જમ્મુ અને કાશ્મીરમાં અલગ અલગ વિસ્તારમાં સ્થિતિ સામાન્ય, ડ્રોન એટેક કે ગોળીબારના કોઈ સમાચાર નથી
India Pakistan Tension: ભારત અને પાકિસ્તાનમાં અમેરિકાની મધ્યસ્થતાથી સીઝફાયરની જાહેરાત 4 કલાક પણ ટકી શકી નહોતી. પાકિસ્તાને જમ્મુ કાશ્મીર, પંજાબ, રાજસ્થાન અને ગુજરાતના કેટલાય શહેરો પર ડ્રોન વડે હુમલો કર્યો હતો. પાકિસ્તાને ફક્ત 4 કલાકમાં જ સીઝફાયર તોડી દીધું છે. જો કે સવારે જમ્મુ કાશ્મીરમાં શાંતિનો માહોલ છે.
#WATCH | J&K | Situation seems normal in Rajouri. No drones, firing or shelling was reported during the night. pic.twitter.com/9p0KECciR4
— ANI (@ANI) May 11, 2025
ભારત અને પાકિસ્તાન વચ્ચે યુદ્ધવિરામ કરાર થયો છે. ત્યારથી જમ્મુ અને કાશ્મીરના વિવિધ ક્ષેત્રોમાં પરિસ્થિતિ સામાન્ય છે. રાજૌરી, અખનૂર, જમ્મુ શહેર, પૂંછમાં પરિસ્થિતિ સામાન્ય લાગે છે. રાત્રિ દરમિયાન કોઈ ડ્રોન, ગોળીબાર કે તોપમારાનો અહેવાલ મળ્યો નથી.
#WATCH | J&K | Situation seems normal in Akhnoor. No drones, firing or shelling was reported during the night. pic.twitter.com/H4teBjopmE
— ANI (@ANI) May 11, 2025
ભારત અને પાકિસ્તાન વચ્ચે ૮૬ કલાક ચાલેલા યુદ્ધનો શનિવારે સાંજે ૫ વાગ્યે અંત આવ્યો હતો. જ્યારે બંને દેશો વચ્ચે યુદ્ધવિરામ પર સંમતિ થઈ હતી. પરંતુ આના માત્ર 3 કલાક પછી, પાકિસ્તાને યુદ્ધવિરામનું ઉલ્લંઘન કર્યું. જમ્મુ અને કાશ્મીરમાં સરહદ પારથી પાકિસ્તાનની ઉશ્કેરણીજનક પ્રવૃત્તિઓ ફરી એકવાર તીવ્ર બની હતી. શનિવારે રાત્રે, પાકિસ્તાને ઘણા વિસ્તારોમાં યુદ્ધવિરામનું ઉલ્લંઘન કર્યું અને ભારે ગોળીબાર કર્યો, જ્યારે કાશ્મીરના બારામુલા જિલ્લામાં એક શંકાસ્પદ ડ્રોનને કારણે વિસ્ફોટ થયો હતો.
આ પણ વાંચો: પાકિસ્તાન દ્વારા યુદ્ધવિરામ સમજૂતીનો ભંગ : વિદેશ સચિવ વિક્રમ મિસરી
