VIDEO : દિકરા અર્જુનને લઈને સચિન તેંડુલકરે આપી ભાવુક સ્પીચ, વીડિયો થયો વાયરલ

Sachin Tendulkar Emotional Speech: દિગ્ગજ ક્રિકેટર સચિન તેંડુલકરના પુત્ર અર્જુન 5 માર્ચે લગ્ન કરવા જઈ રહ્યા છે. પ્રી-વેડિંગ સેરેમની શરૂ થઈ ગઈ છે. અર્જુને ગયા વર્ષે સોનિયા ચંડોક સાથે સગાઈ કરી હતી. લગ્નની તૈયારીઓ શરૂ થઈ ગઈ છે. સચિન તેંડુલકર, તેની પત્ની અને અર્જુન અને સાનિયા સાથે, અંબાણી પરિવાર સાથે પ્રી-વેડિંગ સેરેમની માટે જામનગર પહોંચ્યા હતા. મુંબઈ ઇન્ડિયન્સે આ પ્રસંગનો એક વીડિયો સોશિયલ મીડિયા પર શેર કર્યો હતો. સચિન તેંડુલકરે સમારંભ દરમિયાન ભાવનાત્મક ભાષણ આપ્યું હતું, જે સોશિયલ મીડિયા પર વાયરલ થઈ રહ્યું છે.

પ્રી-વેડિંગ સેરેમની દરમિયાન અર્જુન અને સાનિયાનો પરિવાર હાજર

તેંડુલકર પરિવારે પૂજા સાથે પ્રી-વેડિંગ સેરેમનીની શરૂઆત કરી હતી. નોંધનીય છે કે અનંત અંબાણી અને રાધિકા મર્ચન્ટના લગ્ન આ જ સ્થળે થયા હતા. સચિનનો આખો પરિવાર સાનિયા ચાંડોકના પરિવાર સાથે હાજર હતો. આ પ્રસંગે સચિન તેંડુલકરે અંબાણી પરિવારનો આભાર માન્યો. તેમણે કહ્યું, “આ કપલને તેમના ભવિષ્યના પ્રવાસ માટે આશીર્વાદ આપવા માટે આનાથી સારી જગ્યા અને સારા લોકો પસંદ ન થઈ શક્યા હોત. અમને આમંત્રણ આપવા બદલ ખૂબ ખૂબ આભાર.”

https://x.com/mipaltan/status/2026620713055215995?s=20 

સચિન તેંડુલકરે અર્જુન વિશે હૃદયસ્પર્શી વાત કહી

સચિને અર્જુન તેંડુલકર અને સાનિયાના પ્રેમ વિશે પણ વાત કરી. તેમણે કહ્યું, “જ્યારે કોઈ દીકરો કોઈ છોકરીને ઘરે લાવે છે અને તેનો પરિચય કરાવે છે, ત્યારે એવું લાગે છે કે તે મોટો થઈ ગયો છે. તેઓ એકબીજાના પ્રેમમાં પાગલ લાગે છે. અર્જુન, મારે કહેવું જ જોઇએ કે મને તારા પર ખૂબ ગર્વ છે. તને કોઈ એવી ખાસ વ્યક્તિ મળી છે જે તને એટલો જ પ્રેમ કરે છે જેટલો તું તેને પ્રેમ કરે છે.” સચિનના ભાષણનો વીડિયો સોશિયલ મીડિયા પર વાયરલ થઈ રહ્યો છે.

પ્રી-વેડિંગ સેરેમની દરમિયાન નીતા અંબાણીએ શું કહ્યું?

સેરેમની દરમિયાન, નીતા અંબાણીએ કહ્યું, “અમે અહીં એ જ જગ્યાએ ભેગા થયા છીએ જ્યાં બે વર્ષ પહેલાં અનંત અને રાધિકાના લગ્ન થયા હતા. સચિન અને અંજલિ, તમે હંમેશા અમારા માટે પરિવાર જેવા રહ્યા છો, અને આજે તમારી ખુશીમાં ભાગીદાર બનવું અમારા હૃદયને ભરે છે. મારા પ્રિય અર્જુન, મેં તમને અમારી શાળામાં એક નાના છોકરાથી હવે અહીં ઉભા રહીને, તમારા જીવનની સૌથી સુંદર પાર્ટનરશીપ શરૂ કરવા માટે તૈયાર થતા જોયા છે.”

આ પણ વાંચો: શું છે 133 વર્ષ જૂની Durand Line? જેના લીધે એક બીજાના લોહીના તરસ્યા થયા છે પાકિસ્તાન અને અફઘાનિસ્તાન