ભારત બંધની અસર પશ્ચિમ બંગાળમાં સૌથી વધુ જોવા મળી, પ્રદર્શનકારીઓ રસ્તા પર ઉતર્યા
પશ્ચિમ બંગાળ, 9 જુલાઈ 2025: 9 જુલાઈના રોજ, દેશભરમાં વિવિધ સરકારી ક્ષેત્રોના 25 કરોડથી વધુ કર્મચારીઓ રાષ્ટ્રવ્યાપી સામાન્ય હડતાળ પર જઈ રહ્યા છે. કર્મચારીઓએ ભારત બંધનું એલાન આપ્યું છે. ભારત બંધથી દેશમાં જાહેર સેવાઓમાં મોટો વિક્ષેપ પડવાની ધારણા છે અને તેના કારણે કામ, લોકોની અવરજવર અને બેંકિંગ કામગીરી પર મોટી અસર પડી શકે છે. દરમિયાન, ભારત બંધની અસર દેશભરમાં પણ દેખાવા લાગી છે. પશ્ચિમ બંગાળમાં તેની સૌથી વધુ અસર જોવા મળી રહી છે. અહીં સિલિગુડીમાં સરકારી બસોના સંચાલન પર અસર પડી છે. આ ઉપરાંત, ડાબેરી પક્ષોના સંગઠનોએ કોલકાતાના જાધવપુરમાં પગપાળા કૂચ કરીને ‘ભારત બંધ’માં ભાગ લીધો હતો.
#WATCH | Kolkata | Heavy police force deployed near Jadavpur 8B bus stand and bus drivers wear helmets for protection as private and state-run buses operate in Jadavpur despite the ‘Bharat Bandh’.
The ‘Bharat Bandh’ has been called by 10 central trade unions, alleging that the… pic.twitter.com/6iUcOwjLm2
— ANI (@ANI) July 9, 2025
પશ્ચિમ બંગાળમાં ભારત બંધની અસર
જાધવપુરમાં એક બસ ડ્રાઇવરે કહ્યું, “આ લોકો સાચું કહી રહ્યા છે (ભારત બંધનો ઉલ્લેખ કરીને), પરંતુ અમારે અમારું કામ કરવું પડશે. અમે મજૂર છીએ, તેથી અમે બંધને સમર્થન આપીએ છીએ. અમે હેલ્મેટ પહેર્યા છે જેથી જો કંઈક થાય તો અમે સુરક્ષિત રહીએ.” ઉલ્લેખનીય છે કે જાધવપુરમાં બસ સ્ટેન્ડ પાસે મોટી સંખ્યામાં પોલીસ દળ તૈનાત કરવામાં આવ્યા છે. ઉપરાંત, બસ ડ્રાઇવરોએ સલામતી માટે હેલ્મેટ પહેર્યા છે. ઉલ્લેખનીય છે કે ભારત બંધ છતાં, જાધવપુરમાં ખાનગી અને સરકારી બસો દોડાવવામાં આવી રહી છે.
વિરોધીઓ રેલ્વે સ્ટેશનમાં પ્રવેશ્યા
જાધવપુરમાં પોલીસ તૈનાતી વધારવામાં આવી છે. આમ છતાં, ડાબેરી પક્ષોના યુનિયન સભ્યોએ જાધવપુર રેલવે સ્ટેશનમાં પ્રવેશ કર્યો અને કેન્દ્ર સરકારની કોર્પોરેટ-તરફી નીતિઓનો વિરોધ નોંધાવવા માટે રેલવે ટ્રેક બ્લોક કર્યો. કેટલીક જગ્યાએ આગચંપીની નાની ઘટનાઓ પણ બની છે. જોકે, હવે પરિસ્થિતિ નિયંત્રણમાં છે. આ ઉપરાંત, પટણામાં કોંગ્રેસના કાર્યકરોએ રાજ્ય વિધાનસભા ચૂંટણી 2025 પહેલા બિહારમાં મતદાર યાદીના સ્પેશિયલ ઇન્ટેન્સિવ રિવિઝન (SIR) ના વિરોધમાં સચિવાલય હોલ્ટ રેલ્વે સ્ટેશન પર રેલ્વે ટ્રેક બ્લોક કર્યો હતો.
આ પણ વાંચો : VIDEO: આ ખેલાડીએ બૉલ ફેંક્યો કે બંદૂકની ગોળી, એક જ ઝાટકે સ્ટમ્પના બે ફાડિયા કરી નાખ્યા
