Bomb threat in Gujarat: 6 શહેરોમાં પાસપોર્ટ-પોસ્ટઓફિસ અને પારુલ યુનિવર્સિટીને બોમ્બથી ઉડાવવાની ધમકી, સંકુલ ખાલી કરાવાયા
Bomb threat in Gujarat: ગુજરાતમાં ફરી એકવાર વિવિધ સ્થળોએ પાસપોર્ટ ઓફિસ, પોસ્ટ ઓફિસ અને યુનિવર્સિટીઓની બોમ્બથી ઉડાવવાની ધમકીઓ મળી છે. 10 માર્ચ, 2026ના રોજ, વડોદરાની પારુલ યુનિવર્સિટી, ભાવનગરમાં હેડ પોસ્ટ ઓફિસના પાસપોર્ટ વિભાગ, સુરત અને જૂનાગઢની પોસ્ટ ઓફિસને બોમ્બથી ઉડાવવાની ગંભીર ધમકીભર્યા ઇ-મેઇલ મળતા પોલીસે તાત્કાલિક કાર્યવાહી શરૂ કરી છે.
રાજકોટ અને અમદાવાદની પાસપોર્ટ ઓફિસોને પણ બોમ્બથી ઉડાવવાની ધમકી આપવામાં આવી હતી. આ ધમકીના પગલે બોમ્બ-ડોગ સ્કવોડ અને સ્થાનિક પોલીસ તાત્કાલિક ઘટના સ્થળે પહોંચી ગઈ હતી. આ સ્થળોને ખાલી કરાવવા માટે તમામ અધિકારીઓ, કર્મચારીઓ અને ગ્રાહકોને બહાર કાઢી, ચેકિંગ પ્રક્રિયા શરૂ કરી છે. બોમ્બ-ડોગ સ્કવોડ અને સ્થાનિક પોલીસ તાત્કાલિક ઘટનાસ્થળે પહોંચી ગઈ છે અને સંકુલને ખાલી કરાવી ચેકિંગ હાથ ધરવામાં આવ્યું છે.
અમારી WhatsApp ચેનલમાં જોડાવા આ લીંક પર ક્લીક કરો
રાજકોટના એસીપી બી.જે.ચૌધરીએ જણાવ્યું હતું કે, આજરોજ રાજકોટ પોલીસ કંટ્રોલરૂમને 12 વાગ્યે જાણ કરવામાં આવી હતી કે, રાજકોટની હેડ પોસ્ટ ઓફિસ અને પાસપોર્ટ ઓફિસને બોમ્બથી ઉડાવી દેવામાં આવશે. 12.15 વાગ્યે બૉમ્બ બ્લાસ્ટ થશે માટે તાત્કાલિક રાજકોટ એ ડિવિઝન પોલીસ, બૉમ્બ સ્ક્વોડ, ડોગ સ્ક્વોડ, SOGની અલગ અલગ ટિમો દ્વારા બન્ને કચેરી ખાતે પહોંચી ઓફિસમાં રહેલા અધિકારીઓ, કર્મચારીઓ અને ગ્રાહકોને ઓફિસમાંથી બહાર કરી દેવામાં આવ્યા છે અને તપાસ કરવામાં આવી રહી છે. બન્ને કચેરીની તપાસ બાદ કોઈ શંકાસ્પદ વસ્તુ નહિ મળે તો બાદમાં બધાને પરત ઓફિસમાં પ્રવેશ આપવામાં આવશે અને ધમકીભર્યા ઇમેઇલ મારફત તપાસ સાયબર ક્રાઇમ પોલીસ દ્વારા કરવામાં આવશે. જૂનાગઢ ગાંધીગ્રામ ખાતે આવેલી પોસ્ટ ઓફિસને ફરી બોમ્બથી ઉડાવી દેવાનો ધમકીભર્યો મેઈલ મળ્યો છે.
આ તમામ ધમકીઓ ઉપરાંત, સુરતના પીપલોદ વિસ્તારમાં આવેલી પાસપોર્ટ ઓફિસને પણ બોમ્બની ધમકી મળી, જેના કારણે સમગ્ર સરકારી તંત્રમાં ખળભળાટ મચી ગયો હતો. પાસપોર્ટ ઓફિસના સત્તાવાર આઈડી પર વહેલી સવારે આ ધમકીભર્યો મેઈલ મળ્યો હતો, જેમાં ઓફિસને વિસ્ફોટકોથી ઉડાવી દેવાનો ઉલ્લેખ કરવામાં આવ્યો હતો. આ મેઈલ મળતાની સાથે જ સુરક્ષાના ભાગરૂપે કચેરીના તમામ કર્મચારીઓ અને અરજદારોને તાત્કાલિક બહાર કાઢી બિલ્ડિંગ ખાલી કરાવવામાં આવ્યું હતું, જેના કારણે આસપાસના વિસ્તારમાં પણ ભયનો માહોલ જોવા મળ્યો હતો.
ધમકીની જાણ થતાં જ ઉમરા પોલીસનો કાફલો, બોમ્બ ડિસ્પોઝલ સ્ક્વોડ અને ડોગ સ્ક્વોડની ટીમો તાત્કાલિક ઘટનાસ્થળે પહોંચી ગઈ હતી અને સમગ્ર બિલ્ડિંગમાં સઘન ચેકિંગ હાથ ધર્યું હતું. આ વખતે ધમકીભર્યો મેઈલ ગુજરાતી અને અંગ્રેજી એમ બંને ભાષામાં હોવાથી સાયબર ક્રાઈમની ટીમે પણ આ મામલે તપાસ તેજ કરી છે. પોલીસ દ્વારા આઈપી એડ્રેસના આધારે મોકલનાર શખ્સને ટ્રેસ કરવાના પ્રયાસો હાથ ધરવામાં આવ્યા છે.
આ પણ વાંચો: Parliament Budget Session 2026: લોકસભામાં ઓમ બિરલા સામે અવિસ્વાસ પ્રસ્તાવ રજૂ
