
Unseasonal Rain Forecast in Gujarat: ગુજરાતમાં હાલ કાળઝાળ ગરમી અને બફારાનો પ્રકોપ યથાવત છે. તાપમાન 42 ડિગ્રી સુધી પહોંચી રહ્યું છે ત્યારે અચાનક હવામાન વિભાગે ફરી એક વાર કમોસમી વરસાદની આગાહી કરી છે. ભારતીય હવામાન વિભાગ (IMD)ના તાજેતરના બુલેટિન અનુસાર, આગામી બે દિવસ એટલે કે 19 અને 20 એપ્રિલના રોજ રાજ્યના સાત જિલ્લાઓના છૂટાછવાયા વિસ્તારોમાં હળવાથી મધ્યમ વરસાદ સાથે વીજળીના કડાકા પડવાની સંભાવના છે.
આ એલર્ટવાળા જિલ્લાઓમાં સાબરકાંઠા, અરવલ્લી, દાહોદ, મહીસાગર, પંચમહાલ, અમરેલી અને ભાવનગરનો સમાવેશ થાય છે. આમાંથી ઉત્તર ગુજરાતના કેટલાક જિલ્લાઓ અને સૌરાષ્ટ્રના બે જિલ્લાઓમાં વરસાદની સંભાવના વધુ જણાઈ રહી છે. રાજ્યના બાકીના તમામ જિલ્લાઓમાં હવામાન મોટેભાગે સૂકું રહેવાનું છે.
આ હવામાની ફેરફારનું મુખ્ય કારણ દક્ષિણ-પૂર્વ પાકિસ્તાન અને તેની આસપાસના રાજસ્થાન વિસ્તારમાં સર્જાયેલું ઉપરી હવામાનનું સાયક્લોનિક સર્ક્યુલેશન છે. આ સિસ્ટમને કારણે ભેજવાળા પવનો ગુજરાત તરફ આવી રહ્યા છે, જે પ્રી-મોન્સૂન પ્રવૃત્તિ જેવી સ્થિતિ સર્જી રહ્યા છે. સામાન્ય રીતે એપ્રિલ મહિનામાં આવો વરસાદ અસામાન્ય ગણાય છે અને તેને કમોસમી માવઠું કહેવામાં આવે છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
હાલમાં રાજ્યમાં ગરમીનો પ્રકોપ અત્યંત તીવ્ર છે. છેલ્લા 24 કલાકમાં રાજકોટમાં 42.4 ડિગ્રી સેલ્સિયસનું સૌથી ઊંચું તાપમાન નોંધાયું છે. અમદાવાદમાં પણ તાપમાન 40 ડિગ્રીની આસપાસ રહેવાની સંભાવના છે. સૌરાષ્ટ્ર અને કચ્છના દરિયાકાંઠાના વિસ્તારોમાં ગરમી સાથે બફારો વધુ અનુભવાઈ રહ્યો છે. હવામાન વિભાગના અનુસાર, 18 એપ્રિલ સુધી આ ગરમી અને બફારો યથાવત રહેશે, ત્યારબાદ વરસાદની શક્યતા સર્જાશે.
ખેડૂતો માટે આ આગાહી ચિંતાજનક છે. ઘઉં, જીરું, રાયડા, તલ જેવા રવિ પાકોની કાપણીનો સમય ચાલી રહ્યો છે અથવા નજીક છે. આવા સમયે અચાનક વરસાદ અને વીજળી પડવાથી પાકને નુકસાન થવાની શક્યતા છે. ફળો અને શાકભાજીના પાક પર પણ અસર પડી શકે છે. ખેડૂતોને સલાહ આપવામાં આવી છે કે તેઓ પાકની યોગ્ય સંભાળ લે, જરૂરી હોય તો પ્લાસ્ટિક કવર અથવા અન્ય સુરક્ષા વ્યવસ્થા કરે અને હવામાનના અપડેટ્સ પર નજર રાખે.
નાગરિકોને પણ સાવધાની રાખવા જણાવવામાં આવ્યું છે. વીજળીના કડાકા સાથે વરસાદ પડે તો ખુલ્લામાં ન રહેવું, વૃક્ષો અને વીજળીના પોલ પાસે ન જવું. હવામાન વિભાગે હજુ સુધી કોઈ ભારે વરસાદ કે તોફાની પવનની ચેતવણી જારી કરી નથી, પરંતુ સ્થાનિક સ્તરે હવામાનમાં અચાનક ફેરફાર થઈ શકે છે.
ગુજરાતમાં આપ્રિલ મહિનામાં આવા કમોસમી વરસાદની ઘટનાઓ વારંવાર જોવા મળે છે, જે વાતાવરણના અસ્થિર સ્વભાવને દર્શાવે છે. હવામાન વિભાગના અધિકારીઓએ જણાવ્યું છે કે આગામી દિવસોમાં વધુ અપડેટ્સ આવી શકે છે. તેથી નાગરિકો અને ખેડૂતોએ IMDની અધિકૃત વેબસાઇટ, એપ અથવા સ્થાનિક હવામાન કેન્દ્રના સમાચારો પર વિશ્વાસ કરવો જોઈએ.
આ પણ વાંચો: દિલ્હી એરપોર્ટ પર બે વિમાનો અથડાયા! મુસાફરોના જીવ તાળવે ચોંટ્યા












