Indian Railways Rule: રેલ્વે કાઉન્ટર (PRS) પરથી રિઝર્વ્ડ ટ્રેન ટિકિટ ખરીદ્યા બાદ જો તમે તેને ભૂલથી ઘરે જ મૂકીને સ્ટેશને આવી ગયા હોવ, તો હવે પ્રવાસ રદ કરવાની કે ગભરાવાની જરૂર નથી. ભારતીય રેલ્વેના એક ખાસ નિયમ હેઠળ, જો તમારી ટિકિટ સત્તાવાર રીતે વેરિફાય થઈ જાય, તો રેલ્વે પ્રશાસન તમને ટ્રેનમાં મુસાફરી ચાલુ રાખવાની મંજૂરી આપી શકે છે. આ સુવિધા એવા મુસાફરો માટે આશીર્વાદરૂપ સાબિત થઈ રહી છે જેઓ ઉતાવળમાં ફિઝિકલ ટિકિટ સાથે લેવાનું ચૂકી ગયા છે.

સ્ટેશન માસ્ટર અને TTE ની મદદથી ઉકેલાશે સમસ્યા

જો મુસાફરી દરમિયાન તમને ટિકિટ ભૂલી જવાનો ખ્યાલ આવે, તો તમારા પરિવારનો કોઈ સભ્ય અથવા તમારી નજીકની કોઈ વ્યક્તિ તે અસલી કાઉન્ટર ટિકિટને તમારા બોર્ડિંગ સ્ટેશનના સ્ટેશન માસ્ટર પાસે જમા કરાવી શકે છે. ટિકિટની યોગ્ય તપાસ કર્યા પછી, સ્ટેશન માસ્ટર વાયરલેસ અથવા સત્તાવાર સંદેશ દ્વારા ટ્રેનના આગામી સ્ટેશન પર તેના કન્ફર્મેશનની જાણ કરશે. આ સંદેશના આધારે, ટ્રેનમાં હાજર ચેકિંગ સ્ટાફ તમારી ટિકિટ કન્ફર્મ કરી આપશે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

મુસાફરોએ તાત્કાલિક કરવાના રહેશે આ 2 મહત્વના કામ

આવી કટોકટીની સ્થિતિમાં મુસાફરોએ સમય બગાડ્યા વિના નીચે મુજબના પગલાં લેવા જોઈએ:
ટ્રેનમાં ટિકિટ ચેક કરવા આવતા TTE (Traveling Ticket Examiner) ને તરત જ આ પરિસ્થિતિ અંગે સાચી જાણ કરો.
તમારા ઘરે ફોન કરીને પરિવારના સભ્યને મૂળ ટિકિટ લઈને તાત્કાલિક નજીકના સ્ટેશન માસ્ટરનો સંપર્ક કરવા કહો.

ઓનલાઈન ઈ-ટિકિટ ધારકોને આ નિયમ લાગુ પડશે નહીં

અત્રે નોંધનીય છે કે આ સુવિધા માત્ર રેલ્વે વિન્ડો પરથી ખરીદેલી ફિઝિકલ કાઉન્ટર ટિકિટ (PRS) માટે જ ઉપલબ્ધ છે. જો તમે IRCTC ની વેબસાઇટ અથવા મોબાઇલ એપ્લિકેશન દ્વારા ઓનલાઇન ઈ-ટિકિટ બુક કરાવી હોય, તો આ નિયમ તમને લાગુ પડતો નથી. ઈ-ટિકિટ ડિજિટલ ફોર્મેટમાં સ્વીકાર્ય હોવાથી તેના માટે રેલ્વે પાસે પહેલેથી જ અલગ અને સરળ ડિજિટલ ચકાસણી સિસ્ટમ ઉપલબ્ધ છે.