ने ऑस्ट्रेलिया के प्रधानमंत्री एंथनी अल्बानीज़ से मुलाकात की।
(सोर्स: डीडी न्यूज़) pic.twitter.com/qlFoasUGIH
— ANI_HindiNews (@AHindinews) July 9, 2026
‘ભારત અને ઓસ્ટ્રેલિયાની પાર્ટનરશીપ સમયની જરૂરિયાત’
CEO ફોરમને સંબોધતા વડાપ્રધાન મોદીએ કહ્યું કે આજે વિશ્વ અનિશ્ચિતતા, સપ્લાય ચેઇનની સમસ્યાઓ અને ઊર્જા સંકટ જેવા પડકારોનો સામનો કરી રહ્યું છે. આવા સમયમાં ભારત અને ઓસ્ટ્રેલિયા જેવા વિશ્વસનીય ભાગીદારોનું સાથે આગળ વધવું અત્યંત જરૂરી છે.
તેમણે જણાવ્યું કે બંને દેશોની વ્યાપારિક શક્તિ અને નવી તકો વૈશ્વિક અર્થતંત્રને નવી દિશા આપી શકે છે.
ભારતીય સમુદાયે કર્યું ભવ્ય સ્વાગત
મોદી બુધવારે ઓસ્ટ્રેલિયા પહોંચ્યા બાદ ભારતીય સમુદાયે તેમનું ઉષ્માભર્યું સ્વાગત કર્યું હતું. કાર્યક્રમ દરમિયાન ભારતીય અને ઓસ્ટ્રેલિયન સંસ્કૃતિનું સુંદર સંમિશ્રણ જોવા મળ્યું.
ઓસ્ટ્રેલિયન-ઈન્ડિયા ઓર્કેસ્ટ્રાએ ‘મા તુઝે સલામ’ ગીતની ભાવસભર રજૂઆત કરી હતી, જેને વડાપ્રધાન મોદીએ ખૂબ વખાણી હતી. તેમણે સોશિયલ મીડિયા પર આ રજૂઆતને બંને દેશો વચ્ચેના સાંસ્કૃતિક સંબંધોનું સુંદર પ્રતીક ગણાવ્યું.
ડિડ્જેરિડૂ અને તબલાની અનોખી જુગલબંધી
મોદીએ ઓસ્ટ્રેલિયાના પરંપરાગત વાદ્ય ડિડ્જેરિડૂ અને ભારતના તબલાની અનોખી સંગીતમય રજૂઆત પણ નિહાળી હતી. રોન મરે અને ડૉ. સેમ ઇવન્સ દ્વારા રજૂ થયેલી આ જુગલબંધીને તેમણે બંને દેશોની સાંસ્કૃતિક મિત્રતાનું જીવંત ઉદાહરણ ગણાવ્યું.
હવે ન્યૂઝીલેન્ડની મુલાકાત
ઓસ્ટ્રેલિયાનો પ્રવાસ પૂર્ણ કર્યા બાદ વડાપ્રધાન મોદી તેમના ત્રણ દેશોના પ્રવાસના અંતિમ તબક્કા તરીકે ન્યૂઝીલેન્ડ જશે. આ મુલાકાત દરમિયાન વેપાર, રોકાણ, સુરક્ષા, શિક્ષણ અને ટેક્નોલોજી સહિતના વિવિધ ક્ષેત્રોમાં સહકાર વધારવા પર ભાર મૂકવામાં આવશે.
આ પણ વાંચો : રેલ્વે મુસાફરો માટે મોટા સમાચાર: જો કાઉન્ટર ટિકિટ ઘરે ભૂલી ગયા હોવ, તો પણ આ ખાસ નિયમથી કરી શકાશે મુસાફરી
