PM Kisan ના 23માં હપ્તાની જાહેરાત, ક્યારે ખાતામાં આવશે 2000?
PM Kisan Yojana: 20 જૂન 2026, શનિવારના રોજ પીએમ કિસાન સન્માન નિધિ યોજનાનો 23મો હપ્તો જાહેર કરવામાં આવશે. કેન્દ્ર સરકાર દ્વારા ખેડૂતોના હિત અને આર્થિક મદદ માટે ઘણી કલ્યાણકારી યોજનાઓ ચલાવવામાં આવે છે, જેમાં પીએમ કિસાન યોજના સૌથી મહત્વપૂર્ણ છે. આ યોજના હેઠળ પાત્ર ખેડૂતોને દર વર્ષે 6,000 રૂપિયાની આર્થિક સહાય પૂરી પાડવામાં આવે છે. અત્યાર સુધીમાં આ યોજનાના કુલ 22 હપ્તા બહાર પાડવામાં આવ્યા છે અને દેશભરના ખેડૂતો ૨૩મા હપ્તાની આતુરતાથી રાહ જોઈ રહ્યા છે.
પીએમ કિસાન સન્માન નિધિ યોજનાના સત્તાવાર એક્સ (X) હેન્ડલ પર કરવામાં આવેલી પોસ્ટ અનુસાર, પીએમ કિસાન યોજનાનો ૨૩મો હપ્તો 20 જૂન 2026ના રોજ રિલીઝ થશે. આ અંતર્ગત પાત્ર ખેડૂતોના બેંક ખાતામાં 2,000 રૂપિયા ડાયરેક્ટ બેનિફિટ ટ્રાન્સફર (DBT) દ્વારા જમા કરવામાં આવશે.
22 હપ્તામાં ખેડૂતોને ₹4.28 લાખ કરોડથી વધુની સહાય
પીએમ કિસાન યોજનાના સત્તાવાર રેકોર્ડ મુજબ, અત્યાર સુધીમાં 22 હપ્તાઓ દ્વારા દેશના કરોડો ખેડૂતોને ₹4.28 લાખ કરોડથી વધુની આર્થિક સહાય સીધી તેમના બેંક ખાતામાં મોકલવામાં આવી છે. ખાસ વાત એ છે કે આ યોજનાનો લાભ 2.17 કરોડથી વધુ મહિલા લાભાર્થીઓ સુધી પણ પહોંચ્યો છે. જો કે, આ દરમિયાન પાત્રતાની શરતો પૂરી ન કરવાને કારણે ઘણા ખેડૂતોના નામ ચાલુ યાદીમાંથી કાપી નાખવામાં આવ્યા છે.
લિસ્ટમાંથી ખેડૂતોના નામ કેમ કાપવામાં આવ્યા?
પીએમ કિસાન સન્માન નિધિ યોજનાની નવી યાદીમાંથી ઘણા નામો હટાવી દેવામાં આવ્યા છે, જેના મુખ્ય કારણો નીચે મુજબ છે:
e-KYC ન કરાવવું: જે ખેડૂતોએ હજુ સુધી પોતાનું પીએમ કિસાન e-KYC પૂર્ણ કર્યું નથી, તેમના નામ યાદીમાંથી હટાવી દેવાયા છે.
જમીનની માલિકીનો નિયમ: જે ખેડૂતોએ 1 ફેબ્રુઆરી 2019 પછી જમીનની માલિકીનો હક મેળવ્યો છે, તેમને નિયમ મુજબ આ લિસ્ટમાંથી બહાર રાખવામાં આવ્યા છે.
એક જ પરિવારમાં બે લાભ: જો કોઈ એક જ પરિવારના બે સભ્યો ખોટી રીતે આ યોજનાનો લાભ લઈ રહ્યા હોય, તો તપાસ બાદ તેમના નામ પણ કાપી નાખવામાં આવ્યા છે.
Beneficiary List: લિસ્ટમાં તમારું નામ કેવી રીતે ચેક કરવું?
પીએમ કિસાન યોજનાની નવી લાભાર્થી યાદી (Beneficiary List) માં તમારું નામ સામેલ છે કે નહીં તે તમે ઘરે બેઠા ઓનલાઈન જાણી શકો છો. આ માટે તમારે નીચે આપેલા સ્ટેપ્સ ફોલો કરવા પડશે:
1. સૌથી પહેલા પીએમ કિસાન યોજનાના સત્તાવાર પોર્ટલ pmkisan.gov.in પર જાઓ.
2. હોમ પેજ પર આપેલા ‘Beneficiary List’ ના ઓપ્શન પર ક્લિક કરો.
3. ત્યારબાદ તમારા રાજ્ય (State), જિલ્લો (District), સબ-જિલ્લો (Sub-District), બ્લોક (Block) અને ગામનું નામ (Village) સિલેક્ટ કરો.
4. બધી જ વિગતો સચોટ રીતે દાખલ કર્યા પછી ‘Get Report’ બટન પર ક્લિક કરો.
5. હવે તમારી સામે આખા ગામનું લિસ્ટ ખુલી જશે, જેમાં તમે તમારું નામ સરળતાથી ચેક કરી શકો છો.
આ પણ વાંચોઃ કંપનીએ અચાનક નોકરીમાંથી કાઢ્યા છે? તો આ સરકારી એપ આવી શકે છે કામ
આ પણ વાંચોઃ સલમાન ખાન ફાર્મ હાઉસ વિવાદ: બોમ્બે HC પાડોશીને લગાવી ફટકાર, કહ્યું- ‘કોઈને બદનામ કરવાનો હક નથી’
અમારી WhatsApp ચેનલમાં જોડાવા આ લિંક પર ક્લીક કરો
