અનિરુદ્ધ રવિચંદર અને SRH ની માલકિન કાવ્યા મારન લગ્નના બંધનમાં બંધાશે? કોણ છે વધુ અમીર?
- તાજેતરમાં એક વાયરલ રેડિટ પોસ્ટમાં દાવો કરવામાં આવ્યો હતો કે અનિરુદ્ધ અને કાવ્યા એકબીજાને ડેટ કરી રહ્યા છે અને ટૂંક સમયમાં લગ્ન કરી શકે છે
14 જૂન, 2025, ચેન્નઈઃ શાહરૂખ ખાનની ફિલ્મ ‘જવાન’ ના સંગીત નિર્દેશક અને સુપરહિટ ગીત ‘કોલાવેરી દી’ થી ચર્ચામાં આવેલા પ્રખ્યાત સંગીતકાર અનિરુદ્ધ રવિચંદર આ દિવસોમાં તેમના અંગત જીવનને કારણે સમાચારમાં છે. તેમના લગ્નને લઈને ઘણી અટકળો ચાલી રહી છે. હવે તાજેતરના અહેવાલો અનુસાર તેમનું નામ કાવ્યા મારન Anirudh Ravichander and SRH owner Kavya Maran સાથે જોડાઈ રહ્યું છે. કાવ્યા મારન IPL ટીમ સનરાઈઝર્સ હૈદરાબાદ (SRH) ની માલિક અને સન ટીવી નેટવર્કના માલિક કલાનિધિ મારનની પુત્રી છે.
અનિરુદ્ધના લગ્નની અટકળો
તાજેતરમાં એક વાયરલ રેડિટ પોસ્ટમાં દાવો કરવામાં આવ્યો હતો કે અનિરુદ્ધ અને કાવ્યા એકબીજાને ડેટ કરી રહ્યા છે અને ટૂંક સમયમાં લગ્ન કરી શકે છે. આ અફવા સોશિયલ મીડિયા પર ઝડપથી ફેલાઈ રહી છે. ઉલ્લેખનીય છે કે સુપરસ્ટાર રજનીકાંત અનિરુદ્ધના મામા છે અને એવું કહેવાય છે કે તેમણે પોતે કાવ્યાના પિતા કલાનિધિ મારન સાથે આ સંબંધ વિશે વાત કરી છે. જોકે આ સમાચારની હજુ સુધી કોઈ સત્તાવાર પુષ્ટિ થઈ નથી.
ડિનર ડેટ્સ અને વેકેશનની અફવાઓ
તમિલ મીડિયાના એક અહેવાલ મુજબ, નેટીઝન્સનું કહેવું છે કે અનિરુદ્ધ અને કાવ્યા ઘણી વખત ડિનર ડેટ્સ પર જોવા મળ્યા છે અને સાથે વિદેશ પ્રવાસો પર પણ ગયા છે. આનાથી તેમના સંબંધોની અફવાઓને વેગ મળ્યો છે.
કાવ્યા મારન કોણ છે?
કાવ્યા મારન સન ટીવી નેટવર્કના એક્ઝિક્યુટિવ ડિરેક્ટર અને સન ગ્રુપના ચેરમેન કલાનિધિ મારનની પુત્રી છે. તેણે ચેન્નાઈની સ્ટેલા મેરિસ કોલેજમાંથી બી.કોમ કર્યું છે અને ન્યુ યોર્ક યુનિવર્સિટીની સ્ટર્ન સ્કૂલ ઓફ બિઝનેસમાંથી એમબીએની ડિગ્રી મેળવી છે. અહેવાલો અનુસાર તેની કુલ સંપત્તિ લગભગ 400 કરોડ રૂપિયા હોવાનું કહેવાય છે.
ઘણા મીડિયા રિપોર્ટ્સ અનુસાર, અનિરુદ્ધ રવિચંદરની કુલ સંપત્તિ 50 કરોડ રૂપિયા હોવાનો અંદાજ છે. તે ફિલ્મોમાં સંગીત રચના માટે લગભગ પાંચથી આઠ કરોડ રૂપિયા ચાર્જ કરે છે.
અનિરુદ્ધ અને કાવ્યા વચ્ચે ઉંમરનો તફાવત કેટલો છે?
અનિરુદ્ધ રવિચંદરનો જન્મ 16 ઓક્ટોબર 1990ના રોજ થયો હતો અને તે આ વર્ષે 35 વર્ષનો થશે. તે જ સમયે કાવ્યા મારનની ઉંમર 33 વર્ષ હોવાનું કહેવાય છે. એટલે કે બંને વચ્ચે ઉંમરનો તફાવત લગભગ બે વર્ષનો છે.
આ પણ વાંચોઃ ખૂબ જ વધુ પડતો ઘમંડ, જાવેદ અખ્તર અંગે પહેલી પત્ની હની ઈરાનીએ બીજું શું કહ્યું?
