આલિયા ભટ્ટના પૂર્વ સેક્રેટરીની નાણાકિય હેરાફેરી: 76 લાખની ઠગાઇમાં ધરપકડ, જાણો શું છે મામલો

એચડી ન્યૂઝ ડેસ્ક, 09 જુલાઇ 2025: Entertainment Crime બોલીવુડ અભિનેત્રી આલિયા ભટ્ટના પૂર્વ સેક્રેટરીની મુંબઈ પોલીસે ધરપકડ કરી છે. આલિયાના પૂર્વ સેક્રેટરીનું નામ વેદિકા શેટ્ટી છે, જેની અભિનેત્રી સાથે 76 લાખની છેતરપિંડી કરવાના કેસમાં ધરપકડ કરવામાં આવી છે. વેદિકા પર આલિયા ભટ્ટના પ્રોડક્શન હાઉસ અને પર્સનલ એકાઉન્ટમાં હેરાફેરી કરીને અભિનેત્રી સાથે 76 લાખની છેતરપિંડી કરવાનો આરોપ છે. હાલમાં આ બાબતે કોઈ સત્તાવાર નિવેદન જારી કરવામાં આવ્યું નથી.
જાન્યુઆરી 2025માં ગુનો નોંધવામાં આવ્યો હતો
એવો આરોપ છે કે શેટ્ટીએ નકલી બિલના આધારે આલિયા અને તેના પ્રોડક્શન હાઉસ પાસેથી ગેરકાયદેસર 76 લાખની રકમ મેળવી હતી. આ ઉચાપત મે ૨૦૨૨ થી ઓગસ્ટ ૨૦૨૪ દરમિયાન કરવામાં આવી હતી. વેદિકા નકલી બિલ બનાવતી હતી, તેના પર આલિયાની સહી લેતી હતી અને પછી બધા પૈસા તેના મિત્રના ખાતામાં ટ્રાન્સફર કરતી હતી. આ રીતે શેટ્ટીએ બે વર્ષમાં લગભગ 76 લાખ રૂપિયાની ઉચાપત કરી હતી. આ કેસમાં આ વર્ષે જાન્યુઆરીમાં જુહુ પોલીસ સ્ટેશનમાં ગુનો નોંધવામાં આવ્યો હતો.
વેદિકા 5 મહિનાથી ફરાર, બેંગ્લુરુથી પકડાઇ
વેદિકા છેલ્લા 5 મહિનાથી ફરાર હતી. હવે વેદિકાને બેંગલુરુથી ધરપકડ કરીને કોર્ટમાં રજૂ કરવામાં આવી છે. આરોપી વેદિકાને ૧૦ જુલાઈ સુધી પોલીસ કસ્ટડીમાં મોકલી દેવામાં આવી છે.
આલિયા ભટ્ટ ફિલ્મ આલ્ફા માટે ચર્ચામાં
આલિયા ભટ્ટ હાલમાં તેની આગામી ફિલ્મ આલ્ફા માટે સમાચારમાં છે, જેમાં તેની સાથે શર્વરી વાઘ પણ જોવા મળશે. આ એક જાસૂસી બ્રહ્માંડ ફિલ્મ છે, જે 25 ડિસેમ્બર 2025 ના રોજ રિલીઝ થશે. આ ઉપરાંત, આલિયા તેના પતિ અને અભિનેતા રણબીર કપૂર સાથે સંજય લીલા ભણસાલીની ‘લવ એન્ડ વોર’માં પણ જોવા મળશે, જેમાં વિકી કૌશલ પણ મુખ્ય ભૂમિકામાં છે. આલિયા પાસે ફરહાન અખ્તરની ‘જી લે ઝરા’ પણ છે, જેમાં કેટરિના કૈફ અને પ્રિયંકા ચોપરા પણ મુખ્ય ભૂમિકામાં છે. પરંતુ, ફિલ્મ વિશે હજુ સુધી કોઈ અપડેટ નથી.
આ પણ વાંચો:ભારત બંધની અસર પશ્ચિમ બંગાળમાં સૌથી વધુ જોવા મળી, પ્રદર્શનકારીઓ રસ્તા પર ઉતર્યા
આ પણ વાંચો:બીએસએફના સ્થાપના દિવસની ઉજવણી કચ્છમાં, ગૃહમંત્રી દેશભરમાંથી આવેલા જવાનોની ઝીલશે સલામી












