ટ્રમ્પના ટેરિફ એટેકથી શેરબજારમાં હાહાકાર, સેન્સેક્સમાં 931 પોઈન્ટ ગગડ્યો

નવી દિલ્હી, 4 એપ્રિલ, 2025: અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ફાર્મા સેક્ટર પર અલગ કેટેગરી હેઠળ ટેરિફ લાદવાના નિવેદન બાદ, આ સેક્ટરના શેરોમાં વેચવાલી જોવા મળી રહી છે. આજે, એટલે કે 4 એપ્રિલના રોજ સેન્સેક્સ 930 પોઈન્ટ (1.22%)ના ઘટાડા સાથે 75,364 પર બંધ થયો. બીજી તરફ, નિફ્ટી 345 પોઈન્ટ (1.49%) ઘટીને 22,904 પર બંધ થયો.
NSE ક્ષેત્રીય સૂચકાંકોમાં નિફ્ટી મેટલ સૂચકાંક લગભગ 6% ઘટ્યો છે. ફાર્મા, હેલ્થકેર અને ઓઇલ અને ગેસ ઇન્ડેક્સ લગભગ 4% ઘટ્યા છે. ઓટો, આઇટી અને રિયલ્ટી ઇન્ડેક્સ લગભગ 3% ઘટ્યા છે. ટ્રમ્પે કહ્યું, મને લાગે છે કે ફાર્મા પર ટેરિફ એવા સ્તરે આવશે જે તમે પહેલાં ક્યારેય નહીં જોયા હોય. અમે હાલમાં ફાર્મા પર વિચાર કરી રહ્યા છીએ… તે એક અલગ કેટેગરી છે, અમે ખૂબ જ ટૂંક સમયમાં તેની જાહેરાત કરીશું.
સેન્સેક્સ-નિફ્ટી ભારે ઘટાડા સાથે બંધ થયા. મિડકેપ અને સ્મોલકેપ શેરોમાં ભારે વેચવાલી જોવા મળી. FMCG સિવાય, BSE ના તમામ ક્ષેત્ર સૂચકાંકોમાં ઘટાડો થયો. મેટલ, ફાર્મા, ઓઇલ અને ગેસ ઇન્ડેક્સમાં સૌથી વધુ ઘટાડો થયો. આઇટી, રિયલ્ટી, પીએસઈ શેરોમાં વેચવાલી જોવા મળી. નિફ્ટી બેંક થોડા ઘટાડા સાથે બંધ થયો.
આ પણ વાંચો….આ જ બાકી હતું, હવે આચાર્ય એસીબીની ઝપટે ચડ્યો, જાણો વિગતવાર












