ગુજરાતમાં મેઘરાજાની તોફાની બેટિંગ: જોઈ લો રાજ્યમાં સાર્વત્રિક વરસાદના આંકડા

અમદાવાદ: રાજ્યમાં ચોમાસું પૂર્ણ તાકાતે જામ્યું છે. મેઘરાજા દક્ષિણ ગુજરાત અને સૌરાષ્ટ્રમાં ધમાકેદાર બેટિંગ કરી રહ્યા છે. છેલ્લા 24 કલાકમાં રાજ્યના 225 તાલુકામાં નોંધપાત્ર વરસાદ નોંધાયો છે. વલસાડ, સુરત અને ભાવનગર જિલ્લાઓમાં અતિભારે વરસાદે અનેક નીચાણવાળા વિસ્તારોને જળમગ્ન કરી દીધા છે.

છેલ્લા 24 કલાકમાં ઝોન મુજબ સરેરાશ વરસાદ

છેલ્લા 24 કલાકના વરસાદના આંકડા (6 જુલાઈ સવારે 6:00 થી 7 જુલાઈ સવારે 6:00)

• રાજ્ય સરેરાશ: 28.90 મીમી
• દક્ષિણ ગુજરાત ઝોન: સૌથી વધુ 64.04 મીમી

સૌથી વધુ વરસાદ નોંધાયેલા તાલુકા:

• વાપી (વલસાડ): 218 મીમી (8.58 ઇંચ) – રાજ્યમાં સૌથી વધુ
• પારડી (વલસાડ): 161 મીમી
• કામરેજ (સુરત): 164 મીમી
• ઉમરગામ (વલસાડ): 159 મીમી
• ઘોઘા (ભાવનગર): 156 મીમી
• નાનાપોંઢા (વલસાડ): 150 મીમી

વલસાડ જિલ્લામાં વાપી, પારડી, ઉમરગામ, નાનાપોંઢા અને કપરાડા તાલુકાઓમાં અતિભારે વરસાદે જળબંબાકાર સર્જ્યો છે. સુરત શહેરમાં 137 મીમી વરસાદથી શહેરી વિસ્તારો પાણીમાં ડૂબ્યા છે.

સૌરાષ્ટ્રમાં પણ ભારે મેઘમહેર

• ઘોઘા (ભાવનગર): 156 મીમી
• ભાવનગર શહેર: 114 મીમી
• લાઠી (અમરેલી): 117 મીમી
• અમરેલી શહેર: 107 મીમી

નવસારીના ખેરગામમાં 124 મીમી અને અન્ય વિસ્તારોમાં પણ ભારે વરસાદ નોંધાયો છે.

આજે (7 જુલાઈ) વરસાદની આગાહી

હવામાન વિભાગના જણાવ્યા અનુસાર આજે મંગળવારે:

• અતિભારે વરસાદની આશંકા: ભાવનગર, સુરત, તાપી, નવસારી, વલસાડ, ડાંગ
• ભારેથી અતિભારે: અમરેલી, ભરૂચ, નર્મદા
• ભારે વરસાદ: ગીર સોમનાથ, વડોદરા, પંચમહાલ, દાહોદ, છોટાઉદેપુર
• અન્ય જિલ્લાઓ (અમદાવાદ, ગાંધીનગર, રાજકોટ, કચ્છ વગેરે)માં છૂટાછવાયા સ્થળોએ હળવાથી મધ્યમ વરસાદની શક્યતા

સતર્કતાની અપીલ સ્ટેટ ઇમરજન્સી ઓપરેશન સેન્ટર અને હવામાન વિભાગે નીચાણવાળા વિસ્તારોના લોકોને સાવધાન રહેવા, અનાવશ્યક બહાર ન નીકળવા અને તંત્રની માર્ગદર્શિકાનું પાલન કરવા વિનંતી કરી છે.

આ પણ વાંચો: રામ મંદિર દાન ચોરીમાં SIT રિપોર્ટ સામે આવ્યો 40 દિવસમાં 70 વાર ચોરી કરતા CCTVમાં ઝડપાયા