VIDEO: કોલંબો ટેસ્ટમાં શુભમન ગિલનો અદ્ભુત કેચ, મેદાન પર સૌ રહી ગયા દંગ
Shubman Gill: ભારત અને શ્રીલંકા વચ્ચે રમાઈ રહેલી 2 મેચોની ટેસ્ટ શ્રેણીનો બીજો મુકાબલો કોલંબોના SSC ગ્રાઉન્ડ પર રમાઈ રહ્યો છે, જેમાં ચોથા દિવસની રમતમાં ટીમ ઈન્ડિયાની સ્થિતિ ખૂબ જ મજબૂત છે. યજમાન શ્રીલંકાની ટીમ આ મુકાબલામાં ભારતીય ટીમના પ્રથમ ઇનિંગ્સના 503 રનના સ્કોર સામે પોતાની પ્રથમ ઇનિંગ્સમાં માત્ર 290 રન બનાવીને ઓલઆઉટ થઈ ગઈ હતી, જેના પગલે તેને ફોલોઓનનો સામનો કરવો પડ્યો હતો.
શ્રીલંકા તરફથી બીજી ઇનિંગ્સમાં પણ કોઈ ખાસ સારો બેટિંગ દેખાવ જોવા મળ્યો ન હતો, જેમાં તેમણે 218 રનના સ્કોર સુધીમાં પોતાની 6 વિકેટ ગુમાવી દીધી હતી. ચોથા દિવસની રમતમાં ભારતીય કેપ્ટન શુભમન ગિલનો મેદાન પર ફિલ્ડિંગ દરમિયાન એક અદભુત અંદાજ જોવા મળ્યો હતો, જેના દમ પર તેઓ શ્રીલંકાના બેટ્સમેન કામિન્દુ મેન્ડિસને પેવેલિયન ભેગા કરવામાં સફળ રહ્યા હતા.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ગિલે પાછળ દોડીને ડાઇવ લગાવી અદભુત કેચ ઝડપ્યો
કોલંબો ટેસ્ટ મેચના ચોથા દિવસે જ્યારે શ્રીલંકન ટીમ ફોલોઓન મળ્યા બાદ બીજી ઇનિંગ્સમાં બેટિંગ કરવા ઉતરી, ત્યારે તેની શરૂઆત સારી રહી નહોતી અને 63 રનના સ્કોર સુધીમાં તેમણે 2 વિકેટ ગુમાવી દીધી હતી. ત્યારબાદ પાસિન્દુ સૂર્યબંડારા અને કામિન્દુ મેન્ડિસે ઇનિંગ્સને સંભાળીને મહત્વપૂર્ણ ભાગીદારી નોંધાવી હતી, જેને તોડવામાં કેપ્ટન ગિલે નિર્ણાયક ભૂમિકા ભજવી હતી.
If leading from the front had to be captured in one moment! 👊
Prasidh Krishna nails the short ball, and Shubman Gill pulls off a stunning catch to dismiss Kamindu Mendis! 🫴💥
Watch #SLvIND, 2nd Test, LIVE NOW on Sony Sports Network TV channels & Sony LIV.… pic.twitter.com/qeNzO8uqww
— Sony Sports Network (@SonySportsNetwk) August 26, 2026
આ પણ વાંચો : નેપાળમાં વિનાશક પૂર બાદ PM મોદીએ બાલેન શાહ સાથે કરી વાતચીત
શ્રીલંકાની ઇનિંગ્સની 43મી ઓવરના પ્રથમ બોલ પર, જે પ્રસિદ્ધ ક્રિષ્નાએ ફેંક્યો હતો, કામિન્દુ મેન્ડિસે પુલ શૉટ રમવાનો પ્રયાસ કર્યો પરંતુ બોલ બેટ સાથે બરાબર કનેક્ટ થઈ શક્યો નહીં અને સ્ક્વેર લેગ તરફ હવામાં ઊંચો ગયો. ત્યાં ફિલ્ડિંગ કરી રહેલા કેપ્ટન શુભમન ગિલે પાછળની તરફ ઝડપથી દોડીને બોલ પરથી નજર હટાવ્યા વિના અંતિમ ક્ષણે બંને હાથથી ડાઇવ લગાવીને શાનદાર કેચ ઝડપી લીધો હતો. ગિલની આ ચપળ ફિલ્ડિંગ જોઈને મેદાન પર હાજર સૌ કોઈ દંગ રહી ગયા હતા અને કામિન્દુ મેન્ડિસ 52 રન બનાવીને પેવેલિયન પરત ફર્યા હતા.
ભારતીય ટીમની નજર હવે બાકીની ચાર વિકેટ ઝડપવા પર
કોલંબો ટેસ્ટ મેચના ચોથા દિવસે વરસાદના કારણે રમત વહેલી પૂર્ણ જાહેર કરવામાં આવી ત્યારે શ્રીલંકન ટીમે પોતાની બીજી ઇનિંગ્સમાં 6 વિકેટના નુકસાને 229 રન બનાવી લીધા હતા, જેના આધારે તેમની પાસે હાલ માત્ર 16 રનની નજીવી સરસાઈ છે. હવે આ મુકાબલાના પાંચમા અને અંતિમ દિવસની રમત પર સૌની નજર ટકેલી છે, જેમાં ટીમ ઈન્ડિયાનો પ્રયાસ શ્રીલંકાની બાકીની ચાર વિકેટો ઝડપથી ખેરવીને લક્ષ્યાંક પ્રાપ્ત કરવાનો અને શ્રેણીમાં ક્લીન સ્વીપ કરવાનો રહેશે.
આ પણ વાંચો :Nepal Flood Updates: પૂલ-મકાન તણાયા, પાવર પ્લાન્ટ્સ જળમગ્ન થતાં શેરબજારમાં 15% સુધીનો કડાકો
