જન્માષ્ટમી પર કરિશ્મા તન્નાએ જાહેર કર્યું દીકરાનું નામ, જાણો નામ અને શું છે તેનો અર્થ

Karishma Tanna Son Name Reveal: કરિશ્મા તન્નાએ ટીવીથી લઈને ઓટીટી પ્લેટફોર્મ સુધી પોતાની આગવી ઓળખ ઊભી કરી છે. લોકો તેમના અભિનય અને સુંદરતાના ખૂબ વખાણ કરે છે. થોડા સમય પહેલાં જ અભિનેત્રી એક દીકરાની માતા બની છે. કરિશ્માના પુત્રની જન્મતારીખ પણ ખૂબ ખાસ છે; તેમણે 29 જુલાઈએ ગુરુપૂર્ણિમાના પાવન દિવસે પુત્રને જન્મ આપ્યો હતો. હવે એક ખાસ પ્રસંગે અભિનેત્રીએ પોતાના વહાલસોયા પુત્રના નામનો ખુલાસો કર્યો છે. જન્માષ્ટમીના શુભ અવસરે કરિશ્મા (Karishma Tanna)એ સોશિયલ મીડિયા પર પોસ્ટ શેર કરીને દીકરાના નામની જાણકારી આપી છે.

માત્ર નામ જ નહીં, પરંતુ તેમણે પુત્રના નામનો અર્થ પણ ચાહકો સાથે શેર કર્યો છે. કરિશ્મા તન્નાએ પોતાના ઇન્સ્ટાગ્રામ હેન્ડલ પર 4 સપ્ટેમ્બરે જન્માષ્ટમીના પર્વે પોસ્ટ શેર કરી જણાવ્યું કે તેમણે પુત્રનું નામ ‘વેદ તન્ના બાંગેરા’ રાખ્યું છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

શું છે કરિશ્માના દીકરાના નામનો અર્થ?

કરિશ્મા તન્નાએ પોસ્ટ શેર કરતાં કેપ્શનમાં લખ્યું “જન્માષ્ટમીના આ પાવન પર્વે, કાનુડાના આશીર્વાદથી અમે અમારા નાનકડા ચમત્કાર સાથે આપ સૌનો સ્નેહપૂર્વક પરિચય કરાવી રહ્યા છીએ — વેદ તન્ના બાંગેરા. એક એવું નામ જેનો અર્થ થાય છે પવિત્ર જ્ઞાન, સમજણ અને દિવ્ય પ્રકાશ. અઢળક પ્રેમ સાથે, કરિશ્મા અને વરુણ.”

<

 

View this post on Instagram

 

/h3>

આ પણ વાંચો:Nepal floods : ભારતે વધારી મદદ, 166 ભારતીયો સુરક્ષિત; 275 હજુ લાપતા

લગ્નના લગભગ 4 વર્ષ બાદ માતા બની કરિશ્મા

કરિશ્મા તન્ના લગ્નના આશરે 4 વર્ષ બાદ માતા બની છે. તેમણે ફેબ્રુઆરી 2022માં બિઝનેસમેન વરુણ બાંગેરા સાથે લગ્ન કર્યા હતા. અગાઉ અભિનેત્રીએ લાંબા સમય સુધી ઉપેન પટેલને ડેટ કર્યો હતો. બંનેની મુલાકાત ‘બિગ બોસ’ હાઉસમાં થઈ હતી, જોકે વર્ષ 2016માં બંને અલગ થઈ ગયા હતા.

કરિશ્મા તન્નાનો વર્કફ્રન્ટ

કરિશ્મા તન્નાના કામની વાત કરીએ તો, તેઓ નેટફ્લિક્સની લોકપ્રિય વેબ સિરીઝ ‘સ્કૂપ’ (Scoop) માં જોવા મળ્યા હતા. આ સિરીઝ દર્શકોને ખૂબ પસંદ આવી હતી અને તેમાં ક્રાઈમ રિપોર્ટર જાગૃતિ પાઠકના મુખ્ય પાત્ર માટે કરિશ્માના અભિનયની ભારે પ્રશંસા થઈ હતી. ત્યારબાદ તેઓ વર્ષ 2024માં એમેઝોન પ્રાઇમ વિડીયોની સિરીઝ ‘કૉલ મી બે’ (Call Me Bae) માં પણ એક ખાસ ભૂમિકામાં નજરે પડ્યા હતા.

 આ પણ વાંચો:ભારત-પાકિસ્તાન મહિલા ક્રિકેટની ટક્કર, T20I હેડ-ટુ-હેડમાં કોણ આગળ?