અમેરિકામાં ‘વન બિગ બ્યૂટીફુલ બિલ’ સંસદ દ્વારા પસાર: ડોનાલ્ડ ટ્રમ્પની મોટી સફળતા

• નોકરી કાયદાને કાયમી ધોરણે લાગુ કરવા તેમજ ચૂંટણી વચનો પૂરા કરવાનું મહત્વપૂર્ણ પગલું
• ઇમિગ્રેશન, વેરા, શિક્ષણ અને આરોગ્યને અસર કરી શકે તેવી ભીતિ  

એચડી ન્યૂઝ ડેસ્ક, 04 જુલાઇ 2025 America પ્રમુખ ડોનાલ્ડ ટ્રમ્પનું પ્રખ્યાત ‘વન બિગ બ્યૂટીફુલ બિલ’ ગુરુવારે મોડી રાત્રે હાઉસ ઓફ રિપ્રેઝન્ટેટિવ્સ દ્વારા 218-214 ના માર્જિનથી પસાર થયું, જેને તેમના બીજા કાર્યકાળની મોટી સિદ્ધિ ગણાવવામાં આવી રહી છે. સેનેટ અને હાઉસ ઓફ રિપ્રેઝન્ટેટિવ્સમાંથી પસાર થયા બાદ, આ બિલ હવે રાષ્ટ્રપતિના હસ્તાક્ષર માટે મોકલવામાં આવ્યું છે. તે જ સમયે, બિલ પર મતદાન દરમિયાન, બે રિપબ્લિકન સાંસદોએ પાર્ટી લાઇન છોડીને ડેમોક્રેટિક પાર્ટીની તરફેણમાં મતદાન કર્યું.

VICTORY: The One Big Beautiful Bill Passes U.S. Congress, Heads to President Trump’s Desk 🇺🇸🎉 pic.twitter.com/d1nbOlL21G

— The White House (@WhiteHouse) July 3, 2025

4 જુલાઇના હસ્તાક્ષર સમારોહ: પિકનિકનું આયોજન

બિલ પસાર થયા પછી, વ્હાઇટ હાઉસના પ્રેસ સેક્રેટરી કેરોલિન લેવિટે પત્રકારોને જણાવ્યું હતું કે, રાષ્ટ્રપતિ ડોનાલ્ડ ટ્રમ્પ શુક્રવારે સાંજે 5 વાગ્યે તેમના મોટા કરમુક્તિ અને ખર્ચ ઘટાડા બિલ પર હસ્તાક્ષર કરવાની યોજના બનાવી રહ્યા છે. ૪ જુલાઈના હસ્તાક્ષર સમારોહ એવા સમયે યોજાશે જ્યારે આ રજાના પ્રસંગે વ્હાઇટ હાઉસ ખાતે પિકનિકનું આયોજન થશે. ૮૦૦ થી વધુ પાનાના આ બિલને પસાર કરાવવા માટે ટ્રમ્પને સખત મહેનત કરવી પડી હતી. આ બિલ માટે GOP નેતાઓએ રાતોરાત કામ કરવું પડ્યું હતું અને ટ્રમ્પે પણ પૂરતા મત મેળવવા માટે હોલ્ડઆઉટ્સ પર વ્યક્તિગત રીતે દબાણ કર્યું હતું.

સંરક્ષણ અને ઉર્જા ઉત્પાદન માટે વધેલા ખર્ચ ઉપર કાપ?

આ બિલમાં કર કાપ, લશ્કરી બજેટ, સંરક્ષણ અને ઉર્જા ઉત્પાદન માટે વધેલા ખર્ચ તેમજ આરોગ્ય અને પોષણ કાર્યક્રમોમાં કાપ જેવી મુખ્ય જોગવાઈઓ શામેલ છે. આ બિલ ગેરકાયદે ઇમિગ્રન્ટ્સના મોટા પાયે દેશનિકાલ માટે ખર્ચ વધારવા સાથે પણ સંબંધિત છે. જ્યારે અન્ય વિરોધીઓ માને છે કે આ ખર્ચ દેશના આરોગ્ય અને શિક્ષણ જેવા ક્ષેત્રોને અસર કરે તેવી શક્યતા છે. આ કારણોસર, ઉદ્યોગપતિ એલોન મસ્ક સહિત એક મોટો વર્ગ આ બિલની વિરુદ્ધ છે અને તેની ટીકા કરી રહ્યો છે.

બિલ પસાર થવાથી કોંગ્રેસમાં મતભેદો

ટ્રમ્પ વહીવટીતંત્રના મતે, આ બિલ ૨૦૧૭ ના ટેક્સ કાપ અને નોકરી કાયદાને કાયમી ધોરણે લાગુ કરવા તેમજ તેમના ચૂંટણી વચનો પૂરા કરવા તરફ એક મહત્વપૂર્ણ પગલું છે. જોકે, બિલ પસાર થવાથી કોંગ્રેસમાં મતભેદો ઉભા થયા છે.

ઉપપ્રમુખ જેડી વાન્સે અભિનંદન આપ્યા 

Congrats to everyone. At times I even doubted we’d get it done by July 4!

But now we’ve delivered big tax cuts and the resources necessary to secure the border.

Promises made, promises kept!

— JD Vance (@JDVance) July 3, 2025

ઉપપ્રમુખ જેડી વાન્સે બિલ પસાર થવા પર ખુશી વ્યક્ત કરી છે અને બધાને અભિનંદન આપ્યા છે. તેમણે X પર લખ્યું, ‘બધાને અભિનંદન. ક્યારેક મને એમ હતું જ કે, આપણે 4 જુલાઈ સુધીમાં આ કામ પૂર્ણ કરી શકીશું!’ તેમણે આગળ લખ્યું, ‘પરંતુ હવે આપણે સરહદને સુરક્ષિત કરવા માટે મોટા કર કાપ અને જરૂરી સંસાધનો આપ્યા છે.’

બિલ પસાર થવું નિરાશાજનક: વિરોધ પણ શરૂ

‘બિલ પસાર થવું નિરાશાજનક છે’ જાહેરાત યુનાઇટેડ ફૂડ એન્ડ કોમર્શિયલ વર્કર્સ ઇન્ટરનેશનલ યુનિયનના આંતરરાષ્ટ્રીય પ્રમુખ મિલ્ટન જોન્સે જણાવ્યું હતું કે તે નિરાશાજનક છે કે કોંગ્રેસે આ હાનિકારક, કદરૂપું બિલ પસાર કર્યું છે. જે કામ કરતા પરિવારોની જરૂરિયાતોને અવગણે છે અને એવા કાપ મૂકે છે જે ફક્ત ક્રૂર જ નહીં પણ આર્થિક રીતે બેદરકાર પણ છે.

આ પણ વાંચો:4 જુલાઈ, 2025, શુક્રવારઃ મીન રાશિના લોકોની નાણાકીય સ્થિતિમાં સુધારો થશે

આ પણ વાંચો:શિકાગોમાં રેસ્ટોરાં બહાર અંધાધૂધ ગોળીબારઃ 4 લોકોના મૃત્યુ, 14 ઈજાગ્રસ્ત