ICC Rankings: ICCની નવી વનડે રેન્કિંગમાં શુભમન ગિલનું (Shubman Gill) વર્ચસ્વ યથાવત છે. બીજી તરફ વેસ્ટ ઈન્ડિઝ સામેની મેચમાં વિરાટ કોહલી શૂન્ય રને આઉટ થયો હતો, જેના કારણે તેને રેન્કિંગમાં નુકસાન થયું છે. વિરાટ કોહલીની રેન્કિંગમાં એક સ્થાનનો ઘટાડો થયો છે. અગાઉ બીજા નંબર પર રહેલો વિરાટ આ અઠવાડિયે એક સ્થાન નીચે સરકીને ત્રીજા નંબરે પહોંચી ગયો છે.

બીજી તરફ T20 રેન્કિંગમાં શ્રેયસ ઐયર માટે મોટી ખુશખબર છે. તેણે એક જ ઝાટકે 18 ખેલાડીઓને પાછળ છોડીને રેન્કિંગમાં મોટી છલાંગ લગાવી છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

વિરાટ ફિસલ્યો, ગિલનું રાજ યથાવત

સૌ પ્રથમ વનડે રેન્કિંગ પર નજર કરીએ. તેમાં શુભમન ગિલ 841 રેટિંગ પોઈન્ટ સાથે નંબર-1 પર યથાવત છે.

વિરાટ કોહલીના 781 રેટિંગ પોઈન્ટ છે અને આ અઠવાડિયે તે એક સ્થાન નીચે સરકીને ત્રીજા નંબરે પહોંચી ગયો છે. જ્યારે અગાઉ ત્રીજા નંબર પર રહેલો ન્યૂઝીલેન્ડનો ડેરિલ મિચેલ એક સ્થાનની છલાંગ લગાવીને બીજા નંબરે પહોંચી ગયો છે. ડેરિલ મિચેલના 794 રેટિંગ પોઈન્ટ છે.

રોહિત શર્મા પણ પોતાની અગાઉની સ્થિતિ જાળવી રાખવામાં સફળ રહ્યો છે. તે 770 રેટિંગ પોઈન્ટ સાથે આ અઠવાડિયે પણ ચોથા નંબર પર છે.

આ પણ વાંચો:ખાંડ વધુ ખાવાથી શરીરના ક્યા અંગ પર થાય છે નકારાત્મક અસર? જાણો એક્સપર્ટ પાસેથી

ટોપ-10માં કેએલ રાહુલની એન્ટ્રી

ICCની નવી વનડે રેન્કિંગમાં ભારતના ચાર બેટ્સમેન ટોપ-10માં છે, જેમાંથી ત્રણ ટોપ-5માં સામેલ છે.

આ અઠવાડિયે કેએલ રાહુલની ટોપ-10માં નવી એન્ટ્રી થઈ છે. રાહુલે એક સ્થાનની છલાંગ લગાવી છે અને તે 11મા સ્થાનેથી 10મા સ્થાને પહોંચી ગયો છે. રાહુલના 653 રેટિંગ પોઈન્ટ છે.

શ્રેયસ ઐયરે 18 ખેલાડીઓને પાછળ છોડ્યા

ICC T20I રેન્કિંગમાં શ્રેયસ ઐયરને વેસ્ટ ઈન્ડિઝ સામે ફટકારેલી સદીનો મોટો ફાયદો થયો છે.

લખનઉમાં વેસ્ટ ઈન્ડિઝ સામે રમાયેલી પ્રથમ T20Iમાં શ્રેયસ ઐયરે માત્ર 43 બોલમાં 102 રન ફટકાર્યા હતા. તેની આ વિસ્ફોટક ઇનિંગ્સના કારણે ICCની નવી T20I રેન્કિંગમાં તેણે 18 ખેલાડીઓને પાછળ છોડી દીધા છે.

નવી T20I બેટ્સમેનોની રેન્કિંગમાં શ્રેયસ ઐયરે 18 સ્થાનની છલાંગ લગાવીને 25મા સ્થાનેથી સીધો 7મો નંબર મેળવી લીધો છે.

આ પણ વાંચો:રેપો રેટ વધતાં શેરબજારમાં હાહાકાર, Sensex 429 પોઈન્ટ તૂટ્યો, રોકાણકારોના ₹3.76 લાખ કરોડ સ્વાહા