મહિલા કોંગ્રેસનો દિલ્હીમાં ઉગ્ર વિરોધ, અલ્કા લાંબાના નેતૃત્વમાં PM મોદીનું પુતળું સળગાવ્યું

Womens Reservation: અખિલ ભારતીય મહિલા કોંગ્રેસે મંગળવારે (28 એપ્રિલ 2026) દિલ્હી વિધાનસભા પરિસરમાં કેન્દ્ર સરકાર વિરુદ્ધ જોરદાર વિરોધ પ્રદર્શન કર્યું. અલ્કા લાંબાના નેતૃત્વમાં મહિલા કાર્યકર્તાઓએ નરેન્દ્ર મોદી સરકારના પુતળાનું દહન કરીને મહિલા આરક્ષણ તાત્કાલિક અમલમાં મૂકવાની માંગ ઉઠાવી. સાથે સાથે ઓબીસી મહિલાઓને પણ આરક્ષણમાં સમાવેશ કરવાની માંગ કરવામાં આવી.

પ્રદર્શનમાં મોટી સંખ્યામાં મહિલાઓ અને કોંગ્રેસ કાર્યકર્તાઓ જોડાયા હતા. તેઓએ હાથમાં પ્લેકાર્ડ્સ લઈને “મહિલા આરક્ષણ તાત્કાલિક અમલ કરો” જેવા સૂત્રોચ્ચાર કર્યા. પ્રદર્શન દરમિયાન રસ્તા પર ભારે ભીડ જોવા મળી હતી અને ટ્રાફિક પર પણ અસર પડી હતી.

શું છે મુદ્દો?

મહિલા કોંગ્રેસનું કહેવું છે કે ભાજપની આગેવાની હેઠળની કેન્દ્ર સરકારે 2023માં પસાર કરેલા મહિલા આરક્ષણ બિલને હજી સુધી અમલમાં મૂક્યું નથી. આ બિલ અમલ માટે વસ્તી ગણતરી અને ડિલિમિટેશન (સીમા પુનર્નિર્ધારણ)ની પ્રક્રિયા પૂર્ણ થવાની રાહ જોવામાં આવી રહી છે, જે સંભવતઃ 2029 પછી જ શક્ય બનશે.

કોંગ્રેસનું માનવું છે કે આ પ્રક્રિયા લંબાવીને સરકારે રાજકીય લાભ મેળવવાનો પ્રયાસ કર્યો છે. કોંગ્રેસની માંગ છે કે વર્તમાન 543 લોકસભા બેઠકો પર જ તાત્કાલિક મહિલા આરક્ષણ અમલમાં મુકવામાં આવે અને તેમાં ઓબીસી મહિલાઓ માટે અલગ સબ-ક્વોટા પણ આપવામાં આવે.

महिला आरक्षण के नाम पर देश की महिलाओं के साथ छल करने वाली मोदी सरकार के खिलाफ आक्रोश जनक्रांति का रूप ले चुका है।

अखिल भारतीय महिला कांग्रेस की राष्ट्रीय अध्यक्ष @LambaAlka जी के नेतृत्व में महिलाओं ने मोदी सरकार का पुतला दहन किया और तत्काल महिला आरक्षण लागू करने और ओबीसी… pic.twitter.com/1jeVHux4k2

— All India Mahila Congress (@MahilaCongress) April 28, 2026

ઉલ્લેખનીય છે કે આ પ્રદર્શન કોંગ્રેસના સતત અભિયાનનો એક ભાગ છે. 19 એપ્રિલ 2026ના રોજ પણ મહિલા કોંગ્રેસે ભાજપ મુખ્યાલય બહાર વિરોધ પ્રદર્શન કરીને સમાન માંગ ઉઠાવી હતી. અલ્કા લાંબાએ સ્પષ્ટ કહ્યું કે “જ્યાં સુધી મહિલા આરક્ષણ અમલમાં નહીં આવે, ત્યાં સુધી આંદોલન ચાલુ રહેશે.”

આ પણ વાંચો: અયોધ્યા-મુંબઈ અને બનારસ-પુણે વચ્ચે નવી અમૃત ભારત એક્સપ્રેસ શરૂ, PM મોદીએ આપી લીલી ઝંડી