Hanuman Ansh OTT Release: નીમ કરોલી બાબાના જીવનથી પ્રેરિત આધ્યાત્મિક ફિલ્મ હનુમાન અંશ હવે OTT પ્લેટફોર્મ પર રિલીઝ થવા જઈ રહી છે. સિનેમાઘરોમાં 80 દિવસ સુધી કમાણી કરનારી આ ફિલ્મે બોક્સ ઓફિસ પર જબરદસ્ત સફળતા મેળવી હોવાનું અહેવાલોમાં જણાવાયું છે. માત્ર ₹2 કરોડના બજેટમાં બનેલી આ ફિલ્મે વિશ્વભરમાં ₹452.86 કરોડની કમાણી કરી હોવાનો દાવો કરવામાં આવ્યો છે. હવે ફિલ્મના નિર્માતાઓએ OTT રિલીઝની તારીખ જાહેર કરી છે.

27 નવેમ્બરે Sony LIV પર થશે રિલીઝ

ફિલ્મ ‘હનુમાન અંશ’ 27 નવેમ્બર 2026થી Sony LIV પર સ્ટ્રીમ થશે. OTT પ્લેટફોર્મ દ્વારા સત્તાવાર ઇન્સ્ટાગ્રામ એકાઉન્ટ પર ફિલ્મનો પ્રોમો શેર કરીને રિલીઝની જાહેરાત કરવામાં આવી છે. પ્રોમોમાં ફિલ્મને એક દિવ્ય શક્તિ અને અસાધારણ આધ્યાત્મિક સફરની કહાની તરીકે રજૂ કરવામાં આવી છે. ફિલ્મની OTT રિલીઝની જાહેરાત થતાં તેને સિનેમાઘરોમાં જોઈ ન શકેલા દર્શકોને હવે ઘરે બેઠા જોવાની તક મળશે.

₹10 લાખની ઓપનિંગ, ત્યારબાદ કમાણીમાં જબરદસ્ત ઉછાળો

અહેવાલ મુજબ ‘હનુમાન અંશ’એ બોક્સ ઓફિસ પર શરૂઆતમાં માત્ર ₹10 લાખની ઓપનિંગ કરી હતી. જોકે ફિલ્મને મળેલો દર્શકોના સકારાત્મક પ્રતિસાદ અને માઉથ પબ્લિસિટીના કારણે તેની કમાણીમાં સતત વધારો થયો હતો.

મોટા બજેટની ફિલ્મોને પણ પાછળ છોડી

હનુમાન અંશએ કમાણીના મામલે કેટલીક મોટી પાન-ઇન્ડિયા ફિલ્મોને પણ પાછળ છોડી છે. અહેવાલમાં વિજયની ‘જન નાયકન’, યશની ‘ટોક્સિક’ અને રામચરણની ‘પેદ્દી’ જેવી ફિલ્મોનો ઉલ્લેખ કરવામાં આવ્યો છે.

 

View this post on Instagram

 

A post shared by Sony LIV (@sonylivindia)

શું છે ‘હનુમાન અંશ’ ફિલ્મની કહાની?

‘હનુમાન અંશ’ની કહાની લક્ષ્મીનારાયણ નામના યુવકની આસપાસ ફરે છે. માતાના અવસાન બાદ તે જીવન, મૃત્યુ અને ઈશ્વર સાથે જોડાયેલા અનેક સવાલોના જવાબ શોધવા માટે આધ્યાત્મિક સફર શરૂ કરે છે. આ સફર દરમિયાન તે ઉત્તર ભારતનાં વિવિધ સ્થળોએ પહોંચે છે. ત્યાં તેને માનવીય દુઃખ, જીવનનો હેતુ અને આધ્યાત્મિકતાના અનેક પાસાં સમજવા મળે છે. આ આધ્યાત્મિક યાત્રા અંતે તેને નીમ કરોલી બાબા તરીકે ઓળખ અપાવે છે. ફિલ્મમાં શ્રદ્ધા, ભક્તિ, માનવતા અને આધ્યાત્મિક પરિવર્તન જેવા વિષયોને કેન્દ્રસ્થાને રાખવામાં આવ્યા છે.

આ પણ વાંચોઃ દિવાળીના દિવસોમાં ઈમર્જન્સી કેસ બમણા થવાની ભીતિ, ડોક્ટરોની ચેતવણી