લગ્નના ખાલી પાંચ મહિનામાં બાદશાહના છુટાછેડા થયા, સોશિયલ મીડિયા પર પોસ્ટ કરી
badshah isha rikhi announced divorce: લોકપ્રિય રેપર અને સિંગર બાદશાહ અને પંજાબી અભિનેત્રી ઈશા રિખીએ અલગ થવાનો નિર્ણય જાહેર કર્યો છે. બંનેએ પોતાના ઇન્સ્ટાગ્રામ સ્ટોરી પર એકસરખું નિવેદન શેર કરીને જણાવ્યું કે તેઓ પરસ્પર સંમતિ અને સન્માન સાથે અલગ થઈ રહ્યા છે. બંનેના લગ્ન માર્ચ 2026માં ખાનગી સમારોહમાં થયા હોવાનું અહેવાલોમાં જણાવાયું હતું અને હવે લગભગ પાંચ મહિનામાં જ સંબંધ તૂટવાની પુષ્ટિ થઈ છે.
સોશિયલ મીડિયા પર કરી જાહેરાત
બાદશાહ અને ઈશા રિખીએ 31 ઓગસ્ટે સોશિયલ મીડિયા પર પોતાના અલગાવની જાહેરાત કરી હતી. બંનેએ સ્પષ્ટ કર્યું કે આ નિર્ણય પરસ્પર સંમતિથી લેવામાં આવ્યો છે અને હવે તેઓ પોતપોતાના માર્ગે આગળ વધશે. સાથે જ તેમણે ચાહકો અને મીડિયાને આ મુશ્કેલ સમયમાં તેમની પ્રાઇવસીનું સન્માન કરવા અપીલ કરી છે.
બંનેએ પોતાના નિવેદનમાં એવું પણ જણાવ્યું કે આ મુદ્દે આ તેમનું એકમાત્ર જાહેર નિવેદન રહેશે. તેમણે સંબંધ અંગે આગળ કોઈ અટકળો, અફવા કે અનુમાન ન લગાવવા વિનંતી કરી છે.
ઘણા સમયથી ચાલી રહી હતી સંબંધમાં તિરાડની ચર્ચા
છેલ્લા કેટલાક અઠવાડિયાથી બાદશાહ અને ઈશા રિખીના લગ્નજીવનમાં તિરાડ પડી હોવાની ચર્ચાઓ ચાલી રહી હતી. ખાસ કરીને જુલાઈમાં ઈશા દ્વારા શેર કરાયેલી એક ભાવનાત્મક સોશિયલ મીડિયા પોસ્ટ બાદ બંનેના સંબંધને લઈને અટકળો વધુ તેજ બની હતી. હવે બંનેએ સંયુક્ત નિવેદન આપીને આ ચર્ચાઓ પર પૂર્ણવિરામ મૂક્યું છે.
માર્ચ 2026માં કર્યા હતા લગ્ન
અહેવાલો મુજબ બાદશાહ અને ઈશા રિખીએ લગભગ ચાર વર્ષના સંબંધ બાદ માર્ચ 2026માં નજીકના પરિવારજનો અને મિત્રોની હાજરીમાં ખાનગી રીતે લગ્ન કર્યા હતા. લગ્નને શરૂઆતમાં જાહેર પ્રસિદ્ધિથી દૂર રાખવામાં આવ્યા હતા, જોકે બાદમાં લગ્નની તસવીરો સોશિયલ મીડિયા પર સામે આવી હતી.
બાદશાહના આ બીજા લગ્ન હતા
ઈશા રિખી સાથેના લગ્ન બાદશાહના બીજા લગ્ન હતા. આ પહેલાં તેણે જાસ્મિન મસીહ સાથે લગ્ન કર્યા હતા. અહેવાલો મુજબ બંનેએ 2012માં લગ્ન કર્યા અને 2020માં અલગ થઈ ગયા હતા. બાદશાહ અને જાસ્મિનની એક પુત્રી પણ છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
હવે બાદશાહ અને ઈશા રિખીએ પોતાના સંબંધનો અંત પરસ્પર સન્માન સાથે લાવવાનો નિર્ણય લીધો છે અને લોકોને તેમની વ્યક્તિગત જિંદગી અંગે વધુ અટકળો ન લગાવવા ખાસ અપીલ કરી છે.
આ પણ વાંચો: પાકિસ્તાનમાં 100 વર્ષ જૂનું હિન્દુ મંદિર તોડી પાડ્યાનો આરોપ, જમીન મદરેસામાં ભેળવવા કાવતરું હોવાનો દાવો
