મનોજ કુમારના પરિવારમાં કોણ-કોણ? એક સભ્યનું અભિનેત્રી શ્રીદેવી સાથે ખાસ કનેક્શન

મુંબઈ,  4 એપ્રિલ 2025 :  બોલિવૂડ એક્ટર, ફિલ્મ ડિરેક્ટર, સ્ક્રિપ્ટ રાઈટર, ગીતકાર, એડિટર અને બિઝનેસમેન મનોજ કુમારનું નિધન થયું છે. તેમણે 4 એપ્રિલ, શુક્રવારે સવારે 87 વર્ષની વયે મુંબઈની કોકિલાબેન હોસ્પિટલમાં અંતિમ શ્વાસ લીધા હતા. તેઓ ભરત કુમાર તરીકે પણ જાણીતા હતા અને તેમનું અસલી નામ હરિકૃષ્ણ ગોસ્વામી હતું. તેમની શાનદાર ફિલ્મી કારકિર્દી માટે તેમને 7 ફિલ્મફેર એવોર્ડ મળ્યા હતા. પહેલો ફિલ્મફેર 1968માં ફિલ્મ ઉપકાર માટે મળ્યો હતો.

આ ફિલ્મને બેસ્ટ ફિલ્મ, બેસ્ટ ડાયરેક્ટર, બેસ્ટ સ્ટોરી અને બેસ્ટ ડાયલોગનો એવોર્ડ મળ્યો હતો. વર્ષ 1992માં મનોજ કુમારને પદ્મશ્રી પુરસ્કારથી સન્માનિત કરવામાં આવ્યા હતા. વર્ષ 2016માં તેમને દાદા સાહેબ ફાળકે એવોર્ડ એનાયત કરવામાં આવ્યો હતો. મનોજ કુમારના પરિવારમાં તેમની પત્ની શશી ગોસ્વામી, 2 પુત્રો કુણાલ ગોસ્વામી અને વિશાલ ગોસ્વામી છે. તેમના એક ભાઈનું નામ રાજીવ ગોસ્વામી છે. તેમની પૌત્રીનું નામ મુસ્કાન ગોસ્વામી છે. આ ઉપરાંત તેમના પરિવારમાં પૌત્રો કર્મ ગોસ્વામી, વંશ ગોસ્વામી, નીલમ ગોસ્વામી, એચએલ ગોસ્વામી, કૃષ્ણ કુમાર ગોસ્વામીનો સમાવેશ થાય છે.

પુત્ર કુણાલે શ્રીદેવી સાથે ડેબ્યુ કર્યું હતું
મનોજ કુમારે શશિ ગોસ્વામી સાથે પ્રેમ લગ્ન કર્યા હતા, જેમને તેઓ પ્રથમ વખત મિત્રના ઘરે મળ્યા હતા. ઘણા વર્ષો સુધી ચાલેલા અફેર પછી બંનેએ લગ્ન કરી લીધા. તેમના એક પુત્રનું નામ કુણાલ ગોસ્વામી અને બીજા પુત્રનું નામ વિશાલ ગોસ્વામી છે. કુણાલ ગોસ્વામી પણ એક્ટર બન્યો, પણ તે ફ્લોપ રહ્યો. તેણે પોતાના ફિલ્મી કરિયરની શરૂઆત પોતાના પિતા મનોજ કુમારની 1981માં બનેલી ફિલ્મ ક્રાંતિથી કરી હતી.1983માં ફિલ્મ ઘુંઘરૂમાં કામ કર્યું હતું.આ પછી તેણે પ્રખ્યાત અભિનેત્રી શ્રીદેવી સાથે ફિલ્મ કલાકારમાં કામ કર્યું હતું, પરંતુ આ બંને ફિલ્મો ફ્લોપ રહી હતી.

કલાકાર ફિલ્મમાં તેમનું ગીત ‘નીલે નીલે અંબર પર’ ઘણું ફેમસ થયું હતું. આ પછી તે 2 ગુલાબ (1983), રિકી (1986), આખરી બાઝી (1989) અને પાપ કી કામી (1990) સહિત ઘણી ફિલ્મોમાં જોવા મળ્યા હતા. 1991માં નુમ્બરી આદમી અને વિષકન્યામાં કામ કર્યા બાદ તેમણે એક્ટિંગમાંથી લાંબો બ્રેક લીધો હતો. 1999માં પિતા મનોજ કુમાર દ્વારા નિર્દેશિત ફિલ્મ જય હિંદથી પુનરાગમન કર્યું, પરંતુ આ ફિલ્મ ફ્લોપ રહી. આ પછી તેમણે એક્ટિંગ છોડીને બિઝનેસ શરૂ કર્યો. 2005માં રીતિ ગોસ્વામી સાથે લગ્ન કર્યા હતા અને આજકાલ તેમનો દિલ્હીમાં કેટરિંગનો બિઝનેસ છે.

કુણાલ ગોસ્વામીએ ટીવી સીરિયલ ‘ભારત કે શહીદ’, ‘કિટી પાર્ટી’ અને ‘પરંપરા’માં પણ કામ કર્યું હતું. રીતિ પહેલા કુણાલની ​​સગાઈ પૂજા ચોપરા સાથે થઈ હતી, પરંતુ વર્ષ 2001માં સગાઈ તૂટી ગઈ હતી. કુણાલ ગોસ્વામીના પુત્રનું નામ કર્મ ગોસ્વામી છે. મનોજ કુમારના બીજા પુત્ર વિશાલ ગોસ્વામીની પુત્રી મુસ્કાન ગોસ્વામીએ વર્ષ 2021માં મુંબઈમાં બિઝનેસમેન નિખિલ ઓહરી સાથે લગ્ન કર્યા હતા, જેની તસવીરો સોશિયલ મીડિયા પર વાયરલ થઈ હતી.

આ પણ વાંચો : અમેરિકાના પગલે ભારતીય શેરબજાર પણ રેડઝોનમાં ખુલ્યું, સેન્સેકસમાં 600 પોઈન્ટનો ઘટાડો