જમ્મુ કાશ્મીર: કિશ્તવાડમાં સેનાના જવાનોને મોટી સફળતા મળી, 3 આતંકી ઠાર થયા
જમ્મુ કાશ્મીર, 12 એપ્રિલ 2025: જમ્મુ કાશ્મીરના કિશ્તવાડમાં ચાલી રહેલા અથડામણમાં સુરક્ષાદળોને મોટી સફળતા મળી છે. આ એન્કાઉંટરમાં અત્યાર સુધીમાં કૂલ ત્રણ આતંકી ઠાર થયા છે. જિલ્લાના છત્રૂ વન વિસ્તારમાં આ અથડામણ ચાલી રહી છે. એક ટોચના પોલીસ અધિકારીએ જણાવ્યું કે, ઓપરેશનમાં અત્યાર સુધીમાં ત્રણ આતંકીઓ માર્યા ગયા છે. તેમણે આગળ કહ્યું કે, વિસ્તારમાં ઓપરેશન ચાલી રહ્યું છે.
કિશ્તવાડ જિલ્લાના છત્રૂના જંગલોમાં સુરક્ષા દળો અને આતંકવાદીઓની વચ્ચે ત્યારે ગોળીબાર શરુ થયો, જ્યારે સંદિગ્ધ પરિસ્થિતિઓ બાદ સુરક્ષાદળોએ સમગ્ર વિસ્તારમાં સર્ચ ઓપરેશન ચલાવ્યું.
આતંકવાદીઓ સામે સુરક્ષા દળોનું મોટું ઓપરેશન
માહિતી અનુસાર, કિશ્તવાડ વિસ્તારમાં સુરક્ષા દળોનું આ એક મોટું ઓપરેશન છે. ૧૦ એપ્રિલના રોજ, આતંકવાદીઓએ સુરક્ષા દળોનો સામનો કર્યો. એન્કાઉન્ટર દરમિયાન એક આતંકવાદીને ઠાર મારવામાં આવ્યો હતો. બીજા દિવસે ૧૧ એપ્રિલની સવારે તેમનો મૃતદેહ મળી આવ્યો હતો.
આ વિસ્તારમાં વધુ આતંકવાદીઓ છુપાયેલા હોવાની માહિતી મળતાં સર્ચ ઓપરેશન ચાલી રહ્યું છે. દરમિયાન, ૧૧ એપ્રિલના રોજ બપોરે ૧ થી ૨ વાગ્યાની વચ્ચે, બીજી એક એન્કાઉન્ટર થયા, જેમાં વધુ બે આતંકવાદીઓ માર્યા ગયા. આ કામગીરીમાં ભારતીય સેના અને જમ્મુ અને કાશ્મીર પોલીસના SOG સામેલ હતા. અત્યાર સુધીમાં કુલ ત્રણ આતંકવાદીઓ માર્યા ગયા છે અને ઓપરેશન હજુ પણ ચાલુ છે.
આ પણ વાંચો: દિલ્હીમાં ભારે વંટોળના કારણે અનેક જગ્યાએ તબાહી, બિલ્ડિંગની દીવાલ પડતા 1 વ્યક્તિનું મૃત્યુ
