ઈઝરાયેલ-ઈરાન તણાવ વચ્ચે નેતન્યાહૂનો PM મોદીને ફોન, શું થઈ વાત?
PM MODI : વડાપ્રધાન નરેન્દ્ર મોદીને આજે ઈઝરાયેલના વડાપ્રધાન બેન્જામિન નેતન્યાહૂનો ફોન કોલ આવ્યો હતો. PMO એ આ અંગે માહિતી આપી છે. બંને નેતાઓએ આ ફોન કોલ દરમિયાન ભારત-ઈઝરાયેલ સ્પેશિયલ સ્ટ્રેટેજિક પાર્ટનરશિપમાં થઈ રહેલી સતત પ્રગતિની સમીક્ષા કરી હતી અને ભારત-ઈઝરાયેલના પરસ્પર ફાયદા માટે વિવિધ ક્ષેત્રોમાં પરસ્પર સહયોગને વધુ મજબૂત કરવાના પોતાના સંકલ્પને દોહરાવ્યો હતો.
વેસ્ટ એશિયાની સ્થિતિ પર થઈ ચર્ચા
જણાવી દઈએ કે વડાપ્રધાન બેન્જામિન નેતન્યાહૂ અને PM મોદીએ વેસ્ટ એશિયા (પશ્ચિમ એશિયા)માં તાજેતરની ઘટનાઓ પર પણ વાતચીત કરી હતી. આ દરમિયાન, બંને નેતાઓએ રીજનલ સિક્યોરિટી (પ્રાદેશિક સુરક્ષા), સ્થિરતા અને શાંતિ સંબંધિત મુદ્દાઓ પર પોતપોતાના વિચારો વ્યક્ત કર્યા હતા. આ ઉપરાંત, PM મોદી અને ઈઝરાયેલી વડાપ્રધાન નેતન્યાહૂ એ વાત પર પણ સહમત થયા હતા કે સતત બદલાતી પ્રાદેશિક પરિસ્થિતિઓ વચ્ચે ભારત-ઈઝરાયેલ વચ્ચે નિયમિતપણે સંવાદ અને સમન્વય જાળવી રાખવો ખૂબ મહત્વપૂર્ણ છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ડાયલોગ અને ડિપ્લોમસી પર છે ભારતનો ભાર
સૂત્રોના જણાવ્યા અનુસાર, વડાપ્રધાન નરેન્દ્ર મોદીએ વાતચીત દરમિયાન ભારતની તે નીતિને પણ દોહરાવી હતી, જેમાં ડાયલોગ (સંવાદ), ડિપ્લોમસી (રાજદ્વારી) અને શાંતિપૂર્ણ ઉકેલ દ્વારા વિસ્તારમાં તણાવ ઓછો કરવા પર ભાર મૂકવામાં આવે છે. બંને નેતાઓ એ વાત પર સહમત થયા હતા કે ભવિષ્યમાં પણ ઈઝરાયેલ અને ભારત વચ્ચે ઉચ્ચ સ્તરીય સંપર્ક ચાલુ રહેશે, જેથી બંને દેશોના સંબંધોને વધુ નવી ગતિ આપી શકાય અને સમાન હિત ધરાવતા મુદ્દાઓ પર નજીકનો સહયોગ પણ જળવાઈ રહે.
ડિફેન્સ સહિત વિવિધ ક્ષેત્રો પર વાતચીતની શક્યતા
માનવામાં આવી રહ્યું છે કે ઈઝરાયેલી વડાપ્રધાન અને PM મોદી વચ્ચે ડિફેન્સ (સંરક્ષણ), એગ્રીકલ્ચર (કૃષિ), વોટર મેનેજમેન્ટ (જળ વ્યવસ્થાપન), ઈનોવેશન, સાયબર સિક્યોરિટી, હાઈ-ટેક, સ્ટાર્ટઅપ અને ટ્રેડ (વેપાર) જેવા ક્ષેત્રોમાં ચાલી રહેલા સહયોગ અંગે પણ ચર્ચા થઈ છે. ઈઝરાયેલ અને ભારત છેલ્લા કેટલાક વર્ષોથી આ ક્ષેત્રોમાં પોતાની ભાગીદારીને સતત મજબૂત કરવામાં લાગેલા છે. બંને દેશો ભવિષ્યમાં પણ નવી શક્યતાઓ પર સાથે મળીને કામ કરવા માટે કટિબદ્ધ છે.
આ પણ વાંચો:Gen Z અને Gen Alphaના વખાણમાં મોહન ભાગવતે શું કહ્યું?
આ પણ વાંચો:ડીપફેક બનાવનારાઓ માટે મુશ્કેલી વધી, સરકારે AI નિયમો કર્યા વધુ કડક
