શિયાળાના સ્વેટર કે સાડીઓમાં પડી જાય છે નાના કાણાં? જાણો બચાવવાના 6 ઉપાય

શું છે સિલ્વરફિશ અને તે કપડાં કેમ બગાડે છે?

સિલ્વરફિશ એ ચાંદી જેવા ચમકતા રંગનો નાનો કીડો છે, જેને અંધારી અને ભેજવાળી જગ્યાઓ ગમે છે. તેને સ્ટાર્ચ, કાગળ, ગુંદર અને કપડાંમાં રહેલા પદાર્થોમાંથી ખોરાક મળે છે. જો અલમારીમાં ભેજ હોય અને લાંબા સમય સુધી સફાઈ ન થાય, તો આ જીવાતો વધી જાય છે.

તમારા કિંમતી કપડાં સુરક્ષિત રાખવા માટે આ 6 સરળ ઉપાયો અપનાવી શકો છો:

1. તજની પોટલી (Cinnamon Pouches):

રસોડામાં રહેલી તજનો ઉપયોગ કીડા ભગાડવા માટે થઈ શકે છે. તજની કેટલીક ડાળીઓ લઈને તેને સૂતી કપડામાં બાંધીને નાની પોટલી બનાવી લો. આ પોટલીને અલમારીના ખૂણાઓ કે ડ્રોઅરમાં મૂકી શકાય છે. તેની તીક્ષ્ણ સુગંધ કીડાઓને દૂર રાખે છે.

આ પણ વાંચોઃ વડોદરામાં ઝડપાયો ધોરણ-10 પાસ ‘બોગસ ડોક્ટર’: છાણી રોડ પર ક્લિનિક ચલાવતા શખ્સ પર SOGની તવાઈ

2. કાકડીની છાલ (Cucumber Peels):

કાકડીની છાલ સિલ્વરફિશ માટે નેચરલ રિપેલન્ટ (ભગાડનાર) તરીકે કામ કરે છે. તમે કાકડીની છાલ અલમારીની અંદર મૂકી શકો છો, પરંતુ ધ્યાન રાખો કે તે સડે તે પહેલાં તેને ફેંકી દેવી.

3. બેકિંગ સોડા (Baking Soda):

બેકિંગ સોડા અને ખાંડને ભેળવીને છાંટવાથી સિલ્વરફિશનો નાશ થઈ શકે છે. કીડાઓ તેને ખાવાથી ડિહાઇડ્રેશનનો શિકાર બને છે અને મરી જાય છે.

4. લેવેન્ડર અને લીંબુનું તેલ (Essential Oils):

સિલ્વરફિશને તેજ સુગંધ પસંદ હોતી નથી. તમે લેવેન્ડર, લીંબુ કે સંતરાની સુગંધવાળા સ્પ્રેનો ઉપયોગ અલમારીની આસપાસ કરી શકો છો.

5. ડાયટોમેસિયસ અર્થ (Diatomaceous Earth):

આ એક ખાસ પ્રકારનો ઝીણો પાઉડર છે, જે દરિયાઈ જીવોના અવશેષોમાંથી બને છે. તે કીડાઓની બહારની પરતને નુકસાન પહોંચાડીને તેમના શરીરમાં પાણીની ઉણપ સર્જે છે.

કપડાંમાં કાણાં દેખાય તો આ ભૂલો ન કરો:

• કપડાં તપાસો: જે કપડાંમાં છિદ્રો દેખાય તેમને અલગ કરીને સારી રીતે ચેક કરો અને જરૂર મુજબ સાફ કરો.

• અલમારી ખાલી કરીને સાફ કરો: દાજરો, ખૂણાઓ અને શેલ્ફ પાછળ જામેલી ધૂળ દૂર કરો.

• ભીના કપડાં ન મૂકો: કપડાં સંપૂર્ણપણે સુકાઈ જાય પછી જ અલમારીમાં ગોઠવો.