ચૂંટણી કમિશનર જ્ઞાનેશ કુમાર સામે મહાભિયોગ પ્રસ્તાવ, બંને ગૃહોમાં રજૂ કરાયેલી નોટિસ પર 193 સાંસદોના હસ્તાક્ષર

Mihirkumar Parmar Last Updated: માર્ચ 13, 2026

1 minute read

CEC impeachment: મુખ્ય ચૂંટણી કમિશનર (CEC) જ્ઞાનેશ કુમારને હટાવવા માટે વિપક્ષી ગઠબંધને એક મોટું પગલું ભર્યું છે. બંને ગૃહોમાં મહાભિયોગની નોટિસ રજૂ કરવા માટે વિપક્ષે જરૂરી મતોની સંખ્યા વટાવી દીધી છે.

વિપક્ષી પક્ષોએ સંસદના બંને ગૃહોમાં મુખ્ય ચૂંટણી કમિશનર જ્ઞાનેશ કુમારને પદ પરથી હટાવવા માટે નોટિસ આપી છે. આ નોટિસ પર લોકસભાના 130 સાંસદો અને રાજ્યસભાના 63 સાંસદોએ સહી કરી છે. નિયમો અનુસાર, નોટિસ માટે લોકસભામાં ઓછામાં ઓછા 100 સાંસદો અને રાજ્યસભામાં 50 સાંસદોનું સમર્થન જરૂરી છે. વિપક્ષે અત્યાર સુધીમાં કુલ 193 સહીઓ એકત્રિત કરીને આ જરૂરી આંકડો સરળતાથી પાર કરી લીધો છે.

લોકસભા સચિવાલયને CEC જ્ઞાનેશ કુમાર વિરુદ્ધ TMCની નોટિસ મળી ચૂકી છે. નોટિસની તપાસ પ્રક્રિયા જલ્દી શરૂ થશે. CEC સામે ઘણા આરોપ લગાવવામાં આવ્યા છે, જેમાં સુપ્રિમ કોર્ટે લીધેલા ઘણા નિર્ણયોનો ઉલ્લેખ છે. આ નોટિસ સત્તાવાર રીતે કાલે, એટલે શનિવારે રજૂ કરવામાં આવશે. તેના માટે નોટિસના બે અલગ અલગ સેટ તૈયાર કરવામાં આવ્યા છે.

વિપક્ષી સાંસદોનું આ પગલુ બજેટ સત્ર દરમિયાન ચૂંટણી પંચની કામગીરી પર ગંભીર પ્રશ્નો ઉભા કરે છે.

જ્ઞાનેશ કુમાર સામે કયા આરોપો લાગ્યા છે?

નોટિસમાં બિહારમાં SIRને સંભાળવાની રીત.
મતદાતાઓને મતાધિકારથી વંચિત કરવામાં આવ્યા છે.
રાજકીય પક્ષો પ્રત્યે પક્ષપાતી વર્તન અને દુરવ્યવહાર સાબિત થયાં છે.

બંને ગૃહોમાં પ્રચંડ સમર્થન મળ્યું

જ્ઞાનેશ કુમાર સામે મહાભિયોગની કાર્યવાહી શરૂ કરવા માટે વિપક્ષે મોટી સંખ્યામાં સાંસદોનું સમર્થન મેળવ્યું છે. લોકસભાના 130 સાંસદોએ નોટિસ પર હસ્તાક્ષર કર્યા છે, જ્યારે રાજ્યસભાના 63 સાંસદોએ સંમતિ આપી છે. આ સંખ્યા નોટિસ આપવા માટે જરૂરી સંવિધાનિક ન્યૂનતમ મર્યાદા કરતા ઘણી વધારે છે. વિપક્ષી પક્ષો આ મુદ્દે સંપૂર્ણ રીતે એકજુટ દેખાઈ રહ્યા છે.

તૈયાર કરવામાં આવ્યા નોટિસના બે સેટ

સંસદીય પ્રક્રિયાને ધ્યાનમાં રાખીને, વિપક્ષે નોટિસના બે અલગ સેટ તૈયાર કર્યા છે. પહેલો સેટ લોકસભા માટે છે, જેમાં 100 સાંસદોની જરૂર છે તેની સામે 130 સહીઓ છે. બીજો સેટ રાજ્યસભા માટે છે, જેમાં 50 સાંસદોની જરૂર છે તેની સામે 63 સાંસદોએ તેને ટેકો આપ્યો છે. આ મામલો હવે સંસદીય કાર્યવાહીનો ભાગ બનવા માટે તૈયાર છે. વિપક્ષ આવતીકાલે આ નોટિસ આપવાની તૈયારી કરી રહ્યું છે.