બનેવી સાથે થયો પ્રેમ, ત્રણ બાળકોની માતાની હદ પાર, રાત્રે કર્યું ભયાનક કૃત્ય

• ત્રણ બાળકોની માતાએ પોતાના પતિને જીવતો સળગાવી દીધો હતો. શરૂઆતમાં તેણે તેને આત્મહત્યા તરીકે રજૂ કરવાનો પ્રયાસ કર્યો હતો

Crime News: તમિલનાડુના કલ્લાકુરિચી જિલ્લામાંથી એક ચોંકાવનારી ઘટના પ્રકાશમાં આવી છે. ત્રણ બાળકોની માતાએ પોતાના પતિને જીવતો સળગાવી દીધો હતો. શરૂઆતમાં તેણે તેને આત્મહત્યા તરીકે રજૂ કરવાનો પ્રયાસ કર્યો હતો, પરંતુ નજીકના સીસીટીવી કેમેરામાં સત્ય બહાર આવી જ ગયું. પોલીસે આરોપી મહિલાને કસ્ટડીમાં લીધી છે અને તેની પૂછપરછ શરૂ કરી છે. પ્રારંભિક તપાસમાં જાણવા મળ્યું છે કે મહિલાને તેની બહેનના પતિ એટલે કે તેના જીજાજી સાથે પ્રેમ સંબંધ હતો અને તેનો પતિ આ સંબંધનો વિરોધ કરતો હતો.

સૂતેલા પતિ પર પેટ્રોલ છાંટ્યું

કલ્લાકુરિચી પોલીસ અધિક્ષક એસ. અરવિંદના જણાવ્યા અનુસાર મામંડલ રોડનો રહેવાસી એન્થોની રોબિન (26) સાલેમના ચિન્નાથિરોપથી વિસ્તારમાં એક ગેસ કંપનીમાં કામ કરતો હતો. તે સામાન્ય રીતે સપ્તાહના અંતે ઘરે પાછો ફરતો હતો. શનિવારે રાત્રે તે દારૂ પીને સૂઈ ગયો હતો. વહેલી સવારે તે અચાનક ચીસો પાડતો ઘરની બહાર દોડી ગયો, તેના શરીરમાં આગ લાગી હતી. પડોશીઓએ આગ ઓલવી અને તેને કલ્લાકુરિચી સરકારી હોસ્પિટલમાં લઈ ગયા હતા. ડોક્ટરોએ જણાવ્યું કે તે 90 ટકા બળી ગયો હતો. તેની હાલત ગંભીર હોવાથી તેને સાલેમની હોસ્પિટલમાં રિફર કરવામાં આવ્યો હતો, જ્યાં બે દિવસની સારવાર બાદ તેનું મૃત્યુ થયું હતું.

પત્નીએ પહેલા આત્મહત્યાની વાત કહી

આ ઘટના પછી એન્થોનીની પત્ની અમ્મુએ પોલીસ અને પડોશીઓને જણાવ્યું કે તેના પતિએ દારૂ પીધેલી હાલતમાં પોતાને આગ લગાવી દીધી હતી. શરૂઆતમાં આ મામલો આત્મહત્યાનો લાગતો હતો. જોકે પોલીસને શંકા ગઈ અને તેણે નજીકમાં લગાવેલા સીસીટીવી કેમેરાની તપાસ શરૂ કરી. જેના કારણે આ કેસમાં મોટો ખુલાસો થયો હતો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

સીસીટીવી ફૂટેજ દ્વારા રહસ્યો ખુલ્યા

પોલીસને મળેલા સીસીટીવી ફૂટેજમાં જોવા મળ્યું કે જ્યારે એન્થોની ઘરની બહાર નીકળ્યો, ત્યારે તે પોતાના શરીરને લૂછતો હોય તેવો પ્રયાસ કરી રહ્યો હતો અને તે સમયે તેના કપડાંમાં આગ લાગી નહોતા. થોડીવાર પછી અમ્મુ પાછળથી બહાર આવી અને તેણે માચીસથી તેના કપડાં સળગાવી દીધા હતા. પછી તે પાછળ હટી ગઈ હતી. થોડીવારમાં જ આગ ભભૂકી ઉઠી અને એન્થોની ચીસો પાડતો દોડવા લાગ્યો હતો.

ગેરકાયદેસર સંબંધો ગુનાનું કારણ બન્યા

તપાસ દરમિયાન પોલીસે પડોશીઓ અને પરિવારને જાણતા લોકોની પૂછપરછ કરી હતી. ત્યારબાદ જાણવા મળ્યું કે અમ્મુને તેની બહેનના પતિ સાથે લાંબા સમયથી અફેર હતું. એન્થોની રોબિન આ સંબંધનો વિરોધ કરતો હતો અને તેની પત્નીને વારંવાર તેનાથી દૂર રહેવાનું કહેતો હતો. તેઓ ઘણીવાર આ મુદ્દા પર ઝઘડો કરતા હતા. પોલીસ માને છે કે આ સંઘર્ષને કારણે અમ્મુએ તેના પતિને ખતમ કરવાનું કાવતરું ઘડ્યું હતું.

પોલીસ વધુ તપાસ કરી રહી છે

પોલીસ અધિક્ષક એસ. અરવિંદે જણાવ્યું હતું કે આરોપી મહિલા વિરુદ્ધ કેસ નોંધવામાં આવ્યો છે. ડિજિટલ પુરાવાના આધારે તેની પૂછપરછ કરવામાં આવી રહી છે. પોલીસ હાલમાં આ મામલાની સંપૂર્ણ તપાસ કરી રહી છે કે શું અન્ય કોઈ સંડોવાયેલા છે. આ ઘટના આસપાસમાં ચર્ચાનો વિષય બની ગઈ છે, કારણ કે ત્રણ બાળકોની માતાએ જે રીતે તેના પતિની આ રીતે હત્યા કરી તેનાથી લોકો ચોંકી ગયા છે.

આ પણ વાંચોઃ LPG Crisis: હોટલ, મઠ અને ભંડારાથી લઈને અન્નક્ષેત્રોની મુશ્કેલીઓ વધી, ચુલા પર બનવા લાગી રસોઈ