
National News : રાષ્ટ્રપતિ દ્રૌપદી મુર્મુએ કેન્દ્રીય શિક્ષણ મંત્રી ધર્મેન્દ્ર પ્રધાનનું રાજીનામું સ્વીકારી લીધું છે. કેન્દ્રીય મંત્રી પ્રહલાદ જોશીને શિક્ષણ મંત્રાલયની વધારાની જવાબદારી સોંપવામાં આવી છે. રાષ્ટ્રપતિ ભવન દ્વારા જારી કરાયેલા એક નિવેદનમાં જણાવાયું છે કે, ભારતના રાષ્ટ્રપતિએ વડા પ્રધાનની સલાહ પર, ભારતના બંધારણના અનુચ્છેદ 75ની કલમ (2) હેઠળ તાત્કાલિક અસરથી કેન્દ્રીય મંત્રી પરિષદમાંથી પ્રધાનનું રાજીનામું સ્વીકાર્યું છે.
વધુમાં, વડા પ્રધાનની સલાહ પર, રાષ્ટ્રપતિએ નિર્દેશ આપ્યો છે કે, કેબિનેટ મંત્રી પ્રહલાદ જોશીને તેમના વર્તમાન પોર્ટફોલિયો ઉપરાંત શિક્ષણ મંત્રાલયનો હવાલો સોંપવામાં આવે. પ્રહલાદ જોશી કર્ણાટકના ધારવાડથી સંસદ સભ્ય છે. તેઓ હાલમાં ગ્રાહક બાબતો, ખાદ્ય અને જાહેર વિતરણ અને નવીનીકરણીય ઉર્જા (MNRE) ના કેન્દ્રીય મંત્રી તરીકે સેવા આપે છે. તેઓ આંતરરાષ્ટ્રીય સૌર જોડાણના પ્રમુખ પણ છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ધર્મેન્દ્ર પ્રધાને આજે આપ્યું રાજીનામું
ધર્મેન્દ્ર પ્રધાને શનિવારે કેન્દ્રીય શિક્ષણ મંત્રી પદેથી રાજીનામું આપવાની જાહેરાત કરતા કહ્યું કે, વિદ્યાર્થીઓના ભવિષ્યનું રક્ષણ કરવા અને “રાષ્ટ્રવિરોધી શક્તિઓ” ને દિલ્હીના જંતર-મંતર પર થયેલા વિશાળ યુવા વિરોધ પ્રદર્શનનો લાભ લેતા અટકાવવા માટે આ નિર્ણય લેવામાં આવ્યો છે. નરેન્દ્ર મોદી સરકારમાં ચાલી રહેલા રસ્તા પરના વિરોધ પ્રદર્શનો અને રાજકીય દબાણ વચ્ચે પ્રધાનનું રાજીનામું એક દુર્લભ ઉદાહરણ છે.
સીજેપીના વિરોધ બાદ સરકાર ઝૂકી ગઈ
કેન્દ્ર સરકાર અને કોકરોચ જનતા પાર્ટી (સીજેપી) વચ્ચે ત્રીજા રાઉન્ડની વાટાઘાટોના કલાકો પહેલા આ રાજીનામું આવ્યું હતું. બેઠક પહેલા, સીજેપીના નેતાઓએ જણાવ્યું હતું કે, પ્રધાનનું રાજીનામું “બિન-વાટાઘાટોપાત્ર” છે અને તેને વિરોધ આંદોલનની મુખ્ય માંગણી બનાવી હતી.
જોશીની નિમણૂક બાદ, કોકરોચ જનતા પાર્ટીના મુખ્ય પ્રવક્તા સૌરવ દાસે નવા શિક્ષણ મંત્રીને ચેતવણી આપી હતી. દાસે રહ્યું કે, “યુવાનોએ ચેતવણી આપી છે કે જે પણ કેન્દ્રીય શિક્ષણ મંત્રી બનશે, જો તેમના મુદ્દાઓ પર ધ્યાન આપવામાં નહીં આવે, તો તેઓ જંતર-મંતર પર પાછા ફરશે અને સરકાર પાસેથી જવાબદારી માંગશે.”
આ પણ વાંચો : 2028ની ટોપી પહેરી ટ્રમ્પે કહ્યું-ચોથા કાર્યકાળ માટે ચૂટણી લડીશ, પત્રકારો પર સાધ્યું નિશાન












