કેપ્ટન બનતાં જ સ્મૃતિ મંધાનાનું મોટું નિવેદન, ”T20માં સુધારો જરૂરી”

Smriti Mandhana: ભારતીય મહિલા ક્રિકેટ ટીમની કેપ્ટનશિપની જવાબદારી હવે ધાકડ ઓપનિંગ બેટર સ્મૃતિ મંધાના સંભાળશે. એશિયન ગેમ્સમાં ભારતીય ટીમે ગોલ્ડ મેડલ જીત્યા બાદ BCCI દ્વારા આ નિર્ણય લેવામાં આવ્યો હતો. અગાઉ પણ હરમનપ્રીત કૌર કોઈ કારણસર રમી શકી ન હોય ત્યારે સ્મૃતિ મંધાનાએ ટીમની કેપ્ટનશિપ સંભાળી હતી. જોકે, હવે તેઓ ફુલટાઇમ કેપ્ટન તરીકે જવાબદારી નિભાવશે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

સ્મૃતિ મંધાનાની કેપ્ટન તરીકેની નવી સફરની શરૂઆત 16 ઓક્ટોબરથી ઝિમ્બાબ્વે મહિલા ટીમ સામે રમાનારી ત્રણ મેચની T20 સિરીઝથી થશે. આ સિરીઝ પહેલાં મંધાનાનું મોટું નિવેદન સામે આવ્યું છે. તેમણે સ્પષ્ટ કહ્યું છે કે આગામી વર્ષે યોજાનારી ચેમ્પિયન્સ ટ્રોફી પહેલાં ભારતીય ટીમે T20 ફોર્મેટમાં અનેક બાબતોમાં સુધારો કરવાની જરૂર છે.

ચેમ્પિયન્સ ટ્રોફી પહેલાં T20માં સુધારો કરવાનો પ્રયાસ કરીશું

કેપ્ટન તરીકે સ્મૃતિ મંધાના માટે આગામી કેટલાક મહિના ખૂબ જ મહત્ત્વના રહેશે. ભારતીય ટીમે 2027ની શરૂઆતમાં ઘરઆંગણે પ્રથમ ICC મહિલા ચેમ્પિયન્સ ટ્રોફી રમવાની છે. તે પહેલાં ટીમ પાસે T20 ફોર્મેટમાં પોતાની રમત સુધારવાની મર્યાદિત તકો હશે. ઝિમ્બાબ્વે સામેની T20 સિરીઝ પહેલાં મંધાનાએ જણાવ્યું કે ચેમ્પિયન્સ ટ્રોફી પહેલાં ભારતીય ટીમ પાસે માત્ર છ T20 મેચ રમવાની તક છે. તેથી આગામી ત્રણ મહિનામાં ટીમ તરીકે કેવી રીતે આગળ વધવું અને તૈયારીનું સ્તર કઈ રીતે સુધારવું તે નક્કી કરવામાં આવશે. મંધાનાના જણાવ્યા અનુસાર, T20 ફોર્મેટમાં ટીમે હજુ અનેક બાબતોમાં સુધારો કરવાની જરૂર છે. છેલ્લા દોઢ વર્ષમાં ભારતીય ટીમે વનડે વર્લ્ડ કપ જીત્યો છે, પરંતુ T20 ક્રિકેટમાં કેટલીક એવી બાબતો છે જેના પર ખાસ ધ્યાન આપવાની જરૂર છે.

આ પણ વાંચો:Jio યુઝર્સનું બજેટ ખોરવાશે, રિચાર્જના ભાવમાં 12% સુધી વધારાની શક્યતા

ઝિમ્બાબ્વે જેવી ટીમો સામે રમીને પણ ઘણું શીખી શકાય છે

ભારતીય મહિલા ક્રિકેટ ટીમ પ્રથમ વખત ઝિમ્બાબ્વે સામે કોઈપણ ફોર્મેટમાં દ્વિપક્ષીય સિરીઝ રમવા જઈ રહી છે. આ અંગે સ્મૃતિ મંધાનાએ ઉત્સાહ વ્યક્ત કર્યો હતો. તેમણે કહ્યું કે ઝિમ્બાબ્વે સામે પ્રથમ વખત સિરીઝ રમવી રોમાંચક રહેશે. મંધાનાના મતે, ઝિમ્બાબ્વે અને અન્ય એસોસિયેટ દેશોની ટીમો સામે રમવાથી પણ ઘણું શીખવા મળે છે. આવી ટીમો પોતાના રમતનો આનંદ માણે છે અને તેમની પાસેથી પણ નવી બાબતો શીખી શકાય છે. હવે સ્મૃતિ મંધાનાની કેપ્ટનશિપ હેઠળ ભારતીય મહિલા ટીમ ઝિમ્બાબ્વે સામેની T20 સિરીઝથી પોતાની તૈયારી શરૂ કરશે. ટીમનું ધ્યાન આગામી ચેમ્પિયન્સ ટ્રોફી પહેલાં T20 ફોર્મેટમાં જરૂરી સુધારા કરવા અને પોતાની રમતનું સ્તર વધારવા પર રહેશે.

આ પણ વાંચો:ઇમરાન ખાન જ નહીં, આ 7 સ્ટાર્સ પાસે પણ છે બે દેશની નાગરિકતા!