ચૈત્ર નવરાત્રી 2026: પૂજામાં ભૂલથી પણ ન ચઢાવશો આ વસ્તુઓ, માં દુર્ગા થઈ શકે છે નારાજ
Chaitra Navratri 2026: ચૈત્ર નવરાત્રીની શરૂઆત આવતીકાલે એટલે કે 19 માર્ચથી થઈ રહી છે. માં દુર્ગાની ભક્તિ અને સાધના માટે આ સમય અત્યંત પવિત્ર માનવામાં આવે છે. નવ દિવસ સુધી ભક્તો માતાજીના નવ સ્વરૂપોની વિધિ-વિધાન સાથે પૂજા કરે છે. જ્યોતિષીઓના જણાવ્યા અનુસાર, પૂજામાં કેટલીક એવી વસ્તુઓ છે જેનો ઉપયોગ ટાળવો જોઈએ, અન્યથા પૂજાનું પૂર્ણ ફળ પ્રાપ્ત થતું નથી.
પૂજામાં આ વસ્તુઓનો ત્યાગ કરો:
વાસી કે ખરાબ ભોજન: માં દુર્ગાને ક્યારેય વાસી કે બગડેલો ખોરાક અર્પણ ન કરવો જોઈએ. દેવીને હંમેશા તાજો, શુદ્ધ અને સાત્વિક ભોગ જ પ્રિય છે. જો તાજા ફળ ઉપલબ્ધ ન હોય, તો તાજી બનાવેલી રસોઈ કે ચોખા અર્પણ કરી શકાય છે.
સૂકા અથવા કરમાયેલા ફૂલ: પૂજામાં હંમેશા તાજા અને સુગંધિત ફૂલોનો જ ઉપયોગ કરો. સૂકાઈ ગયેલા ફૂલ ચઢાવવા અશુભ માનવામાં આવે છે.
તુલસીના પાન: ખાસ નોંધવા જેવી બાબત એ છે કે માં દુર્ગાની પૂજામાં ક્યારેય તુલસીના પાન અર્પણ કરવામાં આવતા નથી. તુલસી ભગવાન વિષ્ણુને પ્રિય છે, તેથી નવરાત્રીની પૂજામાં તેનો ઉપયોગ વર્જિત છે.
ધતૂરો અને આકડાના ફૂલ: ભગવાન શિવને પ્રિય એવા ધતૂરા અને આકડાના (મદાર) ફૂલ માં દુર્ગાને અર્પણ ન કરવા જોઈએ. આ ઉપરાંત, કરેણના ફૂલ ચઢાવવાથી પણ બચવું જોઈએ, કારણ કે તેનાથી માતાજી નારાજ થઈ શકે છે.
DISCLAIMER : ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી humdekhenge.in રહેશે નહીં. આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ પણ વાંચોઃ Ahmedabad: રેવડી બજારમાં ભયાનક આગ, 30થી વધુ દુકાનો ઝપેટમાં, અફરાતફરીનો માહોલ
આ પણ વાંચોઃ ટ્રેનમાં વોટ્સએપથી ઓર્ડર કરો મનપસંદ ફૂડ: જાણો સ્ટેપ-બાય-સ્ટેપ રીત
અમારી WhatsApp ચેનલમાં જોડાવા આ લિંક પર ક્લીક કરો
