ઋત્વિક-NTRની બોક્સઓફિસ પર ધૂમ મચી, War 2 એ બે દિવસમાં કરી બમ્પર કમાણી

• War 2 એ તેની રિલીઝના પહેલા દિવસે એટલે કે 14 ઓગસ્ટે ₹51.5 કરોડની કમાણી કરી. તેણે હિન્દીમાં ₹29 કરોડ, તેલુગુમાં ₹22.25 કરોડ અને તમિલમાં ₹0.25 કરોડની કમાણી કરી

HD ન્યુઝ ડેસ્કઃ ઋતિક રોશન અને જુનિયર એનટીઆરની મોસ્ટ અવેઈટેડ ફિલ્મ War 2 14 ઓગસ્ટના રોજ સિનેમાઘરોમાં રિલીઝ થઈ હતી. દર્શકો આ એક્શન-થ્રિલર ફિલ્મની આતુરતાથી રાહ જોઈ રહ્યા હતા, જેની અસર માત્ર બે દિવસમાં બોક્સ ઓફિસ પર જોવા મળી હતી. વોર 2 એ માત્ર બે દિવસમાં 100 કરોડ રૂપિયાનો આંકડો પાર કરી દીધો. આ ફિલ્મે આ વર્ષે 100 કરોડનો આંકડો પાર કરનારી ફિલ્મોમાં પોતાનું સ્થાન બનાવ્યું છે.

War 2 બોક્સ ઓફિસ કલેક્શન

આ ફિલ્મમાં કિયારા અડવાણી ઋત્વિક અને જુનિયર NTR સાથે જોવા મળે છે. ફિલ્મને પહેલા દિવસથી જ લોકોનો ઘણો પ્રેમ મળ્યો છે. જાણો બે દિવસમાં ફિલ્મે કેટલું કલેક્શન કર્યું

War 2 એ તેની રિલીઝના પહેલા દિવસે એટલે કે 14 ઓગસ્ટે ₹51.5 કરોડની કમાણી કરી. તેણે હિન્દીમાં ₹29 કરોડ, તેલુગુમાં ₹22.25 કરોડ અને તમિલમાં ₹0.25 કરોડની કમાણી કરી.
ફિલ્મે તેના બીજા દિવસે 15 ઓગસ્ટ, સ્વતંત્રતા દિવસ પર મોટો ઉછાળો જોયો અને ₹56.5 કરોડની કમાણી કરી.
ભારતમાં બે દિવસમાં ફિલ્મનું કુલ નેટ કલેક્શન ₹ 108 કરોડ સુધી પહોંચી ગયું છે.

વોર 2 માં જોવા મળ્યા આ સ્ટાર્સ

વોર 2 એ યશ રાજ ફિલ્મની સ્પાય યુનિવર્સ ની છઠ્ઠી ફિલ્મ છે. આ ફિલ્મમાં અનિલ કપૂર અને બોબી દેઓલ એક નાનકડા રોલમાં જોવા મળી રહ્યા છે. આ ફિલ્મે માત્ર બે દિવસમાં યશ રાજની પાછલી ફિલ્મ વોર (₹ 77.77 કરોડ) અને ટાઈગર 3 (₹ 103.75 કરોડ) ની કમાણીને પાછળ છોડી દીધી છે.

કુલી સાથે બોક્સ ઓફિસ પર ટક્કર

વોર 2 ની સીધી સ્પર્ધા રજનીકાંતની કુલી સાથે છે. કુલીએ શરૂઆતના દિવસે જંગી કમાણી કરી હતી પરંતુ બીજા દિવસે વોર 2 એ કુલીને હરાવી 56 કરોડની કમાણી કરી હતી. બંને ફિલ્મોને વિવેચકો અને દર્શકો તરફથી મિશ્ર પ્રતિસાદ મળી રહ્યો છે. તે જ સમયે લોંગ વીકેન્ડના કારણે, બંને ફિલ્મોની કમાણી પર અસર પડશે.

આ પણ વાંચોઃ ‘રામાયણ’માં હનુમાનની ભૂમિકા ભજવવાથી સની દેઓલ નર્વસ થયા , જાણો શું કહ્યું