બંગાળમાં નકલી પાસપોર્ટ કેસમાં થયો ચોંકાવનારો ખુલાસો, વાંચીને ચોંકી જશો
કોલકાતા, તા. 6 મે, 2025: ગુજરાતમાં ગેરકાયદે રહેતા બાંગ્લાદેશીઓને શોધવામાં આવી રહ્યા છે. અમદાવાદના ચંડોળા તળાવ વિસ્તારમાં ડિમોલિશન કર્યા બાદ 150થી વધારે બાંગ્લાદેશીઓ ઝડપાયા હતા. આ દરમિયાન બંગાળમાં નકલી પાસપોર્ટ કેસની તપાસમાં ઘણા ચોંકાવનારા ખુલાસા થયા છે. ED ને આ કેસમાં ધરપકડ કરાયેલા પાકિસ્તાની નાગરિક આઝાદ મલિકના તેના દેશની ગુપ્તચર એજન્સી ISI સાથે સંબંધો હોવાના પુરાવા મળ્યા છે. આઝાદ બંગાળમાં સ્લીપર સેલ તૈયાર કરી રહ્યો હતો. તેણે 500 થી વધુ પાકિસ્તાની અને બાંગ્લાદેશી નાગરિકો માટે નકલી પાસપોર્ટ બનાવ્યા હોવાનું પણ જાણવા મળ્યું છે.
નેપાળ અને બાંગ્લાદેશ દ્વારા ઘૂસણખોરી
પાકિસ્તાનીઓ નેપાળ અને બાંગ્લાદેશ થઈને ભારતમાં ઘૂસણખોરી કરતા હતા. તેમાં ISI એજન્ટો પણ સામેલ છે. આઝાદે તેને બંગાળમાં છુપાવવાની વ્યવસ્થા કરી હતી. તેઓ હવે ભારતના વિવિધ રાજ્યોમાં ફેલાયેલા છે.
આઝાદ ISI ના સંપર્કમાં હતો
ઈડીના સૂત્રોએ જણાવ્યું હતું કે આઝાદ ISI સાથે નિયમિત સંપર્કમાં હતો. જ્યારે પણ તેમને કોઈ સૂચના મળતી ત્યારે તેઓ તે મુજબ કામ કરતા હતા. ઈડી હવે આઝાદની પૂછપરછ કરી રહી છે અને નકલી પાસપોર્ટ બનાવનારા લોકોની યાદી તૈયાર કરી રહી છે. આઝાદની તાજેતરમાં કોલકાતાને અડીને આવેલા ઉત્તર 24 પરગણા જિલ્લાના બિરાટી વિસ્તારમાંથી ધરપકડ કરવામાં આવી હતી. તેની પાસેથી પાકિસ્તાની ડ્રાઇવિંગ લાઇસન્સ મળી આવ્યું હતું.
આ પણ વાંચોઃ ગામતળની બહાર અથવા વાડી વિસ્તારમાં વસવાટ કરતા પરિવારોના હિતમાં રાજ્ય સરકારનો મહત્વપૂર્ણ નિર્ણય












