દિવાળીના પર્વે PM મોદીનો અનોખો સંકલ્પ! આ વખતે બસ્તરમાં જવાનો સાથે ઉજવશે દિવાળી

નવી દિલ્હી: વડાપ્રધાન નરેન્દ્ર મોદી દર વર્ષની જેમ આ વખતે પણ દેશના વીર જવાનો સાથે દિવાળીના પવિત્ર પર્વની ઉજવણી કરવા જઈ રહ્યા છે. આ વખતે તેઓ છત્તીસગઢના બસ્તર વિસ્તારમાં સુરક્ષા દળોના જવાનો સાથે દિવાળી મનાવશે. દિવાળીની સવારે વડાપ્રધાન મોદીએ સોશિયલ મીડિયા પ્લેટફોર્મ X પર પોસ્ટ કરીને આ અંગેની જાણકારી આપી હતી. બસ્તર એક સમયે નક્સલવાદની સમસ્યાથી પ્રભાવિત વિસ્તાર હતો, પરંતુ હવે અહીં વિકાસની નવી ગાથા લખાઈ રહી છે.

વડાપ્રધાન મોદીએ જવાનોને નમન કરતાં જણાવ્યું હતું કે તેઓ દેશની સુરક્ષા માટે પોતાના પ્રાણની આહુતિ આપનારા, નિઃસ્વાર્થ સેવા કરનારા અને રાષ્ટ્ર પ્રત્યે અતૂટ સમર્પણ ધરાવતા સુરક્ષાકર્મીઓ સાથે દિવાળીની ખુશીઓ વહેંચવા જઈ રહ્યા છે.

Heading to Bastar to celebrate Diwali with our brave security forces.

This is an area where Naxalism once held sway and now, development is flourishing.

I am going to salute our brave security personnel for their sacrifices, selfless service and unwavering devotion to the nation.

दीपावली के पावन अवसर पर बस्तर जा रहा हूं।

कल तक जहां नक्सलियों का कहर था वहां आज विकास की बहार है।

वीर जवानों, उनके बलिदान, त्याग और तपस्या को नमन करने जा रहा हूं।

— Narendra Modi (@narendramodi) November 8, 2026

PM મોદીએ X પર પોસ્ટ કરીને આપી જાણકારી

વડાપ્રધાન નરેન્દ્ર મોદીએ પોતાની પોસ્ટમાં લખ્યું હતું કે, “દીપાવલીના પાવન અવસર પર બસ્તર જઈ રહ્યો છું. ગઈકાલ સુધી જ્યાં નક્સલીઓનો કહેર હતો, ત્યાં આજે વિકાસની બહારો છે. વીર જવાનો, તેમના બલિદાન, ત્યાગ અને તપસ્યાને નમન કરવા જઈ રહ્યો છું.”

વડાપ્રધાનની આ મુલાકાતનું વિશેષ મહત્ત્વ છે, કારણ કે બસ્તર લાંબા સમયથી નક્સલવાદની સમસ્યાનો સામનો કરી રહ્યો હતો. હવે આ વિસ્તારમાં સુરક્ષા, વિકાસ અને માળખાકીય સુવિધાઓને લઈને વિવિધ પ્રયાસો કરવામાં આવી રહ્યા છે.

ગયા વર્ષે INS વિક્રાંત પર જવાનો સાથે મનાવી હતી દિવાળી

નોંધનીય છે કે વડાપ્રધાન નરેન્દ્ર મોદી દર વર્ષે દિવાળીનો પર્વ દેશના સૈનિકો અને સુરક્ષાકર્મીઓ સાથે ઉજવવાની પરંપરા જાળવી રહ્યા છે.

ગત વર્ષે એટલે કે 20 ઓક્ટોબર, 2025ના રોજ વડાપ્રધાન મોદીએ ગોવામાં ભારતીય નૌકાદળના સ્વદેશી વિમાનવાહક જહાજ INS વિક્રાંત પર નૌકાદળના જવાનો સાથે દિવાળીની ઉજવણી કરી હતી.

દિવાળીના પર્વે જવાનો વચ્ચે પહોંચીને તેમની સાથે ખુશીઓ વહેંચવી અને દેશની સુરક્ષા માટે તેમના યોગદાનને બિરદાવવું એ વડાપ્રધાનની મુલાકાતોની ખાસ ઓળખ બની છે.

વર્ષ 2014થી જવાનો સાથે દિવાળી મનાવવાની પરંપરા

વડાપ્રધાન નરેન્દ્ર મોદી વર્ષ 2014થી સતત દેશના અલગ-અલગ સરહદી અને સુરક્ષા વિસ્તારોમાં જઈને જવાનો સાથે દિવાળીની ઉજવણી કરી રહ્યા છે. અત્યાર સુધીની તેમની દિવાળી મુલાકાતો આ પ્રમાણે રહી છે:

જવાનો સાથે દિવાળીની ઉજવણીનું વિશેષ મહત્ત્વ

દિવાળીનો તહેવાર સામાન્ય રીતે લોકો પોતાના પરિવારજનો સાથે ઉજવે છે. પરંતુ દેશની સરહદો અને આંતરિક સુરક્ષાની જવાબદારી નિભાવતા જવાનો અનેક વખત પોતાના પરિવારથી દૂર રહીને ફરજ બજાવે છે.

આવા સમયે વડાપ્રધાન દ્વારા જવાનો વચ્ચે પહોંચીને દિવાળીની ઉજવણી કરવી તેમના મનોબળ અને સમર્પણને સન્માન આપવાનો એક વિશેષ પ્રસંગ બને છે. વડાપ્રધાન મોદીની આ વખતેની બસ્તર મુલાકાત પણ દેશની સુરક્ષા માટે સમર્પિત જવાનો પ્રત્યે કૃતજ્ઞતા વ્યક્ત કરવાની સાથે આ વિસ્તારના બદલાતા વિકાસની દિશા તરફ ધ્યાન દોરે છે.

આ પણ વાંચો: દિવાળી પહેલાં અમદાવાદમાં ફટાકડાની બજારમાં ધૂમ ખરીદી, પણ ભાવમાં 40% સુધીનો ભડકો!