ટોપ ન્યૂઝટ્રેન્ડિંગનેશનલમનોરંજન

એક્ટ્રેસ રાન્યા રાવને કોર્ટ જામીન આપ્યા પણ જેલમાંથી નહીં આવે બહાર, જાણો વિગત

બેંગલુરુ, તા. 20 મે, 2025: કન્નડ અભિનેત્રી રાન્યા રાવને મંગળવારે આર્થિક અપરાધની વિશેષ અદાલત દ્વારા જામીન આપવામાં આવ્યા હતા.. રાન્યાને શરતી જામીન મળ્યા હતા.. રાન્યા ઉપરાંત તેના સહ-આરોપી કોન્ડરુ રાજુને પણ શરતી જામીન આપવામાં આવ્યા હતા. અદાલતે બંનેને બે જામીન અને રૂ. 2 લાખના અંગત બોન્ડ જમા કરાવવા પણ કહ્યું હતું. આ ઉપરાંત કેટલીક અન્ય શરતો પણ રાખી હતી. જેમાં દેશ છોડીને જવાની મંજૂરી ન હોવાનો સમાવેશ થાય છે.

ડીઆરઆઈના અધિકારીઓ દ્વારા તેમની વિરુદ્ધ આરોપપત્ર રજૂ કરવામાં નિષ્ફળ રહેતા વિશેષ અદાલતે બંનેને આ શરત પર જામીન આપ્યા હતા. જોકે, જામીન મળી જવા છતાં રાન્યા રાવને હાલમાં મુક્ત કરવામાં આવશે નહીં. તેનું કારણ એ છે કે રાન્યા વિરુદ્ધ વધુ કડક ફોરેન એક્સચેન્જ કન્ઝર્વેશન એન્ડ સ્મગલિંગ એક્ટિવિટીઝ પ્રિવેન્શન એક્ટ હેઠળ કેસ દાખલ કરવામાં આવ્યો છે. આ કેસમાં ભારતમાં એક નિવારક કાયદો છે, જેનો હેતુ તસ્કરી પર રોક લગાવવાનો અને વિદેશી મુદ્રાનું સંરક્ષણ કરવાનો છે. આ પ્રકારની પ્રવૃત્તિઓમાં સામેલ હોવાની શંકાવાળા વ્યક્તિઓને આ કાયદો કસ્ટડીમાં લેવાની મંજૂરી આપતો નથી.

રાન્યા રાવ અને સહ-આરોપી રાજુ પર દુબઈથી ભારતમાં રૂપિયા 12.56 કરોડથી વધુ મૂલ્યના સોનાના ગેરકાયદેસર આયાતની ષડયંત્ર રચવાનો આરોપ છે. આ મામલો 3 માર્ચ, 2024 ના રોજ સામે આવ્યો હતો. રાન્યા રાવને બેંગલુરુના કેમ્પેગૌડા આંતરરાષ્ટ્રીય હવાઈ મથકે દુબઈથી કથિત રીતે તસ્કરી કરીને લાવવામાં આવેલા 14.8 કિલોગ્રામ સોના સાથે પકડવામાં આવી હતી.

ત્યારબાદની તપાસમાં જાણવા મળ્યું કે રાન્યાએ 2023 અને 2024 ની વચ્ચે દુબઈની 45 વખત એકલા મુસાફરી કરી હતી, જેનાથી તેના વ્યાપક તસ્કરી નેટવર્કમાં સામેલ હોવાની શંકા ઊભી થઈ. હતી. વધુ તપાસમાં જાણવા મળ્યું કે તેનો વીરા ડાયમન્ડ્સ ટ્રેડિંગ સાથે સંબંધ છે, જે દુબઈ સ્થિત એક ફર્મ છે જેની તેણે 2023 માં અભિનેતા અને વેપારી તરુણ રાજુ સાથે સહ-સ્થાપના કરી હતી.

રાન્યાના વકીલ બી.એસ. ગિરીશે દલીલ કરી કે રાન્યાને જામીન મળવા છતાં તેને મુક્ત કરવામાં આવશે નહીં. તેની વિરુદ્ધ ફોરેન એક્સચેન્જ કન્ઝર્વેશન એન્ડ સ્મગલિંગ પ્રિવેન્શન એક્ટ, 1974 (કોફેપોસા) હેઠળ કેસ દાખલ કરવામાં આવ્યો છે. હાલમાં તેની માતાએ કેસનો ઉપલી કોર્ટમાં પડકાર્યો છે. આ કેસની આગામી સુનાવણી 3 જૂને થશે.

કર્ણાટક કેડરના સિનિયર આઈપીએસ અધિકારીની દીકરી અને કન્નડ ફિલ્મ એક્ટ્રેસ રાન્યા રાવની ડીઆરઆઈએ ધરપકડ કરી હતી. અભિનેત્રી રાન્યા રાવના સોનાની દાણચોરીના રેકેટમાં એક મોટી ગેંગ સામેલ હતી અને તે રાજ્યના પ્રોટોકોલ અધિકારીની મદદથી એરપોર્ટ પહોંચતી હતી અને સોના સાથે રાજ્યના પ્રોટોકોલ અધિકારીઓની મદદથી જ બહાર નીકળતી હતી.

આ પણ વાંચોઃ ઓપરેશન સિંદૂર પર ટિપ્પણી કરનારા પ્રોફેસરને ન મળી રાહત, કોર્ટે ધકેલ્યો જેલમાં

Back to top button