અમદાવાદના ચંડોળા તળાવ વિસ્તારમાં બુલડોઝર એક્શનનો બીજો રાઉન્ડ, અઢી હજાર મકાનો તોડી પડાશે
અમદાવાદ: ગુજરાતમાં ફરી એક વાર ગેરકાયદેસર બાંધકામ પર એક્શન લેવાની શરુ થઈ ગઈ છે. અમદાવાદમાં ચંડોળા તળાવ વિસ્તારમાં બીજા તબક્કામાં લગભગ 2.5 હજાર ગેરકાયદેસર મકાનો પાડવામાં આવશે. પહેલા તબક્કામાં આ વિસ્તારમાં લગભગ 3 હજાર મકાનો પર બુલડોઝર ચલાવવામાં આવશે. ગેરકાયદેસર મકાનો પર કાર્યવાહીની બીજા તબક્કામાં મોટા પાયે તૈયારીઓ થઈ ગઈ છે. પ્રશાસને કાર્યવાહીને વ્યવસ્થિત રીતે ચલાવવા માટે 75 બુલડોઝર અને 150 ડમ્પર તૈનાત કર્યા છે. સાથે જ સુરક્ષા માટે 8 હજાર પોલીસકર્મી તૈનાત કર્યા છે.
મોટાભાગના ઘરો ગેરકાયદેસર બાંગ્લાદેશી નાગરિકોના
અહીં ઉલ્લેખનિય છે કે, અગાઉ, 29 અને 30 એપ્રિલના રોજ અભિયાનના પહેલા તબક્કામાં, લગભગ 3 હજાર ગેરકાયદેસર મકાનો તોડી પાડવામાં આવ્યા હતા, જેમાંથી મોટાભાગના ગેરકાયદેસર બાંગ્લાદેશી નાગરિકોના હતા. બીજા તબક્કામાં પણ વહીવટીતંત્ર અઢી હજારથી વધુ ગેરકાયદે બાંધકામોને નિશાન બનાવી રહ્યું છે. ગુજરાત પોલીસે છેલ્લા કેટલાક અઠવાડિયામાં હજારો ગેરકાયદેસર બાંગ્લાદેશી નાગરિકોની અટકાયત કરી છે, જેમાં અમદાવાદમાં રહેતા મોટી સંખ્યામાં બાંગ્લાદેશીઓનો પણ સમાવેશ થાય છે. ચંડોળા તળાવ વિસ્તારમાં ચાલી રહેલી આ કાર્યવાહીનો ઉદ્દેશ્ય ગેરકાયદેસર અતિક્રમણ દૂર કરવાનો અને ઘુસણખોરો પર કડક કાર્યવાહી કરવાનો છે.
#WATCH अहमदाबाद, गुजरात: वीडियो चंदोला क्षेत्र से है। अहमदाबाद नगर निगम ने 2.5 लाख वर्ग मीटर से अधिक क्षेत्र से अवैध अतिक्रमण हटाने के लिए ध्वस्तीकरण अभियान का दूसरा चरण शुरू किया। pic.twitter.com/6ycoAKAdpv
— ANI_HindiNews (@AHindinews) May 20, 2025
ગેરકાયદેસર કબજો ૧૯૭૦-૮૦ના દાયકામાં શરૂ થયો હતો
ચંડોળા તળાવ વિસ્તાર લાંબા સમયથી ગેરકાયદેસર બાંગ્લાદેશી ઇમિગ્રન્ટ્સનો ગઢ રહ્યો છે, જ્યાં માનવ તસ્કરી અને નકલી દસ્તાવેજોનું નેટવર્ક વ્યાપક હતું. આ વિસ્તાર પર ગેરકાયદેસર કબજો ૧૯૭૦-૮૦ના દાયકામાં શરૂ થયો હતો, જ્યારે અહીં મોટી સંખ્યામાં સ્થળાંતરિત વસાહતો સ્થપાઈ હતી.
૨૦૦૨ માં, એક NGO એ આ વિસ્તારમાં સિયાસત નગર નામની વસાહત સ્થાપી. આ પછી, 2010 થી 2024 ની વચ્ચે, ચંડોળા તળાવની જમીન પર ગેરકાયદેસર અતિક્રમણ વધ્યું. વહીવટીતંત્રના જણાવ્યા અનુસાર, આ વિસ્તારમાં લોકો દ્વારા મોટા પાયે ગેરકાયદેસર બાંધકામ કરવામાં આવ્યું હતું, જેમાં ઘણા ગેરકાયદેસર બાંગ્લાદેશી નાગરિકોનો પણ સમાવેશ થાય છે.
આ પણ વાંચો: આર્થિક મોરચે ભારત માટે ખરાબ સમાચાર, ઇકરાએ ઘટાડ્યો જીડીપી વૃદ્ધિ દર
