nana-patekar-family: બોલિવૂડના દિગ્ગજ અભિનેતા નાના પાટેકરના નિધનના સમાચારથી તેમના ચાહકો અને ફિલ્મ ઈન્ડસ્ટ્રીમાં શોકની લાગણી છે. 75 વર્ષની ઉંમરે તેમણે દુનિયાને અલવિદા કહી દીધું. અહેવાલ મુજબ, ગોવાના મણિપાલ હોસ્પિટલમાં સવારે 5:20 વાગ્યે તબીબોએ તેમને મૃત જાહેર કર્યા હતા. છાતીમાં તીવ્ર દુખાવાની ફરિયાદ બાદ મેડિકલ ટીમ તેમના ફ્લેટ પર પહોંચી હતી. ત્યાં તેઓ બેભાન હાલતમાં મળી આવ્યા હતા. તેમને તરત CPR આપવામાં આવ્યું અને હોસ્પિટલ લઈ જવાયા, પરંતુ સારવાર દરમિયાન તેમનું નિધન થયું. તેમના પુત્ર મલ્હાર પાટેકરે પણ પિતાના નિધનની પુષ્ટિ કરી હતી.

નાના પાટેકરનું સાચું નામ વિશ્વનાથ પાટેકર હતું. મહારાષ્ટ્રના રાયગઢ જિલ્લાના મુરુડ-જંજીરામાં જન્મેલા નાના પાટેકરે પોતાના અભિનયથી હિન્દી અને મરાઠી સિનેમામાં આગવી ઓળખ બનાવી હતી. ‘પરિન્દા’, ‘ક્રાંતિવીર’, ‘અગ્નિસાક્ષી’ અને ‘વેલકમ’ જેવી ફિલ્મોમાં તેમના અભિનયને દર્શકોએ ખૂબ પસંદ કર્યો હતો.

પિતાનો સામાન્ય વ્યવસાય, માતા ગૃહિણી

નાના પાટેકરના પિતા દિનકર પાટેકર ટેક્સટાઇલ પેઇન્ટર હતા અને નાના વ્યવસાય સાથે પણ જોડાયેલા હતા. તેમની માતા સંજનાબાઈ ગૃહિણી હતાં. બાળપણમાં નાના પાટેકરે આર્થિક સંઘર્ષ જોયો હતો. મુશ્કેલ પરિસ્થિતિઓ છતાં તેમણે પોતાની મહેનત અને પ્રતિભાના  પ્રતાપે ફિલ્મ જગતમાં સફળતા મેળવી.

પત્ની નીલકાંતિ પાટેકર પણ ફિલ્મો સાથે જોડાયેલા

નાના પાટેકરની પત્ની નીલકાંતિ પાટેકર મરાઠી ફિલ્મ ઈન્ડસ્ટ્રી સાથે સંકળાયેલી રહી છે. તેમણે અભિનેત્રી અને નિર્માતા તરીકે કામ કર્યું છે. ફિલ્મ જગતમાં મુલાકાત બાદ બંનેએ લગ્ન કર્યા હતા. જોકે, છેલ્લા કેટલાક સમયથી બંને અલગ રહેતા હોવાના અહેવાલો સામે આવ્યા હતા. તેમ છતાં તેમના છૂટાછેડા થયા હોવાની કોઈ સત્તાવાર માહિતી સામે આવી નહોતી. બંનેએ પણ પોતાના સંબંધ અંગે જાહેરમાં વધુ વાત કરવાનું ટાળ્યું હતું.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

નાના પાટેકરના પુત્રનું નામ મલ્હાર

નાના પાટેકર અને નીલકાંતિને બે પુત્રો હતા. તેમના મોટા પુત્ર દુર્વાસાનું માત્ર બે વર્ષની ઉંમરે બીમારીના કારણે અવસાન થયું હતું. તેમના નાના પુત્ર મલ્હાર પાટેકર છે. મલ્હાર ફિલ્મ ઈન્ડસ્ટ્રીમાં આસિસ્ટન્ટ ડિરેક્ટર તરીકે કામ કરી ચૂક્યા છે. તેમને અભિનયમાં પણ રસ છે, પરંતુ તેઓ પોતાના પિતાની જેમ મીડિયા લાઇમલાઇટથી દૂર રહેવાનું પસંદ કરે છે. નાના પાટેકર પોતે પણ અંગત જીવનને હંમેશા ખાનગી રાખતા હતા. ફિલ્મી દુનિયાથી દૂર સમય દરમિયાન તેઓ ખેતી, સમાજસેવા અને ખેડૂતો સાથે જોડાયેલા કાર્યોમાં સમય આપતા હતા. તેથી તેમનો પરિવાર પણ બોલિવૂડની ચમકધમકથી દૂર રહીને સાદગીભર્યું જીવન જીવવા માટે જાણીતો રહ્યો છે.