ડીપફેક બનાવનારાઓ માટે મુશ્કેલી વધી, સરકારે AI નિયમો કર્યા વધુ કડક

AI : સરકારે એઆઈ (AI) જનરેટેડ ડીપફેક કન્ટેન્ટ અંગેના નિયમો વધુ સખત બનાવ્યા છે. સરકારે એઆઈ વડે તૈયાર કરાયેલા ડીપફેક ઓડિયો, વીડિયો અને ટેક્સ્ટને સોશિયલ મીડિયા પર શેર કરવા સંબંધિત નિયમનકારી માળખાને વધુ મજબૂત કરવાનું કામ કર્યું છે. સોશિયલ મીડિયા પ્લેટફોર્મ્સે હવે પહેલા કરતા વધુ ઝડપથી કાર્યવાહી કરવી પડશે. આ પહેલા પણ સરકારે ૨૦ ફેબ્રુઆરીના રોજ એઆઈ જનરેટેડ કન્ટેન્ટ માટે નવા નિયમો લાગુ કર્યા હતા, જેમાં કન્ટેન્ટના લેબલિંગ (ચિહ્નિત કરવા) અંગેના દિશા-નિર્દેશો જાહેર કરવામાં આવ્યા હતા.

શું છે નવા નિયમો?

સરકારે નવા IT નિયમો હેઠળ AI દ્વારા જનરેટ કરાયેલા ડીપફેક કન્ટેન્ટ જેવા કે ઓડિયો, વીડિયો અને ટેક્સ્ટ પર સ્પષ્ટ લેબલિંગ (ચિહ્નિત કરવું) અને ટ્રેસેબલ મેટાડેટા હવે ફરજિયાત કરી દીધા છે.

સોશિયલ મીડિયા પ્લેટફોર્મ પર શેર કરાયેલા ગેરકાયદેસર ડીપફેક કન્ટેન્ટને સરકાર અથવા કોર્ટના નિર્દેશ પર 3 કલાકની અંદર હટાવવું પડશે. પહેલા આ સમયમર્યાદા ૩૬ કલાકની હતી.

આ ઉપરાંત યુઝર દ્વારા કરવામાં આવેલી ફરીયાદના નિકાલની સમયમર્યાદા પણ ઘટાડવામાં આવી છે. AI દ્વારા જનરેટ કરાયેલા સંવેદનશીલ ડીપફેક કન્ટેન્ટ જેવા કે ન્યુડિટી/પ્રતિરૂપણ (ખોટી ઓળખ) ને હવે 2 કલાકની અંદર હટાવવું પડશે. પહેલા આ સમયમર્યાદા 24 કલાક નક્કી કરવામાં આવી હતી.

સોશિયલ મીડિયા પ્લેટફોર્મ્સને AI દ્વારા બનાવવામાં આવેલા ડીપફેક અને અન્ય ગેરકાયદેસર AI કન્ટેન્ટની ઓળખ અને તેની અટકાયત માટે ઓટોમેટેડ ટેકનિકલ ઉપાયો અપનાવવાના નિર્દેશ આપવામાં આવ્યા છે.

જે પ્લેટફોર્મ નિયમોનું પાલન નહીં કરે તેમની IT એક્ટ હેઠળ મળેલી ‘સેફ હાર્બર’ સુવિધા/સુરક્ષા ખતમ કરી દેવામાં આવશે. સાથે જ, તેમની સામે કાનૂની કાર્યવાહી પણ થઈ શકે છે.

ભારત જ નહીં પરંતુ સમગ્ર વિશ્વમાં AI જનરેટેડ કન્ટેન્ટના ખોટા ઉપયોગને લઈને નિયમો સખત કરવામાં આવી રહ્યા છે. થોડા દિવસો પહેલા યુરોપમાં પણ AI જનરેટેડ કન્ટેન્ટના દુરુપયોગને રોકવા માટે નિયમો સખત કરવામાં આવ્યા છે. યુરોપિયન યુનિયને પણ ખાસ કરીને AI ડીપફેક કન્ટેન્ટના ખોટા ઉપયોગ અંગે પોતાની ચિંતા વ્યક્ત કરી છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

આવા કન્ટેન્ટને ઓળખવું સામાન્ય માણસ માટે અત્યંત મુશ્કેલ હોય છે. સોશિયલ મીડિયા પ્લેટફોર્મ્સ પર આવા કન્ટેન્ટનો ઉપદ્રવ/પૂર છે, જેમાં કોઈપણ વ્યક્તિના નકલી ફોટો, અવાજ કે વિડિયો તૈયાર કરીને તેને અસલી જેવા દર્શાવવામાં આવે છે. યુરોપિયન યુનિયને પણ સોશિયલ મીડિયા પ્લેટફોર્મ્સને જણાવ્યું છે કે તેમણે એવું સિસ્ટમ તૈયાર કરવું પડશે, જેમાં AI થી બનેલા કન્ટેન્ટની ઓળખ બતાવવી પડશે. સાથે જ, ડેટા પ્રાઈવસી અને સિક્યુરિટી તથા ચેટબોટના ઉપયોગ અંગે પણ નિયમો બનાવવામાં આવ્યા છે.

આ પણ વાંચો:પાકિસ્તાનના PM અને આર્મી ચીફ એકસાથે સાઉદી કેમ પહોંચ્યા? જાણો આખી વાત

આ પણ વાંચો:હવે સરકાર નક્કી કરશે UPI ચાર્જ લેવાશે કે નહીં, લોકસભામાં પાસ થયું સંશોધન બિલ