દલેર મહેંદી વિવાદ: મંત્રી સુબોધ ઉનિયાલે ફોન પર માંગી માફી
Subodh Uniyal Daler Mehndi Row: ઉત્તરાખંડના મંત્રી સુબોધ ઉનિયાલે ગાયક દલેર મહેંદી સાથે કુંજાપુરી દેવી મેળા દરમિયાન થયેલા વિવાદ અંગે ફોન પર માફી માંગી લીધી છે. આ અગાઉ રાજ્યના મુખ્યમંત્રી પુષ્કર સિંહ ધામીએ પણ મહેંદી બંધુઓ સાથે વાતચીત કરીને મંત્રી ઉનિયાલ વતી માફી માંગી હતી. આ અંગેની માહિતી ગાયક મીકા સિંહે ખુદ પત્રકાર પરિષદ યોજીને આપી હતી.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
હવે મંત્રી સુબોધ ઉનિયાલ દ્વારા માફી માગવામાં આવ્યા બાદ ગાયક મીકા સિંહની ટીમે એક સત્તાવાર નિવેદન બહાર પાડ્યું છે. નિવેદનમાં જણાવાયું છે કે તેઓ મંત્રી સુબોધ ઉનિયાલના આ પગલાની સરાહના કરે છે અને કલાકારો તથા તેમના સન્માનની ગરિમા જાળવવી ખૂબ જ જરૂરી છે.
મીકા સિંહની ટીમનું સત્તાવાર નિવેદન
મીકા સિંહની ટીમે નિવેદનમાં જણાવ્યું કે, “અમે આ વાતની સરાહના કરીએ છીએ કે સુબોધ ઉનિયાલ જીએ કમનસીબ ઘટના અંગે ટેલિફોનિક વાતચીત દરમિયાન દલેર મહેંદી પાજીની માફી માંગી છે. કલાકારો અને તેમની ગરિમાનું સન્માન કરવું અત્યંત જરૂરી છે. દલેર પાજી એક સિનિયર કલાકાર છે, જેમણે મ્યુઝિક ઈન્ડસ્ટ્રીમાં મોટું યોગદાન આપ્યું છે. દરેક કલાકાર સાથે સન્માનપૂર્વક વર્તન થવું જોઈએ. અમને આશા છે કે હવે આ મામલો અહીં જ પૂરો થઈ જશે અને દરેક વ્યક્તિ પરસ્પર આદર અને સમજણ સાથે આગળ વધશે.”
આ પણ વાંચોઃ ભારતની ટોચની 10 માંથી 8 કંપનીઓની સંપત્તિમાંથી ₹1.55 લાખ કરોડ ધોવાયા, HDFC બેંકને સૌથી મોટો ફટકો
આ માફી બાદ એવી અપેક્ષા રાખવામાં આવી રહી છે કે દલેર મહેંદી અને મંત્રી સુબોધ ઉનિયાલ વચ્ચે શરૂ થયેલો વિવાદ હવે શાંત થઈ જશે. જોકે, આ પહેલા મંત્રીએ પત્રકાર પરિષદમાં પોતાના નિવેદન પર કાયમ રહેતા કહ્યું હતું કે જો કલાકારની તબિયત સારી ન હતી, તો તેમણે આયોજકો અથવા પ્રેક્ષકોને અગાઉથી જાણ કરી દેવી જોઈતી હતી.
શું હતો સમગ્ર મામલો?
ગત 18 ઓક્ટોબરે નવરાત્રિના અવસરે ટિહરી ગઢવાલના કુંજાપુરી દેવી મેળામાં દલેર મહેંદી લાઈવ પરફોર્મ કરી રહ્યા હતા. આ દરમિયાન મંત્રી સુબોધ ઉનિયાલ મંચ પર પહોંચ્યા હતા અને તેમની પરફોર્મન્સ વચમાં જ અટકાવી દીધી હતી. તેમણે આરોપ લગાવ્યો હતો કે દલેર મહેંદી દારૂના નશામાં છે અને લિપ-સિંકિંગ કરી રહ્યા છે.
આ ઘટના બાદ દલેર મહેંદીના નાના ભાઈ અને ગાયક મીકા સિંહે મંત્રી પાસે જાહેર માફીની માંગ કરી હતી. મીકાએ સ્પષ્ટ કર્યું હતું કે તેમના ભાઈએ ક્યારેય દારૂ પીધો નથી અને પરફોર્મન્સ સમયે તેમની તબિયત ખરાબ હતી. તેમણે એવો પણ સવાલ ઉઠાવ્યો હતો કે કોઈ સિનિયર કલાકાર સાથે જાહેર મંચ પર આ પ્રકારનું વર્તન કેવી રીતે કરી શકાય.
જોકે, આ સમગ્ર વિવાદ પર અત્યાર સુધી દલેર મહેંદીએ જાતે સામે આવીને કોઈ નિવેદન આપ્યું નથી.
