યોગ દિવસ પર કોંગ્રેસે નહેરુને યાદ કર્યા તો શશિ થરુરે મોદીના વખાણ કરતા કહ્યું યોગને આગળ લાવવામાં તેમનો સહયોગ

• પીએમ નરેન્દ્ર મોદી આજે અમેરિકામાં યુએન હેડક્વાર્ટર ખાતે આંતરરાષ્ટ્રીય યોગ દિવસ નિમિત્તે આયોજિત કાર્યક્રમમાં ભાગ લેશે.

આંતરરાષ્ટ્રીય યોગ દિવસ 2023:  અમેરિકાની મુલાકાતે ગયેલા વડા પ્રધાન નરેન્દ્ર મોદી બુધવારે એટલે કે આજે (21 જૂન) આંતરરાષ્ટ્રીય યોગ દિવસ પર સંયુક્ત રાષ્ટ્ર (UN) મુખ્યાલયમાં આયોજિત કાર્યક્રમનું નેતૃત્વ કરશે. આ દરમિયાન, કોંગ્રેસે ટ્વિટ કરીને યોગને લોકપ્રિય બનાવવા અને તેને રાષ્ટ્રીય નીતિનો એક ભાગ બનાવવા માટે ભૂતપૂર્વ પીએમ જવાહરલાલ નેહરુનો આભાર માન્યો હતો.

જો કે, થોડા સમય બાદ કોંગ્રેસના વરિષ્ઠ નેતા શશિ થરૂરે તેને રીટ્વીટ કર્યું અને યોગને આંતરરાષ્ટ્રીય માન્યતા આપવા બદલ મોદી સરકારની પ્રશંસા કરી હતી. શશિ થરૂરે ટ્વીટ કર્યું કે આપણે આપણી સરકાર અને વિદેશ મંત્રાલયના પ્રયાસોને પણ ધ્યાનમાં રાખવા જોઈએ.

Indeed! We should also acknowledge all those who revived & popularised yoga, including our government, @PMOIndia & @MEAIndia, for internationalising #InternationalYogaDay through the @UN. As I have argued for decades, yoga is a vital part of our soft power across the world &… https://t.co/WYZvcecl0Q

— Shashi Tharoor (@ShashiTharoor) June 21, 2023

મોદી સરકારનો પણ ફાળો રહેલો છે – શશી થરૂર

કોંગ્રેસના સાંસદ શશિ થરૂરે ટ્વીટ કર્યું, “અલબત્ત! આપણે તે બધાને યાદ રાખવું જોઈએ જેમણે યોગને લોકપ્રિય અને જીવંત રાખવાનો પ્રયાસ કર્યો. આપણી સરકાર, PMO અને વિદેશ મંત્રાલયે પણ સંયુક્ત રાષ્ટ્ર દ્વારા યોગનું આંતરરાષ્ટ્રીયકરણ કરીને આંતરરાષ્ટ્રીય યોગ દિવસને માન્યતા આપી. મેં અગાઉ દલીલ કરી છે તેમ, યોગ એ વિશ્વભરમાં આપણી નરમ શક્તિનો એક મહત્વપૂર્ણ ભાગ છે અને તેને માન્યતા મળી રહી છે તે ખૂબ જ સારી બાબત છે.

આ પણ વાંચો: પીએમ મોદી યુએસ પ્રવાસ: ભારત અને અમેરિકા પરસ્પર શું ફાયદો મેળવવા માંગે છે?