નેશનલ

રામ નવમીની ઉજવણી દરમિયાન વેણુગોપાલ સ્વામી મંદિરમાં લાગી ભીષણ આગ, જુઓ Video

  • આંધ્રપ્રદેશમાં વેણુગોપાલ સ્વામી મંદિરમાં લાગી આગ
  • પંડાલમાં શોર્ટ સર્કિટના કારણે લાગી ભીષણ આગ
  • આગના પગલે લોકોમાં અફરાતફરી મચી ગઈ

આંધ્રપ્રદેશના પશ્ચિમ ગોદાવરી જિલ્લામાં આવેલા વેણુગોપાલ સ્વામી મંદિરમાં રામનવમીની ઉજવણી દરમિયાન આગ ફાટી નીકળી હતી. રામનવમીની ઉજવણી માટે મંદિરમાં પંડાલ લગાવવામાં આવ્યો હતો. આ દરમિયાન શોર્ટ સર્કિટના કારણે આ પંડાલમાં આગ લાગી હતી. થોડી જ વારમાં જ્વાળાઓએ પંડાલને ઘેરી લીધું. જો કે હજુ સુધી કોઈ જાનહાનિના સમાચાર મળ્યા નથી. અહેવાલ મુજબ આગ લાગતાની સાથે જ શ્રદ્ધાળુઓને પંડાલમાંથી બહાર કાઢવામાં આવ્યા હતા, જેના કારણે મોટી દુર્ઘટના ટળી હતી.

દેશના પશ્ચિમ ગોદાવરી જિલ્લામાં રામનવમી પર આંધ્રપ્રદેશ એક મોટી દુર્ઘટનામાંથી બચી ગયું. અહીંના વેણુગોપાલ મંદિર પરિસરમાં રામનવમી માટે બનાવેલા પંડાલમાં શોર્ટ સર્કિટ થતાં ભીષણ આગ ફાટી નીકળી હતી. જોકે સમયસર ભક્તોને મંદિરમાંથી બહાર કાઢવામાં આવ્યા હતા. આગની માહિતી મળ્યા પછી પોલીસ દળ અને ફાયર બ્રિગેડની ઘણી ગાડીઓ ઘટનાસ્થળે પહોંચી ગઈ છે. મંદિરની આસપાસના વિસ્તારમાં લોકોની અવરજવર બંધ કરી દેવામાં આવી છે. હાલ આગ પર કાબૂ મેળવવામાં આવી રહ્યો છે.

મંદિર પરિસરમાં લાગેલી ભીષણ આગના અનેક વીડિયો સામે આવ્યા છે. તેમાં જોઈ શકાય છે કે આગ લાગ્યા બાદ મંદિરમાં નાસભાગ મચી ગઈ હતી. લોકો કોઈને કોઈ રીતે મંદિરમાંથી બહાર આવી રહ્યા છે. આગની થોડી જ વારમાં આખું પંડાલ ધરાશાયી થઈ ગયું હતું.

આ પણ વાંચો : BIG Breaking : ઈંદોરમાં રામનવમી પર મોટી દુર્ઘટના, મંદિરની છત ધરાશાયી, 25થી વધુ લોકો વાવમાં પડ્યા

Back to top button