LPG Crisis વચ્ચે Good News: ભારત પહોંચ્યું હોર્મુઝથી નીકળેલું અન્ય એક જહાજ, જાણો કેટલો ગેસ લાવ્યું?

• સ્ટ્રેટ ઓફ હોર્મુઝથી ભારતમાં આવનાર નંદાદેવી એ બીજું જહાજ છે. આ પહેલા શિવાલિકે સોમવારે ભારતમાં એન્ટ્રી કરી હતી

LPG Crisis: LPG કટોકટી વચ્ચે ભારતને મોટા સારા સમાચાર મળ્યા છે. નંદા દેવી જહાજ મંગળવારે ગુજરાતના બંદર પર પહોંચ્યું હતું. સ્ટ્રેટ ઓફ હોર્મુઝથી ભારતમાં આવનાર આ બીજું જહાજ છે. આ પહેલા શિવાલિકે સોમવારે ભારતમાં એન્ટ્રી કરી હતી. બંને જહાજો મળીને 90,000 મેટ્રિક ટનથી વધુ LPG લઈને પહોંચ્યા છે, જે કટોકટી વચ્ચે નોંધપાત્ર રાહત આપી શકે છે.

મીડિયા રિપોર્ટ્સ અનુસાર 47,000 મેટ્રિક ટનથી વધુ LPG લઈને નંદા દેવી જહાજ ગુજરાતના વાડીનાર બંદરે પહોંચ્યું છે. શનિવારે શિપિંગ મંત્રાલયના વિશેષ સચિવ રાજેશ કુમાર સિંહાએ જણાવ્યું હતું કે શિવાલિક અને નંદા દેવી જહાજો 16 અને 17 માર્ચે ભારતમાં આવી શકે છે. નંદા દેવી ભારતમાં આવ્યા પછી 24,000 મેટ્રિક ટન તમિલનાડુ મોકલવામાં આવશે તેવી અપેક્ષા છે.

સિંહાએ કહ્યું હતું કે સંયુક્ત આરબ અમીરાતથી લગભગ 80,800 ટન મુરબાન ક્રૂડ ઓઇલ લઈને જતું જગ લાડકી જહાજ અને તેના પર સવાર તમામ 22 ભારતીય ખલાસીઓ સુરક્ષિત છે. જગ લાડકી છેલ્લા બે અઠવાડિયાથી યુદ્ધગ્રસ્ત હોર્મુઝ સ્ટ્રેટમાં ફસાયેલા 28 ભારતીય જહાજોમાંથી ચોથું જહાજ છે.

હાલમાં 611 ખલાસીઓ સહિત 22 ભારતીય ધ્વજવાળા જહાજો પશ્ચિમ ફારસની ખાડીમાં ફસાયેલા છે. LPG ભરેલા બે જહાજોએ 13 માર્ચે તેમની યાત્રા શરૂ કરી હતી અને 14 માર્ચની સવારે હોર્મુઝ સ્ટ્રેટમાંથી પસાર થયા હતા.

તેમણે કહ્યું કે પહેલું જહાજ શિવાલિક, ગુજરાતના મુન્દ્રા બંદરે પહોંચ્યું હતું, જ્યાં અગાઉથી કાગળકામ અને પ્રાથમિકતા મુજબ કાર્ગો અનલોડિંગની વ્યવસ્થા કરવામાં આવી હતી. બીજું જહાજ નંદા દેવી મંગળવારે સવારે કંડલા બંદરે પહોંચવાનું છે.

કુલ કેટલી LPG રાહત?

આ બંને જહાજો આશરે 92,712 ટન એલપીજી વહન કરી રહ્યા છે, તે દેશની એક દિવસની રસોઈ ગેસની જરૂરિયાત જેટલો છે. આ બંને જહાજો હોર્મુઝ સ્ટ્રેટના પશ્ચિમ ભાગમાં લડાઈ શરૂ થઈ ત્યારથી ફસાયેલા 24 જહાજોમાં સામેલ હતા. હોર્મુઝ સ્ટ્રેટના પશ્ચિમ ભાગમાં ફસાયેલા 24 જહાજો ઉપરાંત પૂર્વ ભાગમાં અન્ય ચાર જહાજો ફસાયેલા હતા.

આ પણ વાંચોઃ પાકિસ્તાનની કાબુલ હોસ્પિટલ પર એર સ્ટ્રાઈક, 400 નાગરિકોનો નરસંહાર, ભારતે કહ્યું – ‘આ સહન નહીં થાય…’