8th Pay Commission: 8મા પગાર પંચ (8th Pay Commission)ની જયપુર ખાતે યોજાયેલી મહત્વની બેઠક પૂર્ણ થઈ ગઈ છે અને હવે આગામી બેઠક 7 અને 8 સપ્ટેમ્બરના રોજ ચેન્નાઈમાં યોજાવાની છે. જયપુરની બેઠકમાં સરકારી કર્મચારીઓ અને પેન્શનરોના પ્રતિનિધિ મંડળે પગાર પંચ સમક્ષ અનેક મહત્વના મુદ્દાઓ પર વિગતવાર ચર્ચા કરી હતી. જોકે, આ સમગ્ર ચર્ચામાં સૌથી ખાસ અને ચર્ચાસ્પદ મુદ્દો દર વર્ષે મળતા વાર્ષિક ઇન્ક્રીમેન્ટ (Annual Increment)ના દરનો રહ્યો છે. બેઠકમાં ઉપસ્થિત તમામ કર્મચારી પ્રતિનિધિઓએ ઇન્ક્રીમેન્ટ રેટ વધારવાની પ્રબળ માંગ કરી છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

હાલમાં મળે છે 3% ઇન્ક્રીમેન્ટ, 7% કરવાની માંગ

હાલના નિયમો મુજબ સરકારી કર્મચારીઓ અને પેન્શનરોને વાર્ષિક 3 ટકા લેખે ઇન્ક્રીમેન્ટ આપવામાં આવે છે. જોકે, કર્મચારીઓ અને પેન્શનરોનું કહેવું છે કે સતત વધતી મોંઘવારીને ધ્યાનમાં રાખતા આ 3 ટકાનો વધારો ખૂબ જ ઓછો પડે છે. મોંઘવારી સામે યોગ્ય રાહત મેળવવા માટે સરકારે વાર્ષિક ઇન્ક્રીમેન્ટનો દર ઓછામાં ઓછો 7 ટકા નક્કી કરવો જોઈએ. ‘ઓલ ઈન્ડિયા ન્યૂ પેન્શન સ્કીમ એમ્પ્લોઈઝ ફેડરેશન’ (AINPSEF) દ્વારા દર વર્ષે 7 ટકા ઇન્ક્રીમેન્ટની સત્તાવાર માંગ મૂકવામાં આવી છે.

7% ઇન્ક્રીમેન્ટ મળે તો પગાર કેટલો વધશે? (ગણતરી)

જો સરકાર દ્વારા 7 ટકા ઇન્ક્રીમેન્ટની આ માંગ સ્વીકારી લેવામાં આવે, તો કર્મચારીઓના પગાર અને પેન્શનરોની પેન્શન રકમમાં મોટો ઉછાળો આવશે:

મૂળ પગાર (Basic Salary) ગણતરી:

ધારો કે લેવલ-8 (Level-8)ના કર્મચારીનો મૂળ પગાર ₹47,600 છે. જો 8મા પગાર પંચમાં 2.15 નો ફિટમેન્ટ ફેક્ટર (Fitment Factor) નક્કી કરવામાં આવે, તો સુધારેલો મૂળ પગાર વધીને ₹1,02,340 થઈ જશે. (આ ઉપરાંત ડીએ અને એચઆરએ ઉમેરાતા કુલ પગાર વધુ વધશે).

આ પણ વાંચોઃ કૃષ્ણ જન્માષ્ટમી પર 2 રાશિઓને મળશે મોટી સફળતા, જાણો રાશિ ભવિષ્ય

5 વર્ષમાં વાર્ષિક પગાર આ મુજબ વધશે:

જો આ સુધારેલા બેસિક સેલેરી પર દર વર્ષે 7% નું ફિક્સ્ડ ઇન્ક્રીમેન્ટ આપવામાં આવે તો:

• પ્રથમ વર્ષ: ₹12,28,080

• બીજું વર્ષ: ₹13,14,046

• ત્રીજું વર્ષ: ₹14,06,029

• ચોથું વર્ષ: ₹15,04,451

• પાંચમું વર્ષ: ₹16,09,762

કર્મચારીઓને મળશે ₹29 લાખનો વધારાનો સીધો ફાયદો

આ જ રીતે 7 ટકાના દરે સતત ગણતરી આગળ વધારવામાં આવે તો, 10મા વર્ષ સુધીમાં વાર્ષિક સેલેરી વધીને ₹1,69,67,703 સુધી પહોંચી શકે છે. એટલે કે માત્ર ઇન્ક્રીમેન્ટ રેટ 3% થી વધારીને 7% કરવાથી જ કર્મચારીઓને 10 વર્ષના સમયગાળામાં આશરે ₹29 લાખ રૂપિયા સુધીનો વધારાનો સીધો આર્થિક ફાયદો ફક્ત સેલેરીમાંથી જ મળી શકે છે.