સુપર સ્ટાર છો તો શું થયું, કાયદાથી ઉપર નથી, HCએ રણવીર સિંહને ઠપકો આપ્યો
- રણવીરે ફિલ્મ કાંતારાથી અભિનેતા ઋષભ શેટ્ટીના એક દ્રશ્યની મિમિક્રી કરી હતી ત્યારે ફાટી નીકળેલા વિવાદ સાથે આ કેસ સંબંધિત છે
Entertainment News: કર્ણાટક હાઈકોર્ટે બોલિવૂડ અભિનેતા રણવીર સિંહ Ranveer Singhને કાંતારા ફિલ્મના એક દ્રશ્યની મિમિક્રી કરવાના વિવાદમાં વચગાળાની રાહત આપી છે. સુનાવણી દરમિયાન કોર્ટે કડક શબ્દોમાં કહ્યું કે તેમણે જવાબદારીપૂર્વક વર્તવું જોઈએ. ગયા વર્ષે ગોવામાં આયોજિત ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI 2025) કાર્યક્રમમાં રણવીરે ફિલ્મ કાંતારાથી અભિનેતા ઋષભ શેટ્ટીના એક દ્રશ્યની મિમિક્રી કરી હતી ત્યારે ફાટી નીકળેલા વિવાદ સાથે આ કેસ સંબંધિત છે. આ મિમિક્રી માટે તેમની વિરુદ્ધ FIR દાખલ કરવામાં આવી હતી, જેને તેમણે હાઈકોર્ટમાં પડકારી હતી.
રણવીર સુપરસ્ટાર છે, તેણે આવું વર્તન ન કરવું જોઈએઃ કોર્ટ
સુનાવણી દરમિયાન, જસ્ટિસ એમ. નાગપ્રસન્નાની આગેવાની હેઠળની બેન્ચે કહ્યું કે રણવીર હોય કે અન્ય કોઈ વ્યક્તિ પરંતુ આટલો સંવેદનહીન વ્યવહાર ન કરવો જોઈએ. બેન્ચે એમ પણ કહ્યું કે રણવીર સુપરસ્ટાર હોઈ શકે છે, પરંતુ તેની પાસેથી એવા શબ્દો અને હાવભાવનો ઉપયોગ કરવાની અપેક્ષા રાખવામાં આવતી નથી, જેની લોકો પર અસર પડતી હોય. કાયદાથી ઉપર સુપરસ્ટાર પણ નથી.
કોર્ટે એ વાત પર પણ ભાર મૂક્યો કે લોકો કોઈ ઘટના ભૂલી શકે છે, પરંતુ ઇન્ટરનેટ ક્યારેય તેને ભૂલતું નથી. પરિણામે કોર્ટે પોલીસને 2 માર્ચ સુધી રણવીર વિરુદ્ધ કોઈ પણ પ્રકારની કાર્યવાહી ન કરવાનો આદેશ આપ્યો. કોર્ટે અભિનેતાને તપાસમાં સહયોગ કરવાનો પણ નિર્દેશ આપ્યો છે.
#RanveerSingh making fun of #KantaraChapter1 in front of #RishabShetty pic.twitter.com/HdqO0Yq0KT
— $@M (@SAMTHEBESTEST_) November 29, 2025
શું ઘટના હતી?
ગયા વર્ષે 28 નવેમ્બરના રોજ, IFFI ના સમાપન સમારોહમાં રણવીરે ઋષભ શેટ્ટીની ફિલ્મ કાંતારામાં દૈવાની ભૂમિકાની નકલ કરી હતી અને તેના અભિનયની પ્રશંસા કરી હતી. ઋષભ દ્વારા આમ ન કરવાની સ્પષ્ટ સૂચના હોવા છતાં, રણવીરે ફરીથી તે કર્યું. આ ઘટના પછી, આ વિડિઓ સોશિયલ મીડિયા પર ઝડપથી વાયરલ થયો અને તેને ખૂબ જ ટીકાનો સામનો કરવો પડ્યો હતો.
રણવીરે આ ઘટના માટે જાહેરમાં માફી માંગી લીધી છે. પોતાના નિવેદનમાં તેમણે કહ્યું, મારો હેતુ ફક્ત ઋષભના અદ્ભુત પ્રદર્શનને સ્વીકારવાનો હતો. મેં હંમેશા આપણા દેશની દરેક સંસ્કૃતિ, પરંપરા અને માન્યતાનું સન્માન કર્યું છે. જો મેં કોઈની લાગણીઓને ઠેસ પહોંચાડી હોય, તો હું દિલથી માફી માંગુ છું.
આ પણ વાંચોઃ PM મોદીએ એપ્સ્ટીન ફાઇલ્સ અને અદાણીના કેસને કારણે અમેરિકા સાથે વેપાર કરાર સાઇન કર્યો- રાહુલ ગાંધી
