The Burden of Inflation: તહેવારો બાદ સામાન્ય લોકોને મોંઘવારીમાંથી રાહત મળવાની આશા હતી, પરંતુ ઓક્ટોબરના આંકડાઓએ ચિંતા વધારી દીધી છે. શાકભાજી, અનાજ અને ખાવા-પીવાની અન્ય ચીજવસ્તુઓના ભાવમાં વધારો થતાં દેશમાં છૂટક મોંઘવારી દર 6 ટકાને પાર પહોંચી ગયો છે. ઓક્ટોબર 2026માં દેશનો છૂટક મોંઘવારી દર વધીને 6.09 ટકા નોંધાયો છે, જ્યારે સપ્ટેમ્બરમાં આ આંકડો 5.54 ટકા હતો. ખાસ વાત એ છે કે લગભગ બે વર્ષ બાદ મોંઘવારી ભારતીય રિઝર્વ બેંક (RBI)ની 6 ટકાની ઉપલી મર્યાદાને પાર કરી ગઈ છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

આંકડા અને કાર્યક્રમ અમલીકરણ મંત્રાલય દ્વારા ગુરુવારે જાહેર કરાયેલા આંકડા અનુસાર, ઓક્ટોબરમાં ખાદ્ય મોંઘવારી દર વધીને 8.94 ટકા થયો છે, જ્યારે સપ્ટેમ્બરમાં તે 7.74 ટકા હતો. એટલે કે એક જ મહિનામાં ખાદ્ય ચીજવસ્તુઓની મોંઘવારીમાં મોટો ઉછાળો નોંધાયો છે. ખાદ્ય ચીજોના ભાવ વધવાની સીધી અસર સામાન્ય પરિવારોના બજેટ પર પડી રહી છે. CPI એટલે કે ગ્રાહક ભાવ સૂચકાંકમાં ખાદ્ય પદાર્થોનો હિસ્સો આશરે 40 ટકા છે. તેથી ખાદ્ય ચીજોના ભાવ વધવાથી કુલ છૂટક મોંઘવારી પર પણ દબાણ વધે છે.

આ પણ વાંચો:મુંબઈમાં હડકંપ : અમિતાભ બચ્ચનનું ઘર, એરપોર્ટ અને મેયરની ઓફિસને બોમ્બથી ઉડાડવાની મળી ધમકી

ડુંગળી અને લસણના ભાવ વધતાં બજેટ ખોરવાયું

ઓક્ટોબર મહિનામાં જે ચીજવસ્તુઓના ભાવમાં સૌથી વધુ વધારો નોંધાયો છે, તેમાં ડુંગળી સૌથી મોખરે રહી છે. આંકડા અનુસાર, સૌથી વધુ મોંઘી થયેલી ટોચની 5 ચીજવસ્તુઓ નીચે મુજબ છે.

RBI સામે વધી શકે છે મુશ્કેલી

ભારતીય રિઝર્વ બેંક (RBI)ને છૂટક મોંઘવારી દર 2થી 6 ટકાની વચ્ચે જાળવી રાખવાની જવાબદારી સોંપવામાં આવી છે. જોકે, ઓક્ટોબરમાં મોંઘવારી આ મર્યાદા પાર કરી ગઈ છે. જેના કારણે કેન્દ્રીય બેંક સામે વ્યાજદરોને લઈને પડકાર વધી શકે છે. નોંધનીય છે કે ઓક્ટોબરમાં RBIએ લગભગ ચાર વર્ષ બાદ રેપો રેટમાં 0.25 ટકાનો વધારો કરીને તેને 5.50 ટકા કર્યો હતો. હવે 2થી 4 ડિસેમ્બર દરમિયાન યોજાનારી મોનેટરી પોલિસી કમિટીની બેઠકમાં ઓક્ટોબરના મોંઘવારીના આંકડા મહત્ત્વની ભૂમિકા ભજવી શકે છે. જો મોંઘવારીનું દબાણ યથાવત રહેશે તો આગામી સમયમાં વ્યાજદરોમાં વધુ ફેરફાર થવાની શક્યતા અંગે ચર્ચા થઈ શકે છે.

આ પણ વાંચો:આપત્તિ પહેલાં 84% ભારતીયોને મળે છે ચેતવણી, છતાં કેમ નથી લઈ શકતા પગલાં?